رابطة عشاق و مالكى فيات سيينا بجميع موديلاتها

**midotick** · 28-08-2010 03:38 AM

تحياتى للجميع
رمضان كريم وان شاء الله نتواصل من جديد
وشكرا لكل شخص تكرم بالاتصال الاستفسار عن اى شئ وهذا اسعدنى جدا
ويارب اكون قد قمت بواجبى وافدت

**moh_mse** · 28-08-2010 12:20 PM

السلام عليكم ورحمة الله وبركاتة
كل سنة وانتم طيبين
انا يا جماعة في واحد حللي مشكلة التكيف وبصراحة راخل ملوش حل
قفلي هواية الماتور وعمل كوبري لوصلة مياه الردياتير السخنة اللى في الهواية ورحت ظبط الردياتير عند واحد استاذ وغسل دورة الردياتير بالكامل وبعد اسبوع حطيت مياه خضراء معتمدة وغيرت الثرموثتات 128 اسباني وشغلته على السرعة العالية التكيف ثلاجة ثلاجة
ولو حد عاوز يسالني عن اي شيئ انا تحت امره
اسمي محمد سليمان من السيدة زينب ت 0127251370

**WMOHAMEDALI** · 28-08-2010 03:27 PM

السلام عليكم ورحمة الله وبركاته
أنا وليد أبو على
اشتريت سيارة بيترا 2003 1600
ممكن أنضم إليكم على أساس أن هناك تشابه كبير جداً بين البيترا والسيينا ، مع أننى كنت هاشترى سيارة سيينا نظراً لوجودها مع زميل عمل وممتازة جداً ولكن النصيب أنى اشتريت بيترا من أحد الأصدقاء بدلاً من التوجه للسوق والله أعلم بالتجار !!
المهم
السيارة جيده بالفعل ولكن البائع كان مهمل بعض الشىء وأنا الآن فى مرحلة التظبيط من حيث الكهربا والسيور والبلى والفلاتر والبوجيهات وربنا يستر
يسعدنى الانضمام إليكم
وليد أبو على
هيئة ميناء دمياط

**WMOHAMEDALI** · 28-08-2010 03:29 PM

السلام عليكم ورحمة الله وبركاته
أنا وليد أبو على
اشتريت سيارة بيترا 2003 1600
ممكن أنضم إليكم على أساس أن هناك تشابه كبير جداً بين البيترا والسيينا ، مع أننى كنت هاشترى سيارة سيينا نظراً لوجودها مع زميل عمل وممتازة جداً ولكن النصيب أنى اشتريت بيترا من أحد الأصدقاء بدلاً من التوجه للسوق والله أعلم بالتجار !!
المهم
السيارة جيده بالفعل ولكن البائع كان مهمل بعض الشىء وأنا الآن فى مرحلة التظبيط من حيث الكهربا والسيور والبلى والفلاتر والبوجيهات وربنا يستر
يسعدنى الانضمام إليكم
وليد أبو على
هيئة ميناء دمياط

**motoxp** · 28-08-2010 04:57 PM

اهلا بيك السيينا هيا البترا بالضبط واى خدمة

**emadfk** · 30-08-2010 05:06 PM

انا عندى سيينا 1400 موديل 2000 وكان زرار الهواية بتاع التكييف كان شغال زى الفل
بحيث انى لما احب هواء من الخارج اضغط عل الزرار للخارج ولما احب اقفل الهواء اضغط على الزرار للداخل

لكن للاسف دلوقت اضغظ للداخل او للخارج الهواء جاى من الخارج عل طول

فهل فى حل للمشكلة دى ولا يكون فيوز او ماذا

اريد المساعدة

**zmz200** · 30-08-2010 09:34 PM

انا عندى سينا موديل 2008 1500 سى سى مفيهاش اى مشاكل بقلها معايا دلوقتى سنتين مش عارف الناس اللى بتشتكى ديه ليه يرحو يشترو مستعمل وبعد كده يندمو ويقلك السينا عربيه ممتازه بتلم بسرعه لو انت من هواه التغريز وعفشه ممتازه لشوارع مصر الجميله ومتورها معرف طبعا ^^

