السلام عليكم
ارجو انك توضح ياباشا قصدك بالموديل اللي فات موديل سنة كام لان الشكل الحالي للسياره هو نفسه في موديلات 2007 و 2008 و 2009 و الفروقات كلها شكليه و بسيطه جدا دي اول نقطه.
ثانيا بالنسبه لموضوع الاتزان فأي سياره عاليه عن الارض زي ما اخونا قالك سابقا اتزانها بيكون مختلف عن السيارات السيدان واصلا مش من الحكمه في اي سياره انك تاخد الملف اعلي من سرعة 60 لانك كده بتعمل حمل عالي جدا علي عفشة السياره و عدم اتزان ليها بيعرضك لخطر كبير.
ثانيا رايي الشخصي في السياره و بعد استخدامها حوالي سنه هو ان السياره ممتازه جدا و مناسبه جدا لمتطلباتي في السياره و خلي تحت متطلباتي دي 100 خط لانها اهم شئ لاني لا اشارك في سباقات سيارات و لذلك لا اقود اسرع من 120 و السياره جربتها علي سبيل التجريب في سرعات عاليه حتي اقتربت من 170 و كانت متزنه بشكل كبير و الباور بيتقل جدا كل ما زادت السرعه.
اما بقي بالنسبه لموضوع السعر فأنا مش مع اخونا في موضوع ان سعرها مبالغ فيه بالعكس انا شايف انه مناسب جدا لسياره 4*4 و يابانيه مقارنه بالبدائل المتاحه و من غير الدخول مع مقارنه لسيارات من بلاد اخري مثل الكوري او ما شابه مع كامل الاحترام لكل السيارات ولكل مالكيها.
انا كمان مع الاخ اللي اتكلم علي قراءة الكتالوج و اللي هتلاقي فيه ان السياره مزوده بنظام حفظ الاتزان في المنحنيات و لكن كل شئ له حدود و كمان انا مع موضوع ان كل سياره لازم ننظر لها علي قدر امكانيتها و عوامل الامان المتوفره فيها و سعرها و اذا بحثنا عن السياره الكامله لن نجدها و اذا حاولنا الاقتراب من الكمال فأنا انصحك بسياره و كل الاخوه بسياره رنج روفر او bmw x7 وسعرها مناسب لامكانيتها جدا في مصر حوالي مليون و نصف وطبعا سيارتي او اقصد التيريوس لا يمكن ان تقارن حتي بكرسي من هذه السيارات.
المفضلات