تشترى الجين 2 أوتوماتيك ولا مانيول؟

**amir** · 21-03-2009 12:27 AM

انا معايا صني اوتوماتك و لظروف اصلاح الخبطه استخدمت عربيه اخويا مانيوال
فعلا المانيوال ليه احساس تاني
الاوتوماتك مريح جدا جدا جدا
بس المانيوال ليه طعم السواقه و السيطره
الاوتوماتك راحه فوق الوصف و دلع لانهائي
و المانيوال تحكم و تناغم بين السواق و العربيه

و كفايه كده حيره بقي

**ahawit** · 21-03-2009 12:41 AM

عندك حق يا أستاذ أمير المانيوال له متعه تانيه فى السواقه

**ahawit** · 21-03-2009 12:42 AM

أنا مجربتهاش يعنى مقدرش أحكم

**Ayman_52** · 21-03-2009 12:47 AM

المشاركة الأصلية كتبت بواسطة ahawit

والله عداك العيب ياأستاذ أيمن بس أنا لسه محتار برضو
البيرسونا شكلها من بره فخم وكلاسيك والجين 2 شكلها رياضى اكتر وخايف اجيب واحده دلوقتى وأرجع أقول ياريتنى كنت جبت التانيه
بس أنا عندى سؤالين
1 هو فيه فرق كبير بين صالون البيرسونا والجين ولا عادى يعنى مش هيأثر؟
2 أنا لقيت النهارده اعلان عن اللوجان وسعرها الخيالى وابتديت تلعب فى دماغى ايه رأيك؟

هو موضوع الشكل دا بقى...حاجه شخصيه جدا..زى اللون كده..بس لو مش فارقه معاك الشنطه...انا افضل الجين....بس اهم حاجه رايك..

بخصوص وسع الصالون..زى ماقولت لحضرتك...علو السقف فى البيرسونا بيديك احساس بانها اوسع...بس اظن انها نفس الحجم..غير فقط ارتفاع السقف فى البيرسونا من عند الكنبه.

ياباشا لوجان ايه..دى فئه والجين2 فئه تانيه خالص...

وزى ماحضرتك بتقول سعرها مغرى ودا عشان على قد امكانياتها..واللوجان دى نازله تنافس فئه اقل من الجين2...وبالتالى ماينفعش المقارنه بينهم.

**abo3bdolrahman** · 21-03-2009 01:05 AM

البيرسونا لو إستخدام عائلى و الجين 2 لو إستخدام مم محتار هيا تمشى عائلى و شبابى و الأتوماتيك أفضل داخل المدن خصوصا مع زحمة القاهرة و التوقفات الكثير بس على الطريق السريع ما بتفرقش بس الأتوماتيك أريح كثيييييييييييييييييير فى القيادة و برده ممكن تستمع بيه و تعمل كيك داون و تجرى بس أحسن تمشى بهدوء و تروح بيتك سليم و معافى و ربنا ييسرك اللى فيه الخير ليك.

**ahawit** · 21-03-2009 01:10 AM

شكرا يا أخ عبد الرحمن على ردك

**M.almaghraby** · 21-03-2009 01:11 PM

manual for sure

**ahawit** · 21-03-2009 05:12 PM

leh b2a manual for sure

**ahmedsiyam** · 21-03-2009 05:41 PM

الاخ صاحب الموضوع

انا ركبت موديل 2008 اللى هو الموتور الكامبرو العادى و كانت اوتوماتيك و ركبت برضه موديل 2009 الاوتوماتيك الموتور الكامبرو الـ iafm و المفروض انه احسن فى العزم ما بين و 2000 و 3000 لفة rpm

اقدر اقولك باختصار العربية الجين 2 فاشلة تماما فى الاوتوماتيك و موش هتاخد منها الاداء اللى انت عايزه على الاطلاق الا اذا كانت سواقتك كلها على طرق سريعة ده هايبقى موضوع تانى

و جربت بقى المانيوال بتاعها موش عايز اقولك عربية تانية خالص كانى اول مرة اركب الجين 2 فى حياتى
ممتازة فى المانيوال اقولك من هنا لبكره

و ربنا يوفقك لما فيه الخير