الموضوع: لمن لديهم تجربة في شراء كبالن 305

أنا لسه مغير الكبالن من حوالى 8 أشهر
سعر ال 2 كوبلن عندنا فى القاهره صينى بيعمل 700 جنيه
الفرنساوى فى حدود 1000 جنيه
اللى إشتريتهم من أحمد عماره أمام مرور عين الصيره فرنساوى ب 1400 جنيه
وبعدين بالنسبه لكبالن ال 305 بالزات لازم تحرص وإنت بتشتريهم
لازم تشتريهم من مكان موثوق جدا فيه وله سمعه طيبه ( زى ما اشتريت انا من احمد عماره )
وممكن تشترى من المسيرى برضه سمعته كويسه
لإن بالنسبه لكبالن ال 305 بالزات فيه مصانع فى فرنسا والصين وغيرها بتعمل حاجه إسمها إعاده تصنيع
يعنى يجيبوا كوبلن قديم متهالك ويجددوه ويبيعوه للتاجر على انه معاد تصنيعه ( يتوع بلاد بره عندهم امانه اكتر مننا ) لكن التاجر المصرى هيبيعهولك على انه جديد
ومايفقسشى الموضوع ده الا ميكانيكى مخضرم
فخد بالك وماتسترخصشى واشترى من مكان موثوق فيه
وربنا يوفقك

ياخبر هى الكبالن غاليه ليه كده فى اليبجو

ده عندى فى ال128 الكوبلن الصينى ب 110 و الايطالى 180 والالمانى 280


على العموم حاول تسال على الفرنساوى الاصلى وشوف سعره كام لو لقيت الفرق مش كبيره هاته وخلاص

المشاركة الأصلية كتبت بواسطة sohagy

شكرا لك اخي العزيز hesham واضح انه عندك خبرة في قطع غيار الـ 305 ..
علي فكرة الصيني اتعرض عليا بـ 450 ج فقط في سوهاج .. وحضرتك بتقول 700 ج هل معني ذلك ان الكبالن الصيني اكتر من نوع ؟ .. طيب حضرتك قلت ان الفرنساوي بـ 1000ج وانت اشتريت بـ 1400ج ( ما الفرق ؟) ارجو التوضيح
طيب ما رأيك هل الكبالن الصيني تؤدي الغرض ؟
ويا ريت اللي جرب من الاعضاء يشاركنا

عشان تعرف الكلام ده لازم يجاوبك عليه متخصص فى قطع الغيار والحقيقه انا ماجربتش الصينى لكن اللى أعرفه أن كوبلن ال 305 الأصلى ممكن يعيش معاك لحد عشر سنوات وأكثر
الكبالن اللى إشتريتها من أحمد عماره كبالن فرنساوى أصلى
لإن الفرنساوى كذا ماركه وفيه ماركه أصلى
يعنى مثلا فى طقم الدبرياج الاصلى فاليو
فى قطع الفرامل بندكس
فى الكربراتير سولكس
والحقيقه موش فاكر ماركه الكبالن - كنت قلت لك عليها
وعشان تريح نفسك زى ماقلتلك روح مركز صيانه بيجو معتمد وهما يدولك الكبالن ويركبوهالك
وعلى فكره أحمد عماره ده مركز صيانه معتمد للبيجو وليس ميكانيكى أو تاجر قطع غيار عادى
وطالما عندك 305 لازم تتعرف على مركز صيانه يعمللك الحاجات المهمه فى العربيه اللى هى صعبه على الميكانيكى العادى مثل
شغل العفشه كله - عمره الموتور
لان الحاجات دى الميكانيكيه العاديين موش هيعملوا الشغل المضبوط فى العربيه دى
أقل الايمان تبقى عند ميكانيكى متخصص فى ال 305 أو البيجو

المشاركة الأصلية كتبت بواسطة mahamedaraby

ياخبر هى الكبالن غاليه ليه كده فى اليبجو

ده عندى فى ال128 الكوبلن الصينى ب 110 و الايطالى 180 والالمانى 280


على العموم حاول تسال على الفرنساوى الاصلى وشوف سعره كام لو لقيت الفرق مش كبيره هاته وخلاص

كان عندى 128 لما كنت فى الجامعه وعندى فيها خبره كويسه
لا يوجد وجه مقارنه بتاتا بين كبالن ال 128 وال 305
من ناحيه العمر الافتراضى نلاقى كوبلن ال 305 الاصلى ممكن يعيش معاك عشره سنوات فأكثر أما ال 128 فيادوبك يكمل سنه ومن هنا نلاقى تكلفه الاثنين واحده وممكن لو حافظت على كبالن ال 305 تعيش معاك اكثر وبالتالى تكون فى المجمل ارخص - ناهيك عن إختصاره لعدد مرات زهابك للميكانيكى 10 مرات بالإضافه لتكلفه المصنعيه اللى لو دخلت فى الحسبه هتلاقى كوبلن ال 305 أرخص بكتييييير
كوبلن ال 128 تصميمه بدائى يختلف اختلاف كبير عن ال 305 فهو يعتمد على بلى دوار وكوبلن ال 305 ما فيهوش بلى خالص
كوبلن ال 128 اللى بتشتريه عباره عن الراس فقط اللى بتركب فى صره العجل - أما كوبلن ال 305 عباره عن الدراع كله حته واحده يركب من ناحيه فى الموتور ومن الناحيه الثانيه فى صره العجل
من خلال عشرتى مع ال 128 أيام الجامعه كان فيه قطعه الكوتش اللى بتقفل على دراع الكوبلن مع الموتور كل شويه تبوظ وتسقط زيت وتحتاج تتغير غير تكلفه تذويد زيت الفتيس
الكلام ده موش موجود نهائى فى ال 305
عايز أقولك فى النهايه لما تسمع إن قطعه غيار غاليه موش معنى كده إنك هاتدفع فلوس فى حاجه موش هتستفيد منها
كل قرش هتدفعه بيكون مقابل ليه - جوده فى التصميم - جوده فى الخامات - جوده فى التصنيع - زياده فى العمر الافتراضى - قوه فى الاداء
لان اى حد بيعمل منتج بيبقى عايز يبيع منه اكبر كميه وده يتناسب عكسيا مع السعر وبالتالى يهمه جدا تخفيض السعر على قد ما يقدر

المشاركة الأصلية كتبت بواسطة sohagy

شكرا hesham_shousha
بصراحة ردود مقنعة ومنطقية وانا هحاول استعمل العربية خفيف الفترة القادمة ، الي ان اجد فرصة للذهاب الي مكان معتمد مثلما قلت
جزاك الله خيرا

على فكره : مافيش ضرر من صوت الكبالن على العربيه لان العربيه شاسيها جامد وقويه- والكبالن موش على بلى ( يعنى موش هتفرط منك فى السكه ) - مافيش حاجه تضطرك انك تغيرهم الا لو كان الصوت عالى قوى
يعنى غيرهم وقت ماتحب
وعلى فكره انا استفدت من الفتره اللى الكبالن عندى كانت بتعمل صوت عن طريق انى عرفت إذاى اريح العربيه فى الملفات بحيث الصوت ما يكونشى جامد واستمريت على الطريقه دى فى السواقه لما جبت الجداد وبالتالى بتريح الجداد كمان