الموضوع: سير الكاتية إتقطع

فى سنه 2004
كان معايا دايو اسبيرو موديل 1994
كانت استيراد الخارج من الزيرو حتى مواصفاتها كانت غريبه
العربيه كانت 1600 موتور المانى جميع الكماليات حسساسات حرارى للكراسى وفيها كل الاوبشنس بتاع العربيه بالكامل
رغم انها مانيوال
وفى طريق العلمين سير الكاتينه اتقطع منى وطبعا العربيه اتقطرت الى القاهره
المفاجاءه انى لقيت الـ 16 صباب اتعوجوا بالكامل

المهم بداءت فى عمليه الاصلاح
بس بصراحه ندمت
الماتور مارجعش زى الاول
العربيه الاول كانت ناعمه فوق الخيال وكانت عامله تقريبا 55000كم
لقيت العربيه بعد ما اتعملت متبرجله وخشنه جدا ودخلت فى دوامه ظبت الموتور والعربيه اعتادت على الذهاب للتوكيل
لدرجة انهم فى التوكيل قالولى الحل انك تجيب نصف ماتور


فلو انت ماعملتش لسه حاجه فى العربيه افضل لك بجد اشترى وش سلندر استيراد كامل هايكون بنفس التكلفه
انا التصليح كلفنى تقريبا 2000ج ياعنى تقريبا تمن الموتور مش الوش بس

وعلى فكره محدش فى مصر ولا التوكيل بيفهم فى صيانه العربيه دى
نظرا للتكنولوجيا العاليه اللى فى الكمبيوتر بتاعها
فافضل شىء انك تجيب قطع الغيار استيراد وع التجربه

وربنا معاك