الموضوع: عندما تتنازل عن مبادئك وتشتري بوكيه ورد لوالدتك بمناسبة عيد الأم.

أنا مش عارف الناس دايما ليه كل سنه بتقول الكلام ده
إنتوا مستخسرين في أمكم اللي ربتكم و كبرتكم يبقى ليها يوم في السنه بإسمها نهتم بيها إهتمام خاص و نجيبلها هديه ولو حتى رمزية نعبر بيها عن حبنا و تقديرنا ليها
و بعدين الناس اللي متضايقة قوي من كلمة عيد الأم , يا جدعان ده إسم مجازي , هو أصلا إسمه بالإنجليزي Mother's Day يعني يوم الأم
ماله ده و مال عيد الفطر و عيد الأضحى , يعني لا قولنا إنه عيد ديني للمسلمين و لا له صلاة مخصوصه , داحنا حتى مابنفرقعش فيه بمب !!

كل المطلوب إنه في اليوم ده كل واحد يفتكر والدته بكلمه حلوه أو هديه رمزيه
واللي بيقول الإهتمام بالأم يبقى طول السنه مش في يوم واحد بس
هو حد قال إننا مش حانشوف أمنا الا في اليوم ده , كون إننا بنخصص يوم للأم مش معنى كده إن يبقى فيه جفاء بقيت السنه , وده ميمنعش برضه إننا نعملها يوم مخصوص بإسمها لأن ده من صميم توصيه ديننا بالوالدين و صلة الرحم بيهم و خاصة الأم , و أعتقد إننا حافظين كويس الايات و الاحاديث اللي بتوصي بكده واللي اليوم ده بيعتبر تجسيد للتوصيه دي

بدعة وكل بدعة ضلالة وكل ضلالة في النار او كما قال صلي الله عليه وسلم
ولتجنب ذلك بحاول انشر الفكر ده في البيتين قبل المناسبة
يعني قبل مولد النبي بقول ده بدعة وانزل اجيبلهم الحلاوة بردو بس يا اما قبل المولد يا اما بعده
وكذلك عيد الام عند ماما وعند حماتي
وربنا يستر علينا من الحاجات الصغيرة دي