**mohamedmmm2** · 31-08-2010 01:25 PM

المشاركة الأصلية كتبت بواسطة motoxp

على الرغم من انى بايع السيينا من 4 ايام بعد مرور 3 سنين بيها بس هى عربيه بتستحمل اوى وعيبها ان تكييفها فى النهار ضعيف بس بليل ثلاجه وقطع غيارها منتشرة و متوفرة و اسعار حلوه عند الكيلانى مثلا الثبات بعد 120 ضعيف انا جبت بيها 190 على طريق السخنه كان ثباتها ضايع بس كنت عايز اجرب اقصى سرعة بس فى المجمل عربية كويسة

لو حضرتك شايف ان ثباتها مش حلو بعد ال 120 (اصلا مش عارف بجد ارد اقول ايه 120 دى كنت بجيبها على التالت) يبقى عربيتك كان فيها مشكله ممكن تكون زوايه او حاجه فى العفشه او ترصيص او الجنط كان واخد خبطه خفيفه..
انا كان معايا سيينا موديل 2001 بعتها غصب عنى والله وكان نفسى المشترى يقوللى اى حاجه والبيعه تبوظ بس كنت مضطر عشان كانت عامله حادثه وغلبتنى فى تصليحها عشان كانت مشيسه..
والله انا كنت بمشى بصفه دائمه على 180 والله كنت بتكلم فى التليفون وعايش حياتى والعربيه كانت زى الفل فى الثبات والفرامل بجد تحفه مع العلم ان كان معايا ال 1400
وقطع الغيار كانت موجودة عادى جدا سواء فى الكيلانى او فيات 2000 او الوكاله.. دانا ياراجل اشتريت مشبك كبوت بعد الحادثه لواحدة فرط كدة مش كامل..
العربيه كانت ممتازة وانا مقتنع بيها لاقصى درجه وكان نفسى اشترى فيات تانى بس للاسف الفلوس ما سمحتش..
انا دلوقتى معايا بولو سيدان 2009 وصدقونى رغم انها احدث وفيها اوبشنز جميله ومع المقارنه هاتطلع السيينا خسرانه بس فى الاداء الاتنين زى بعض وبجد انا كنت مبسوط ومستريح اكتر فى السيينا والله..
فيه حاجه فى الفيات ماتتفهمش بيربى فيك ارتباط غير عادى بالعربيه كانها مراتك وبيخليك صعب اوى تتخلى عنها انا فاكر لما بعتها كانى بعت اغلى حاجه عندى وكنت متضايق جدااااااااا
بس بجد اللى بيفكر يتوكل على الله ويشترى بس اهم حاجه الحاله

