الموضوع: صيانه الـ 1000 بغبور الأسكندرية

الحمد لله تمت على خير أول صيانه وعقبال ال 100000 بأذن الله
اليوم ذهبت للتوكيل فى تمام الساعة 8:30 وقمت بتسليم السيارة وأخذت رقم 13 أول القصيده معلش وقمت بعد ذلك بملىء أستمارة فيها بعض بيانات السيارة وتم سؤالى من قبل أحد مهندسى الأستقبال
1- هل سوف تغير زيت وفلتر؟ قلت نعم ومعى زيت شل الترا فتم تدوين ذلك
2- هل لك أى شكوى من السيارة ؟ قلت الحمد لله لا شىء بس ساعات الأنذار بيعلق فتم تدوين ذلك
3- سألته هل ممكن أغسل موتور السيارة حيث لحد الأن الموتور بتراب الجمرك قال تحت أمرك
4- وتم أعطائى صورة من الأستمارة صفراء اللون مدون عليها ميعاد التسليم الساعة 11:30
5- ذهبت اتسكع قليلا وبعد حوالى ساعتين فى تمام الساعة 10:30 ذهبت لأطمئن على السيارة وبالفعل رأيتها بالورشه وبالسؤال عرفت أنها خلصت ما عدا التشيك على جهاز الأنذار حيث أن الكهربائى مشغول فى سيارات أخرى لنفس السسبب تقريبا ومن هنا قلت عليه العوض فيك يا مصر اسهل حاجة فى السيارة واللى متركبه فى مصر بتعطل حمدا لله السيارة متجمعه بره وبعد حوالى ساعتين فى حوالى الساعة 12:30 تم الأنتهاء من السيارة وتم دفع الحساب تقريبا 25 جنيه ثمن الفلتر مضافا اليه ضريبه المبيعات وخرجت بالسيارة وبالكشف على الموتور وجدت انه تم غسيل الموتور بالهواء فقط
6- اليكم احساسى بعد الصيانه 1000
السيارة بقت أنعم - العفشه اتربطت - التوكيل حتى الان مش بطال - فعلا السيارة جميلة بكل المقاييس
نسيت اقول لكم ان التوكيل رجعلى حوالى نصف كيلو زيت
هذه تجربتى مع غبور الأسكندريه

الف مبروك علي صيانه ال 1000 يا باشا
موضوع الموتور ده ممكن تجيب الاسبراي من اي بنزينه نضيفه و تعمله انت السعر تقريبا 25 جنيه
انا كنت بشوف مركز الصيانه اللي عند المتحف الروماني طوابير عربيات لا حصر لها فالحمد لله رقم 13 طلع وشه كويس
طبعا كان لازم تحس بعد تغير الزيت و الفلتر و تربيط العفشه بفرق للاحسن
ربنا يبارك لك فيها و يكفيك شرها
يا ريت تسمع نصيحتي و تجيب غطا للعربيه و تحافظ علي انك تغطيها
ربنا يبارك لك فيها
و نشوف الاستيكر عليها