ايرباج لانسر بومه 2008

**SaNisSro** · 24-03-2009 12:09 AM

المفروض ان اللمبة دي اوتوماتيك بتبتدي تنور في اي عربية بعد فترة معينة عشان تروح تكشف على الايرباج فقط زي الصيانة الدورية ابقة روح اكشف وخليه يشيلهالك كمبيوتر

**Ahmed Hassan** · 24-03-2009 12:35 AM

المشاركة الأصلية كتبت بواسطة man_66666661

تسمع نصيحتى شيل الاير باج واقفل الطارة حتلاقى لمبه الابرباج منورة اطفيها على الجهاز فى الشركة او فى اى مكان وكبر دماغك

مش هينفع تطفيها بالجهاز. لو هتلغي الايرباج و مش عايز اللمبه تنور يبقى تشيلها من التابلوه خالص. فيه ناس بتوصلها بلمبه الزيت علشان تنور و تطفي معاها (في الحاله دي بيكون الكهربائي بيغش صاحب العربيه اللي عايز يطفي اللمبه او بايع بيغش مشتري).

**M.Nasr** · 24-03-2009 02:32 AM

كتير اوى كده على الايرباج وبعدين الاعمار بيد الله العربيات بقالها 100 سنة بتنزل من غير ايرباج ولغاية دلوقتى فى عربيات بتنزل من غيرها المهم تتوكل على الله وان شاء الله ربنا يحفظنا جميعا

**Ahmed Hassan** · 24-03-2009 04:49 AM

المشاركة الأصلية كتبت بواسطة gama667

كتير اوى كده على الايرباج وبعدين الاعمار بيد الله العربيات بقالها 100 سنة بتنزل من غير ايرباج ولغاية دلوقتى فى عربيات بتنزل من غيرها المهم تتوكل على الله وان شاء الله ربنا يحفظنا جميعا

كله بامر الله. بس لابد من الأخذ بالاسباب. العربيات بقالها 100 سنه بتتعمل من غير ايرباج.. و كمان كانت بتتعمل من غير حزام!!

اظن دلوقتي بنشوف ناس بتطلع سليمه من حوادث -بأذن الله طبعا- مش ممكن كنا نتخيل ان ممكن حد يطلع منها سليم بسبب عوامل الامان في السيارات اللي مكانتش موجوده قبل كده.

**NaderNabil** · 24-03-2009 08:57 AM

انا مش فاهم الناس اللي بتقول علي الإيرباج ملهاش لازمة و شيلها و الكلام ده؟!!!

دي نعمة ربنا أنعم علينا بيها...نقوم إحنا نيجي نرفض النعمة ؟؟؟

كويسين إحنا قوي أما غبور و أمثاله ينزلوا العربيات فاضية و بدون أي وسائل أمان نقوم نزعق و نشتم و نقول عليهم حرامية و مش بيهتموا بأمان الناس....ليهم حق يشيلوا الحاجات دي طالما الناس خايفة علي فلوسها أكتر من حياتها!

**mohamedway** · 24-03-2009 10:08 AM

المشاركة الأصلية كتبت بواسطة Kareem Khattab

حياة الانسان لا تقدر بثمن
لو هدفع 10000 جنيه حتي بس اعيش ايه المشكله ؟؟

الكلام ده مش مضبوط قوى لأن الإير باج ساعات بتكون هى السبب فى الوفاه لأنها بتفتح زى القنبله عن طريق انفجار بيحصل بداخلها والكلام ده مكتوب فى الكتالوج بتاع العربيه و ياريت تشوفه بنفسك و مكتوب فى الكتالوج انك متقربش منها لأنها فى مراحلها الأولى و هى بتفتح خطيره جدا و بيقولك ترجع الكرسى لورا على قد ما تقدر و لازم تربط الحزام لأنك لو مش ربطه هتقرب من الدركسيون جدا أثناء الفرمله الجامده قبل حدوث الحادث و لو الاير باج فتحت و انت فى هذا الوضع غالبا بتؤدى للوفاه....

و من ضمن المحاذير انك ما تحطش حاجه فى فمك و انت سايق زى البايب مثلا أو سجاره بفلتر أو قلم أو اى حاجه و كمان لو فيه اير باج للراكب الأمامى ممنوع تحط أى حاجه على التابلوه عشان لو الاير باج فتحت هتطير و تعور اى حد و كمان متقعدش طفل صغير على حجر شخص قاعد جنب السواق و ممنوع توقفه أمامك فى الدواسه و كل شويه بيؤكد فى الكتالوج ان ربط الحزام هو الحمايه الأساسيه و الاير باج حمايه مكمله فقط و ربما تكون مضره فى حاله عدم الالتزام بالتعليمات و طريقه التعامل معاها....... و أخيرا أنا مش بقلل من أهميتها و إلا ما كانوش عملوها و لكن الدنيا مش ورديه قوى كده للى عنده اير باج فى عربيته ده غير سعرها الغالى زى ما صاحب الموضوع بيشتكى وممكن حد يطلع من عربيه ما فيهاش اير باج سليم فى حادثه جامده وواحد تانى لأ فى عربيه فيها اير باج لأن ربنا هو الحارس.

أعرف ناس بيشيلوا فيوز الاير باج مخصوص عشان يلغوها و ما تشتغلش أبدا.