رابطة عشاق و مالكى فيات سيينا بجميع موديلاتها

**tooofey** · 11-05-2011 06:45 PM

يا جدعان انا اشريت حته سيينا 1400 2002 واكتشفت بعد لما اشتريتها ان حساس الجكمان مفصول والعربيه بتاكل بنزين جامد ولما بوصله بلاقي الجكمان بيطلع اسود جامد شوفيلي حل لو سمحتو

**cruiss** · 22-05-2011 11:57 PM

المشاركة الأصلية كتبت بواسطة tooofey

يا جدعان انا اشريت حته سيينا 1400 2002 واكتشفت بعد لما اشتريتها ان حساس الجكمان مفصول والعربيه بتاكل بنزين جامد ولما بوصله بلاقي الجكمان بيطلع اسود جامد شوفيلي حل لو سمحتو

مشكلة بسيطة ان شاء الله.. واضح ان حساس الشكمان كان بايظ عشان كدا صاحبها القديم كان فاصله عشان يمنع الدخنة السودة وده طبعا بيأثر على الموتور .. غير حساس الشكمان هو سعره فى حدود 300ج وان شاء الله المشكله تتحل

**cruiss** · 23-05-2011 07:45 PM

المشاركة الأصلية كتبت بواسطة homsa_pop

عندي 2002 1600 cc مشكلتي الازلية ....العربية بتبطل كتير و الامبير بينزل و يطلع و بيهيس جامد
روحت اومترا في جسر السويس ....قاللي نغير طرومبة بنزين و بوجيهات و مش عارف ايه ثرومات كده ...و هيراجع الكتينة
و بعد كده هيشوف في ايه تاني و مبدئيا 2000 جنيه
مع العلم ان العربية مشيها معايا زي الفل في كل حاجة معادا التبطيل

طرومبة ايه وبوجيهات ايه و ترموستات ايه و كاتينة ايه... ده واضح انه حد مش فاهم كويس لأن اول عيب يخطر على بال اى حد هو الايدل كنترول بالحساس والفيشة بتاعته... دى عموما بتكون مشكلة كهربا بسبب الضفيرة لو فيها لحامات او الفيش ملعوب فيها فا المعلومة مش بتوصل بصورة سليمة للكمبيوتر والحل غالبا جرب تغير الاول فيشة الايدل كنترول وحد يركبهالك على نضيف.. مبدئيا هتحس بفرق شاسع بس لو المشكلة ما اتحلتش نهائيا غير الحساس اللى فى الكوعة وراجع اى لحامات فى الضفيرة حتى لو حتفكها بنفسك و تعرى السلك من جديد وتوصلها تانى وتلزقها كويس على نضافة.. وبالمرة روح حط العربية على اى جهاز - لازم يكون فيه البرنامج بتاع الموديل بتاعك - وخليه يمسح اى اعطال متسجله من قبل كدا عشان بتعمل شوشرة على المعلومات اللى بتوصل من الايدل للكمبيوتر .. كمان ممكن تجيب سبراى مانع الصدا وتضربه فى كل الفيش اللى راكبة حوالين الموتور ورش مكان ما بتركب الفيش وسيبها 5 دقايق وبعدين اضرب هوا مو اى كومبريسور فى الفيش ومكان ما بتركب لحد ما تنشف ودا بيساعد لو فى اى فيشة فيها صدى او تراب معطل الدنيا... الموضوع بالطريقة دى مش هيكلفك 100ج.. جرب وطمنى عملت ايه

