مشكلة التكييف انه بيعتمد على الهواء اللي داخل للموتور
بس في حاجه ممكن تزود فاعليته شويه ان في زرار مبيخليهوش ياخد الهواء من بره بيبقى من جوه بس وده بيخلي التبريد يزيد مع الوقت
لكن في الحالتين لااااازم العربيه تكون ماشيه عشان الهواء يطلع بارد لو واقفه الهواء بيطلع بارد بس مش اوي (مش عارف ايه السبب بصراحه)
حاجه تانيه ممكن نخلي الهواء يطلع من الفتحات اللي قدام عالزجاج الامامي وده بيوزع الهواء لقدام ووراء وعالجناب كويس قوي (يعني للكل) وحاجه كمان انه بيقلل دخول الحراره من الزجاج الامامي (جزء من الهواء بيبقى عامل زي ستاره بس بهواء بارد والباقي بيتوزع على الركاب قدام وورا) يعني نبدأ الاول بالهوايات العاديه لحد مانحس بالهواء البارد بعد كده نشغل اللي عالزجاج الامامي لان اندفاع الهواء فيها بيكون اكتر (طبعا الكلام ده كله عالسرعه التالته وبلاش الرابعه لانها مزعجه ومبتضيفش جديد)
حاجه كمان مهمه قوي ان العربيه لما تكون مركونه في الشمس لازم نطلع بيها والشباك مفتوح لمده 5 دقايق علشان الهواء الساخن يخرج وممكن برده نشغل المراوح عشان الهواء السخن يخرج اسرع وبعد كده نقفل الشبابيك ونشغل التكيف عالسرعه التالته وبالتالي الهواء اللي التكييف يبرده ميكونش سخن (لو معملتش كده ممكن التكييف يديك في الاول هواء ساخن بس هيبرد بعد كده)
بس بالليل تكييف بارد جدا (بروده لا تطاق ) مروحه واحده بتخلي العربيه تلاجه
المفضلات