سير الكاتية إتقطع

**ecco** · 21-03-2009 03:29 PM

السلام عليكم

حصلى إمبارح موقف غريب , كنت بغير سير الكاتينة بواحد جديد , بعد ما ركبته و جيت ادور العربية السير إتقطع و الصبابات باظت ,مع إن السير دا إنجليزى و حسبى الله و لا حول و لا قوة إلا بالله

**وائل عطية** · 21-03-2009 03:35 PM

الصبابات باظت بسرعة كده والعربية واقفة؟ معقول؟

**samirayad** · 21-03-2009 03:43 PM

لا هو تلاقى البيه الميكانيكى ....لخبط التقسيمه وساعة الدواره حصلت أحمال عكسيه من الصبابات وأنقطع السير وأنعوجت الصبابات (لأن كل من السير والصبابات كان مشكل حمل على التانى وكان بيرغم الآخر على وضع معين .....عملية عند بين السير والصبابات على أى منهما يتبع الآخر ).......وبالتالى باظ الأثنين وده الأرجح ....لأن العربيه كانت لسه فى التجربه ويادوب الراجل لسه بيدور.....منهم لله الحلاقين اللى أسمهم ميكانيكيه

**ecco** · 21-03-2009 03:48 PM

يعنى مش ممكن يكون السير اللى ما كانش كويس ؟

**samirayad** · 21-03-2009 03:54 PM

مهما كان السير مش كويس.......هو أنت كنت لسه حركت العربيه وأخدت حمل من المكنه...........وتلاقى الميكنيكى هو وبليه أفندى جابوا المشكله فى السير (وأوعى تعمل عنده حاجه تانى وربنا يعوض عليك ).......وأحتسب عند الله لأن مش حتاخد منهم لاحق ولا باطل للأسف ....................

**ecco** · 21-03-2009 07:40 PM

طيب معلش يا بشمهندس سمير الموضوع دا يتكلف كام من حيث الخراطة و الميكانيكى و كده

**ecco** · 21-03-2009 07:40 PM

هى عربية دايو إسبيرو

**lancerevolution** · 21-03-2009 07:54 PM

ما تسكتش على كدا خد حقك من الميكانيكى و لو حترفع قضية لأن دا حقك شرعا و قانونا
حتى لو جنيه لازم تاخده دا حقك "إلا إذا كنت متنازل عنه بإرادتك"
سكوتك عن حقك كأنك شيطان أخرس
سكوتنا هو الى مفرعن الأفنديا دول و مخليهم يلعبوا فى الى مالوش فيه فى ميكانيكيا محترمين لما يلاقى نفسه مش حيعرف يعمل حاجة بيروح رايح بالعربية على التوكيل إنما يفتى و يبوظ يبقى يصلح على حسابه
انا مش جاى أولع الدنيا بس بجد أنا مابحبش حد يقول ربنا يعوض عليك و لما هو كدا الرسول صلى الله عليه وسلم قال ليه الحديث من أفسد شئ فعليه إصلاحه

**samirayad** · 21-03-2009 08:24 PM

انا مش جاى أولع الدنيا بس بجد أنا مابحبش حد يقول ربنا يعوض عليك و لما هو كدا الرسول صلى الله عليه وسلم قال ليه الحديث من أفسد شئ فعليه إصلاحه

طيب ماتروح معاه ....دول صنايعيه ياسيدى.........وهل فيه أحلى من عوض الله ....بالطبع لا

المشاركة الأصلية كتبت بواسطة ecco

طيب معلش يا بشمهندس سمير الموضوع دا يتكلف كام من حيث الخراطة و الميكانيكى و كده

أعتقد حتكلفك فى حدود من 500- 700 جنيه على الأكثر (وان شاء الله مش حتحتاج خراطه )....فقط طقم بلوف وسيلات صبابات وجوان رأس السلندر وسير تانى طبعا .....

_ وهل الميكانيكى الـــــــــــ

كله يقول فى سره (أصل اللفظ مش عاوز يطلع بصراحه ) معملش روديه المره اللى فاتت.................

**tmedhat** · 21-03-2009 09:43 PM

طقم الصباب 285 الااصلى
الكاوتش بتاع الصبابات 85
لازم خراط عشان هو اللى بيركب الصبابات و بيقفل الوش حوالى 140 جنية
و الجوانات ومصنعيات الميكانيكى
وربنا معاك
لو عزت اى استفسار ابعت لى على الخاص ممكن اخدمك
لو العربية دارت مضبوطة و بعدين السير اتقطع يبقى عيب السير
لو العربية ما دارتش خالص و السير اتقطع يبقى الراجل قسمهاغلط