تاكيد حضور مقابله عيد ميلاد المنتدي - إبريل 2009 -

**Samir Elshahawy** · 22-03-2009 03:03 AM

أن شاء الله أكون معاكم بس لو ربنا كتب لي أكون في مصر في اليوم ده أو مش مسافر في أي مكان تاني , و برضه هأكد قبلها علي حضوري تلك المناسبة

أما بالنسبة للمكان فأعتقد أن أهل الأسكندرية أدري بها منا و أنا معاكم فيما تتفقون عليه , المهم هو الصحبة الحلوة

و ربنا يوفقكم في تنظيم هذا اللقاء

**abouzaid555** · 22-03-2009 10:43 AM

شوفوا يا جماعة انا عندى شقة فى الهانوفيل على البحر مباشرة بينها و بين البحر الرملة فقط يعنى تقريبا بينها و بين البحر لا يتعدى 5 متر و فيها تراس بيشوف البحر من اول البيطاش لغاية الكيلو 21 و فى تحتها باركينج يسع لحوالى 200 عربية و طبعا يشرفنى انكم جميعا تقضوا اليوم السعيد ده فيها و اتشرف باستضافة جميع الاخوة الاعضاء و اهو منها برده نوفر ثمن ايجار الشاليه و العنوان عمارة 1 على البحر قرية فاروق صادق او فولكانو بجوار نادى شرطة القاهرة بالهانوفيل و طريقها شارع الهانوفيل و بعدين شارع الحنفية من عند الجمعية و بعد حوالى 200 متر نلاقى قرية فاروق صادق او فولكانو على اليسار على البحر و انا تحت امركم و على فكرة اعرف محل اسماك فى مول سموحة عند زهران اسمه الهدا استاذ فى عمل الاسماك و ما تحملوش هم انا ممكن اتفق معاه على الاسماك و الوجبات و ممكن اخليه كمان يبعت اشخاص من عنده يسرفسوا علينا و باسعار خيالية لانه تقريبا زى والدى على العموم انا فى انتظار ارائكم و تحت امركم و يشرفنى و يشرف جميع الاسكندرانية ان يكون عيد ميلاد المنتدى فى احضان الاسكندرية و اسف على الاطالة

**zeka127** · 22-03-2009 12:39 PM

يوم 10 ابريل وكويس اوى انو هايكون يوم جمعه

**mido777** · 22-03-2009 02:54 PM

المشاركة الأصلية كتبت بواسطة karim_monir

اولا عشان مانبهدلش للرلجل الفيلا بتاعتة

عيــــــــــــــــــــب عليك يا كيمو تقول الكلام ده
هو ايه بس اللى ح يتبهدل على قلبى زى العسل

ثانيا عشان الاعضاء كلها تاخد راحتها بدون كسوف ولا احراج

ولا كسوف ولا حاجة نفس الكلام برده حيصل لو قاعدين فى مكان او فيلا تانية وبعدين مش حيبقى فيه حد غيرنا

ثالثا عشان فيلا الطويل بعيدة عن البحر اينعم فيها بسين بس احنا عايزين نشم ريحة البحر

حبقى ارد بمشاركة منفصلة على النقطة دية

..................................

**mido777** · 22-03-2009 03:02 PM

اقتراحى هو

نقضى القعدة بتاعتنا فى الكنج (حتى علشان الناس تريح من السواقة شوية )
فطار + شوية ركت وكورة + العنب الفاخر + البسين للى عايز + ايرل جراى علشان خاطر كيمو

وبعد كده نتحرك على وسط البلد وممكن الناس تسيب عربيتها عند ماكدونالدز اللى على الصحراوى وهما راجعين ياخدوها

الغذاء ممكن نجيب مجبات سمك جاهزة من عند حوده دونجل
الوجبه بيكون فيها "نوع سمك وجمبرى وجندوفلى وسبيط ورز وكمان شوربة سى فوود "
وبتكون فى حدود 30 جنيه

وناخد الأكل ونروح بحرى ونأجر ترابيزات وكراسى على البحر مباشرة

وبعد السمك نحبس على كافية على البحر

الأمر مفوض لقرار الأعضاء والأدارة

**SHNORY** · 22-03-2009 05:27 PM

من الاخر كده انا سلبي جدا وسط اقتراحاتكم
واللي تطلبوه حيتنفذ
حبيبي محمد الطويل اهم حاجه العنب الفاخر
وخد بالك انه ممكن يتنقل معانا في اي مكان طالما المعدات موجوده
شنطه العربيه موجوده وتشيل من العنايب الفاخره الف هههههههههههه

**mido777** · 23-03-2009 01:41 PM

ازيك يا شباب

ياريت بقى نحدد ونستقر على المكان علشان كده المضوع مش بيانله ملامح

واعتقد ان الميعاد النهائى 10 ابريل
ياريت برده يبقى فيه كلام محدد من الأدارة عن المكان والزمان

شكرا

**SHNORY** · 23-03-2009 01:57 PM

انا اتصلت بالعضو الفاضل
أ/abouzaid555
وتم الاتفاق معاه علي ان المكان يكون في شقته بالهانوفيل
ويا ريت لو تتفضل الاداره الكريمه باضافه العرض للاستطلاع
والراي الاخير حيكون للاعضاء ولاداره منتدانا الكريمه
والراجل احرجني بذوقه وادبه واخلاقه العاليه
وحستعير منه كلمه قالهالي
انا حبيت عربيتي علشان عرفتني بيكم

-

-

مشاهدة نتائج الإستطلاع: تحبوا نعمل عيد الميلاد فين

الموضوع: تاكيد حضور مقابله عيد ميلاد المنتدي - إبريل 2009 -

LinkBack

أدوات الموضوع

عرض

-

-

-

-

-

-

المواضيع المتشابهه

تاكيد حضور مقابله يوم الخميس ((التجمع الخامس))

تاجيل مقابله عيد ميلاد المنتدي

اول تغطية وبث ومباشر من مقابلة عيد ميلاد المنتدى الثاني - إبريل 2009 -

الكلمات الدلالية لهذا الموضوع

المفضلات

المفضلات

ضوابط المشاركة