الفرق بين الاسعار بين مركزى العبور والرزق

**Eng_aly** · 02-04-2009 07:01 AM

بصراحة من فترة وانا متضيق جدا من الاسعار اللى عمال اسمعها من الاخوة ملاك السيارة واللى باشوفة وعامل اسئل نفسى هو ليه كدة المهم من خلال المتابعة لاحظت حاجة غربية هى يمكن متبقاش قوى بس انا متغاظ
المصنعية دائما فى الرزق اقل حوالى 60 جنية عن العبور ومش عارف اية السبب "ويارب الرزق ميغليش"ودة فى اكتر من مرة لاكتر من زميل
المهندس هيثم فى موضوعة كاتب ان المصنعية 300جنية وكمان فى 52 جنية مصنعية تركيب تيل فرامل؟؟؟؟؟؟؟؟؟؟؟؟؟؟؟؟؟؟؟؟ ؟؟؟
والاستاذ توفيق كاتب ان المصنعية 240 جنية وهى هى نفس الحاجات اللى اتعملت عندة هى اللى اتعملت للمهندس هيثم تقريبا مع الاخذ فى الاعتبار انهم اخذوا حق تركيب التيل لوحدة ...ماشى
سير الادارة
م/هيثم 120
أ/توفيق 113
زيت فتيس
م/هيثم 35
أ/توفيق 24
والحاجات دى مهما كانت صغيرة "من غير ما نتكلم على المصنعية"يبقى سؤال وهو غاية الموضوع هو الرزق اللى بيبع قطع الغيار للعبور علشان كدة سعر سير الادارة"على سبيل المثال إحنا لسة مش عارفين غير اللى سمعنا عنة" اغلى 7 جنية من العبور ولا اللى فى الرزق دة مش بتاع الدايهاتسوا...طيب هل الصانيعية فى الرزق اقل خبرة وعلم من الصنيعية فى العبور

**osama_alam** · 02-04-2009 11:47 AM

أستاذ توفيق مركز رزق ده مركز خدمة تيوتا اصلا وموزع لتويوتا وكمان لديهاتسو (شركة الاسكندرية) فلما اخد توزيع ديهاتسو كمان اتفق مع التوكيل على صيانة ديهاتسو عنده في اسكندرية

طيب عندنا في اسكندرية بقه في حوالي 4 مراكز لصيانة التويوتا فطبيعي انه يرخص شوية من مصنعياته علشان ينافس (اسعار صيانة ديهاتسو =تويوتا عنده طبيعي لأنها نفس العريبة بنسبة كبيرة )

انما ديهاتسو ملهاش غير مركز خدمة واحد في القاهرة فالاسعار اللي بيحطها احتكار وبمزاجه طبعا

**توفيق طة** · 02-04-2009 03:19 PM

بسم الله الرحمن الرحيم .

أولا تحياتى للمهندس /على.وللأخ الفاضل/أسامة علام .

أؤيد المهندس على فى غلو أسعار العبور فى حاجات بسيطة لكنها فى الأجمالى تفرق على الأقل نحن المفروض لنا ميزة فى مركز العبور وهو يعمل لنا تخفيض بسيط عشان نايل موترز .طيب مركز الرزق لوحدة عامل تخفيض لجميع العملاء .هنا نقطة نظام .من قبل حدث معى أن طلبت مركز العبور كنت محتاج فانوس أمامى شمال لم أجدة فى مركز الرزق لكن وجدتة فى مركز العبور سألت مندوب المبيعات عن سعرة أفاد أنة ب560 جنية قلت لة سأحضر باكر كى أشترية وأنا فى الطريق اتصلت بة مرة أخرى وأفاد أنة موجود وب 560 جنية وصلت المركز وجدتة ب800 جنية سألتة أنت قلتلى أنة ب560 جنة مرتين أنكر انة قال ذلك مع اننى كان معايا صديق ومتابع المكالمات مرضيتش أعمل مشكلة لأنى راجع دمياط مرة أخرى والصنايعى منتظرنى .هذا هو أسلوب تعاملهم مع العملاء. أستخفاف بنا ؟ولن أقول أكثر من ذلك وأدعوا جميع الزملاء فى تفسير هذة المعاملة معنا .
بالنسبة لرأى الأخ الفاضل أسامة علام أؤيدة تماما .

تحيـــــــــــــــاتى