تشترى الجين 2 أوتوماتيك ولا مانيول؟

**ahawit** · 20-03-2009 07:03 PM

السلام عليكم يا شباب
أنا بفكر أشترى الجين 2 ومش عارف أجيبها اوتوماتيك وأستحمل زيادة استهلاك البنزين اللى معروف عن العربيات اللأتوماتيك ولا أجيبها مانيوال مع العلم انى سمعت ان الفتيس بيبقى تقيل شويه فى الجين 2 وأنا لاحظته وأنا بتفرج عليها فى المعرض؟
ولا أجيب البيرسونا؟

**eslam_wega** · 20-03-2009 08:43 PM

حكاية مانويل او اتوماتيك ده حاجة تختلف من شخص لتانى
يعنى لو انت بتاع جرى وشد كتير يبقا المونايول افضل
ولو بتحب متتعبش نفسك فى السواقة يبقا الاتوماتيك
ام بقا بخصوص جين 2 ولا بيرسونا
بردوا حسب رغبتك لو انت عايز حاجة رياضة يبقا جين 2
ولو عايز حاجة عائلية اكتر يبقا بيرسونا

**ahawit** · 20-03-2009 08:46 PM

شكرا يا باشا على الرد

**Ayman_52** · 20-03-2009 09:10 PM

فعلا زى مااستاذ/اسلام..اتفضل وقال...الفرق بين المانيوال والاوتو

ان المانيوال طبعا بتجمع اسرع... وسرعتها اكبر..واستهلاكها اقل فى البنزين...على فكره فتيس المانيوال مش ناشف ولا حاجه..هو بس حارات النقل قريبه من بعض..ودا عشان يديك الطابع الرياضى اللى مصممه على اساسه الجين2..ودا بس محتاج تتعود عليه..وعلى فكره ممتع جدا فى القياده.

انما الاوتو..طبعا مريحه جدا ..لا فيها دبرياج بقى ولا انقل ولا الكلام ده..واستهلاكها اعلى فى البنزين مقارنه بالمنيوال طبعا...واكيد تجمعيها نوعا ما اقل من المنيوال...واكيد سرعتها اقل من المنيوال.

والفرق بين البيرسونا والجين...الشنطه...والبيرسونا نازله باكتر من فئه...اختلاف الفرش..صالون البيرسونا اوسع حاجه بسيطه ..سقف البيرسونا اعلى خصوصا عند الكنبه ورا..مافيش اسبويلر فى البيرسونا..

ايه تانى

فى عواكس خلفيه فى البيرسونا

ايه تانى

ودا لينك للاخ/مزاجنجى...هتلاقى كل حاجه عن الجين2 والبيرسونا..بس فى شويه اختلافات بس

منها ان العربيه نزلت بــEBD..وكمان فى بيرسونا مانيوال كامله..عشان الموضوع دا نزل قبل الحاجات دى مانتاكد منها

هنـــــا

ايه تانى ناقــص؟؟

اه باقى الصور بقى ..شوفها وقرر

واى استفسار انا تحــت امـرك

تحيـــــــاتــى

**ahawit** · 20-03-2009 09:18 PM

والله عداك العيب ياأستاذ أيمن بس أنا لسه محتار برضو
البيرسونا شكلها من بره فخم وكلاسيك والجين 2 شكلها رياضى اكتر وخايف اجيب واحده دلوقتى وأرجع أقول ياريتنى كنت جبت التانيه
بس أنا عندى سؤالين
1 هو فيه فرق كبير بين صالون البيرسونا والجين ولا عادى يعنى مش هيأثر؟
2 أنا لقيت النهارده اعلان عن اللوجان وسعرها الخيالى وابتديت تلعب فى دماغى ايه رأيك؟

**NaviGator_13** · 20-03-2009 10:44 PM

لو مكانك هشترى الجين اوتو

**MuhammedSoliman** · 20-03-2009 11:08 PM

ياراجل لوجان إيه الأول مساء الفل عليك
الصراحه الاخوه قالوا كل العايزه وخصوصا الاستاذ ايمن وفعلا الفتيس بيدي احساس لايقارن فى السواقه من العادية متعه فعلا وانا لومنك على الجين تو على طول لأنها رياضية فى نفس الوقت رسينه فى الدزين وبالنسه لاستهالك البنزين انا بتعمل معايا 8.2 على السريع و 8.3 وفى الصيف 8.4 فى وسط البلد وفيه واحد صحبي معاه الاوتوماتيك وبيقول لى بتستهلك 10.5 بس الرقم ده مش عارف ده عموما ولا عربيته بتاكل بنزين
مع خالص تحياتي

**ahawit** · 20-03-2009 11:59 PM

مساء الفل يا باشا وشكرا على الرد بس مالها اللوجان مش عربيه فرتساوى فى الأخر برضو؟

**eslam_wega** · 21-03-2009 12:12 AM

ايوا بس مش كل الفرنساوى

**ahawit** · 21-03-2009 12:14 AM

عندك حق بس هيا سعرها مغرى أوى

الموضوع: تشترى الجين 2 أوتوماتيك ولا مانيول؟

LinkBack

أدوات الموضوع

عرض

-

-

-

-

المواضيع المتشابهه

تحويل الجين 2 من مانيوال إلى أوتوماتيك

سؤال فني يهمني لأصحاب الجين أو البرسونا أوتوماتيك

كيف تشترى الجين 2 فى سبع خطوات ( الخطوه السادسه - الحجز )

تشترى كورولا جنوب افريقى مانيول ولا اوتوماتيك؟

الكلمات الدلالية لهذا الموضوع

المفضلات

المفضلات

ضوابط المشاركة