الموضوع: رابطة عشاق و مالكى فيات سيينا بجميع موديلاتها

المشاركة الأصلية كتبت بواسطة eng_ghazaly

معلش و لو مفيش احراج ,,, عندي فضول اعرف العربية كانت بتتباع بكلم زيرو ؟؟؟ و لو حد عارف البترا 2004 زيرو كانت بتتباع بكام ؟

48500 زيرو 2001 1600
43500 زيرو 2001 1400

المشاركة الأصلية كتبت بواسطة mohamed_selim

48500 زيرو 2001 1600
43500 زيرو 2001 1400

كانت غالية برده ,,, في 2001 كانت اللانوس 2 ب 42,000

ايوه اللانوس كانت 42000 بس مكانتش عاجبانى و بصراحه السيينا ما شاء الله عليها مكنتش مريحها (كذا سنه شغلى فى مصر الجديده و ساكن فى الهرم) و سفر كتير ... بس على الجانب الاخر كنت بصرف فى الصيانه علشان تستحمل و الحمد لله زى الفل

زملائي الاعزاء

انا اشتريت فيات سيينا 2001 1600cc وكان صوت الموتور في منتهى النعومة وبتدور الصبح من اول تكة...
وعلشان انا حريص - وطبعا حظي الاسود - قلت لازم اغير سير الكاتينة على الاقل وزيت موتور وفلتر زيت .
ورحت للميكانيكي اللي كان بيصلحلي الاسكودا زمان وغيرلي سير الكاتينة + زيت موتور+ فلتر زيت وفي ساعتها الموتور بقى صوتة خشن وبينعر مش ناعم زي الأول وقلتلة اية الصوت الغريب دة وقعد يظبط وبرضة ماعرفش يرجعها صوتها ناعم تاني وكمان بقيت لازم ادوس لها بنزين علشان تدور الصبح او في اي وقت لما ابطل وارجع الدور تاني مش بتدور لوحدها زي الاول.
وانا اصبحت في قمة النكد والاكتئاب ارجوكم يا زملائي في هذا المنتدى الكريم وجهوني الي مرز خدمة محترم او ميكانيكي يكون شغال في التوكيل وفاتح ورشة برة او خلافة اهم حاجة العربية ترجع زي ما كانت....وحسبي الله ونعمك الوكيل في كل ميكانيكي بيفتي.
ولكم خالص الشكر

أستاذ دنيو ، في واحد أسمة أحمد بولا فى شارع منشية التحرير قبل الموقف ، شغال في الفيات وعندة جهاز كشف أعطال سيينا 1600 ، بصراحة مجربتهوش لأني معايا 1400 وهو معندهوش جهاز ال 1400 بس هو زحمة ومشهور وشغال فى الفيات كله

في واحد تاني أسمة صابر فى نزلة القومية العربية (هتلاقي رقمة فى آخر كام مُشاركة ) وهتلاقي رأي الناس فية

وياريت تقولنا المؤشر بتاع ال rpm بيبقى على كام وأنت ممور أول ما تشغل العربية وبعد ما العربية تسخن ، وغيرت زيت أية ؟؟

المشاركة الأصلية كتبت بواسطة م/مصطفى محمود

أستاذ دنيو ، في واحد أسمة أحمد بولا فى شارع منشية التحرير قبل الموقف ، شغال في الفيات وعندة جهاز كشف أعطال سيينا 1600 ، بصراحة مجربتهوش لأني معايا 1400 وهو معندهوش جهاز ال 1400 بس هو زحمة ومشهور وشغال فى الفيات كله

في واحد تاني أسمة صابر فى نزلة القومية العربية (هتلاقي رقمة فى آخر كام مُشاركة ) وهتلاقي رأي الناس فية

وياريت تقولنا المؤشر بتاع ال rpm بيبقى على كام وأنت ممور أول ما تشغل العربية وبعد ما العربية تسخن ، وغيرت زيت أية ؟؟

شكرا يا باشا على ردك بس هو فين شارع منشية التحرير دة يعني في منطقة اية وهو دةعندة الجهاز بس ولا بيصلح كمان ؟ واكون شاكر لحضرتك لو تعرف رقم تليفونة .
وبالنسبة لصابر الاقي بياناته فين انا قريت كل مشاركات رابطة السيينا ومافيش حاجة عنه .
اما الrpm حضرتك قبل ما الميكانيكي يخربها كانت لما بتدور الصبح بتبقى على 11 ولما تسخن تنزل على 8
وانا غيرت زيت Total Quartez 5000

احمد بولة 0125477233 وشارع منشية التحرير خلف مستشفى القوات المسلحة فى جسر السويس (بين التجنيد وألف مسكن) وده بيصلح كمان

ورقم صابر 0163610448