الموضوع: رابطة عشاق و مالكى فيات سيينا بجميع موديلاتها

انا اشتريت سيينا 2008 من اسبوع وكنت عايز اوديها التوكيل اعمل فحص كامل وعايز النصيحة من اهل الرأي والخبرة اوديها التوكيل ولا لأ العربية ماشية 80 الف كيلو ولكم جزيل الشكر

المشاركة الأصلية كتبت بواسطة misry

السلام عليكم ...

بما اننا اتعودنا في رابطة السيينا انا نساعد بعض على قد ما نقدر فانا هاقول لكم على كام حاجة

عملتها في العربية وبالاسعار علشان الكل يستفيد ...

حاجة كمان أنا جبت قطع الغيار من طنطا وركبتها عند صنايعية في بركة السبع علشان واحد قريبي

عايش هناك ويعرفهم وبصراحة هما ممتااازين. واكيد برده الاسعار في القاهرة هتكون اقل من كده


أولا : المشاكل اللي كانت في العربية

1- لمبة الانجكشن منورة

2- صوت العربية عالي جدا

3- العربية محتاجة كبالن

4- الفرامل ضعيفة جدا

5- الاربع فرد كاوتش منتهيييين

6- السحب كان ضعيف


الحاجات اللي اشتريتها بالاسعار

1- 4 فرد كاوتش gt 13 175/70 الواحدة ب 295

2- 2 كوبلن واحد ب110 والتاني ب105 (اشتريتهم على يومين !!!)

3- ماستر فرامل ب165

4- غطاء قربة المياه ب18

5- مراية امام يمين ب85


ما تم تصليحه

1- الصوت العالي كان سببه خرم في لي الشكمان وتم تغييره (اللي + التغيير = 95 جنيه) + تم تغيير

جوانات الشكمان .......... النتيجة الصوت بقى ناعم جدااااااا والسحب فرق بصراحة فرق رهيب

2- تغيير الكبالن + ماستر الفرامل + تركيب الجوانات + اضافة زيت للفرامل وحاجات تانية بسيطة = 120 جنيه


3- الميكانيكي شال كل حاجة ممكن تتنضف في الكبوت ونضفها ورجعها تاني + تغيير البوجيهات + غسيل الموتور = 150 جنيه

النتيجة : اللمبة الحمرا اختفت والعربية بقت عربية بصحيح



بصراحة بعد الحاجات اللي عملتها دي حسيت اني راكب عربية تانية خاااااااااالص ... الحمد لله


الحاجات اللي ناقص اعملها وتبقى العربية مفيهاش غلطة :

1- غدا ان شاء الله ::: تركيب الاربع فرد كاوتش + ترصيص + زبط زوابا + تربيط العفشة والكشف عليها

2- تركيب المراية اليمين

3- تركيب فرش جلد للعربية

4- شوية سمكرة بسيطة + رش خارجي


بكده ابقى خلصت كل اللي عملته الى الآن واتمنى انكم تستفيدو منه


شكرا ...

الف مبروك عليك يا باشا

بس كنت عايز اسالك عملت ايه في لمبة الانجكشن عشان منورة عندي برضة

ياجماعة انا اول مرة اشارك فى منتدى معايا عربية فيات سيينا موديل 2002 1400 سى سى وعندى بعض المشاكل ياريت حد يفيدنى فيها

ياجماعة افيدونى انا عندى بعض المشاكل فى عربيتى

المشاركة الأصلية كتبت بواسطة moamen300

الف مبروك عليك يا باشا

بس كنت عايز اسالك عملت ايه في لمبة الانجكشن عشان منورة عندي برضة

لسة هاروح للميكانيكي ان اشء الله , بس بعدين مش دلوقتي علشان لسة هعمل فيها شغل

سمكرة وعفشة ...

بصوا ياجماعة انا هاقولكم وياريت بالله عليكم تفيدونى. انا كنت ماشى بيها اول يوم العيد وبعدين لقيتها سخنت بطريقة رهيبة وطبعا ماكنش قدامى غير ميكانيكى على قده شويه لان كله كان قافل. قالى لا هيا بس عايزه تهدى واخدلها هوا وازدلها مياه . قعد فى الحوار ده يومين يعمل الكلام ده وتسخن . لخد اخر مره قالى اطلع بيها وجرب كده لقيتها بتسخن برده وخاصة من اول الغيار الرابع والمروحة تابعتها وهيا واقفه لاقيتها بتشتغل اول ما مؤشر الحراراة يجى فى المنتصف وتفصل بعد اقل من دقيقة وبعدين تشتغل تانى بعدها بشوية وبجس الرادياتير لقيته بارد مش اللى هوا يعنى يخلى العربية نار كده بس السخونة كلها من الماتور ومش عارف اعمل ايه

ثانيا عايز اعرف هوا المؤشر بتاع الحاراة المفروض يكون الطبيعى بتاعه فين لاظبط ومايزيدش عن ايه معلش انا على قدى خالص فى موضوع العربيات ومافهمش فيها خالص ولا فى المسميات

ثالثا انا عندى رشح زيت غير عادى من الماتور . غيرت حاجة اسمها جوان غطا التكيهات بس برده الرشح غير عادى بس مش من نفس المكان من مكان تحت منه عايز اقولكم كمية رشح غير عادى مغرقة الماتور كله حتى الجزء الاسفل من الماتور بعرض العربية كلها لدرجة انى بشيل الدواسة اللى بحط رجلى عليها لقيت بقع زيت فى جسم السيارة نفسه مكانها

رابعا الباور عندى فاصل لما جيت احط زيت باور لاحظت ان الزيت بينزل من الجانب الاخر ناحية علبة الدريكسيون فهل الموضوع ده يحتاج انى اجيب علبة دريكسيون جديدة مع العلم انى عرفت انها غالية جدا

اسف انى طولت عليكم . بس الحوارات دى اتراكمت مره واحدة نتيجة انى مابطلعش بالعربية كتير

بس رجاء افيدونى .لان كل الميكانيكة اللى اعرفهم شكلهم عكاكين