**motoxp** · 01-09-2010 03:16 AM

المشاركة الأصلية كتبت بواسطة mohamedmmm2

لو حضرتك شايف ان ثباتها مش حلو بعد ال 120 (اصلا مش عارف بجد ارد اقول ايه 120 دى كنت بجيبها على التالت) يبقى عربيتك كان فيها مشكله ممكن تكون زوايه او حاجه فى العفشه او ترصيص او الجنط كان واخد خبطه خفيفه..
انا كان معايا سيينا موديل 2001 بعتها غصب عنى والله وكان نفسى المشترى يقوللى اى حاجه والبيعه تبوظ بس كنت مضطر عشان كانت عامله حادثه وغلبتنى فى تصليحها عشان كانت مشيسه..
والله انا كنت بمشى بصفه دائمه على 180 والله كنت بتكلم فى التليفون وعايش حياتى والعربيه كانت زى الفل فى الثبات والفرامل بجد تحفه مع العلم ان كان معايا ال 1400
وقطع الغيار كانت موجودة عادى جدا سواء فى الكيلانى او فيات 2000 او الوكاله.. دانا ياراجل اشتريت مشبك كبوت بعد الحادثه لواحدة فرط كدة مش كامل..
العربيه كانت ممتازة وانا مقتنع بيها لاقصى درجه وكان نفسى اشترى فيات تانى بس للاسف الفلوس ما سمحتش..
انا دلوقتى معايا بولو سيدان 2009 وصدقونى رغم انها احدث وفيها اوبشنز جميله ومع المقارنه هاتطلع السيينا خسرانه بس فى الاداء الاتنين زى بعض وبجد انا كنت مبسوط ومستريح اكتر فى السيينا والله..
فيه حاجه فى الفيات ماتتفهمش بيربى فيك ارتباط غير عادى بالعربيه كانها مراتك وبيخليك صعب اوى تتخلى عنها انا فاكر لما بعتها كانى بعت اغلى حاجه عندى وكنت متضايق جدااااااااا
بس بجد اللى بيفكر يتوكل على الله ويشترى بس اهم حاجه الحاله

لا تعليق

**mohamed88eg** · 01-09-2010 05:25 AM

السلام عليكم يا احلي شباب واجمد منتدي واجمل موضوع للسينا
انا تقريبا قريت ال 51 صفحه دول ( فراغ بقي )
انا معايا سينا 1400 مو 2001 ومشاء الله عليها مفهاش اي مشاكل من اللي قريتها خالص
سواء كان التكييف او البنزين اللي في ناس كتيييييييير جداً مش عاجبها استهلاكها
انا طبيعي برده بروح للميكانيكي وبغير حاجات وبعمل حوادث زي الناس كلها ههههههه

المهم بقي :
- بالنسبه للحراره عندي علطول علي الربع الاولاني ومع التكيف بتزيد حبه صغيرين
- استهلاك البنزين : انا الحمد لله الصفيحه 20 لتر جو البلد بتعملي معايا حوالي 205 او 210
وفي السفر ( فولت ) وعملت 492 كم واللمبه نورت بعدها واول منورت خفت وحطيت بنزين اصلي كنت خايف ملاقيش بنزينه هههههه
انا بجري جدا جدا جدا جدا بالعربيه في البلد بحترم نفسي عشان الاغبيه اللي مبيعرفوش يسوقوا دول لكن في السفر بجيب 180 و 190 كمان وبفضل ثابت فترات طويله علي السرعه ده وطول ما انا ثابت علي سرعه ان شالله 90 مش بزيد ولا بقل ده بيقلل استهلاك البنزين
انا بحط 92 من شيل علطول اصلها جانب البيت
- غيرت القربه قبل كده بس من ساعه مغيرتها الحمد لله مفيش اي حاجه
- اكتر المشاكل بقي اللي بتواجهني الانوار والكهربا اتخنئت منهم

لو في اي حد عنده اس سؤال او اي استفسار انا في الخدمه
اسمي محمد كرم 0109788537 وده رقمي كمان

- للعلم انا دلوقتي عامل 156902 كم لحد انهارده والحمد لله مفيش اي مشاكل
الحمد لله
ومفتكرش اني هفكر اغيرها عشان انا بجد بعشقها
كفايه انها قليله مش زي الجراد الاكسنت والفيرنا

الموضوع: رابطة عشاق و مالكى فيات سيينا بجميع موديلاتها

LinkBack

أدوات الموضوع

عرض

-

-

مساعدة فى زر هواية التكييف -

-

المواضيع المتشابهه

الى الساده مالكى سيارات فيات سيينا

رابطة عشاق و مالكى فيات نوفا بونتو

اقتراح لانشاء رابطه مالكى كيا بيكانتو بجميع موديلاتها

رابطة عشاق و مالكى 307

مساعده من مالكى فيات سيينا

الكلمات الدلالية لهذا الموضوع

المفضلات

المفضلات

ضوابط المشاركة