**cruiss** · 23-05-2011 07:48 PM

المشاركة الأصلية كتبت بواسطة bobbozo4b

بسم الله الرحمن الرحيم
فى الاول احب اشكر الاستاذ محمد عبدالجليل (gelgel2004)
لانه فعلا انسان محترم وتدخل بمكالمه تليفونية بعد ماشاف المشاركة بتعتى وادانى كم هائل من المعلومات بسم الله ماشاء الله فعلا استفدت منه الف الف شكر للاستاذ محمد والاخوة الاعضاء الافاضل
ثانيا بعد تنفيذ الخطوات اللى استاذ محمد بلغنى بيها
للاسف استمر نور علامة الانجكشن منور فى التابلوه ولكن اداء العربية اتحسن بشكل جيد واجمع الكل على عطل الحساس ويجب التغير
اشكرك ياستاذ محمد على مجهودك معى وانتظرك فى اقرب فرصة للمقابلة وتنفيذ مشروع الكتالوج فى القريب ان شاء الله
وفى انتظار عمل موضوع مجمع لبعض اعطال السينا وبعض الحلول لاستفادة الاعضاء كاكل
اللهم صل على محمد وعلى آله وصحبه أجمعين

جربتهم برده وحصل معايا مواقف مشابهة.. كل ما اروح اشتكى من مشكلة ال rbm المهندس الرفيع ابو دوجلاس ده يقولى لازم تغير الضفيرة كاملة من غير ما يفكر يدور على العيب او يجرب العربية او حتا يدخلها الورشة وقاللى دى هتكلفك 4000 بالمصنعية... وانا لو كل مشكلة هدفعلها 4000ج ماجيب عربية جديدة احسن

**cruiss** · 23-05-2011 08:11 PM

اسف يا bob عملت اقتباس غلط

المشاركة الأصلية كتبت بواسطة bobbozo4b

تجربتى مع مركز الاقصى فى زهراء المعادى
انا روحت عشان اكشف كمبيوتر والقدر لعب معى قبليها بيوم
ومره وحده لقيت عندى لمبة الانجكشن منوره على طول مش بتختفى بعد مافتح الكونتكت بثوانى زى كل مره
والعربية بتاكل بنزين وممكن تبطل وماتسحبش واخرها 40 والماتور ملخبط وفيه حاجة غلط
المهم رحت ووصلت الساعة 8.45 ص وسلمت العربية على 9
وانتظرت ساعة وبعدين تم الرد بان فى حساس زاوية البوابة بايظ ولازم يتغير وغير متوافر عندهم حاليا وهيسال
علية فى اوماتر جسر السويس وبلغنى انه بى 750 جنيه وقول مصنعية تركيب ساعة ونص قول 100
يبقى 850 جنيه
طبعا انا مسكتش ونزلت سالت عند الكيلانى حبيبى قالى 300 جنيه
ايه العمل دلوقتى

جربتهم برده وحصل معايا مواقف مشابهة.. كل ما اروح اشتكى من مشكلة ال rbm المهندس الرفيع ابو دوجلاس ده يقولى لازم تغير الضفيرة كاملة من غير ما يفكر يدور على العيب او يجرب العربية او حتا يدخلها الورشة وقاللى دى هتكلفك 4000 بالمصنعية... وانا لو كل مشكلة هدفعلها 4000ج ماجيب عربية جديدة احسن

**temos** · 27-05-2011 07:16 PM

الاعضاء الكرام
ارجو توضيح ماهو الفرق بين siena1400 & Siena 1400 Plus
و ايضا فكرة عامة عن موضوع الحساسات فيها.
شكرا

**bobbozo4b** · 07-06-2011 03:01 PM

المشاركة الأصلية كتبت بواسطة temos

الاعضاء الكرام
ارجو توضيح ماهو الفرق بين siena1400 & siena 1400 plus
و ايضا فكرة عامة عن موضوع الحساسات فيها.
شكرا

على حد علمى
بتفرق فى التقفيل الداخلى للابواب يعنى البلس تجد ان عظم الباب لايظهر اسفل الزجاج او الفرش الباب كامل وان الدراع او المسند للدراع متصل مع ازرار الكهرباء للزجاج وشكل التابلوة اسفل الكاسيت وازرار التكييف والمروحه
اما الحساسات فهى كمبيوتر السيارة للكشف عن اى عطل وتظهر لمبه اخر اسفل الشمال عند فتح الكونتاكت وتدوم لمده 5-10 ثوانى ويجب ادارة المحرك بعد انطفائها ولو استمرت اذن يوجد عطل ما ويجب الكشف بالكمبيوتر فى مركز الصيانه لتحديد اى حساس معطل