العتب اتخبط

**nasroo** · 23-03-2009 02:47 PM

طب انا عربيتي وقع عليها قالب طوب من فوق عمارة بتتبني جه فين بئاااااا
جه في القايم من جنب السقف من فوق بعد الازاز ب5 سنتي كده طبعاً انا اول ماشوفت العربية كده قولت هي اتقلبت وهي مركونة ولا ايه جه الغفير وقالي الحمد لله انها ماكسرتش الازاز قولتلة ياريت كان الازاز اتكسر كان ارحم ومش عارف اعمل فيها ايه بجد شكلها منرفزني اوي هل دي ينفع معاها سمكرة او شفط

**MMamdouh** · 23-03-2009 03:03 PM

انا شوفت عند سمكرى اداة كدة عبارة عن سيخ متنى بزاوية قايمة و فى اخرة قلاووظ

السمكرى بيخرم فى القايم فى الحتة المخبوطة و يركب السيخ و يلفة زى المسمار لحد ما يمسك جامد و بعد كدة يدق على الزاوية بتاعت السيخ بالمطرقة فا يرد الحتة المخبوطة لبرة

طبعا النتيجة مش حتبقى 10 على 10 بس اهون من القطع و اللحام و الكلام دة و فى النهاية المعجون حيغطى كل حاجة

MMamdouh

**Samir Elshahawy** · 24-03-2009 10:15 AM

المشاركة الأصلية كتبت بواسطة MMamdouh

انا شوفت عند سمكرى اداة كدة عبارة عن سيخ متنى بزاوية قايمة و فى اخرة قلاووظ

السمكرى بيخرم فى القايم فى الحتة المخبوطة و يركب السيخ و يلفة زى المسمار لحد ما يمسك جامد و بعد كدة يدق على الزاوية بتاعت السيخ بالمطرقة فا يرد الحتة المخبوطة لبرة

طبعا النتيجة مش حتبقى 10 على 10 بس اهون من القطع و اللحام و الكلام دة و فى النهاية المعجون حيغطى كل حاجة

MMamdouh

طبعا أنا بأحترم أرائك و بأثق فيها , بس أنا اللي صلح لي القايم و العتب أستخدم القطع و اللحام و بصراحة النتيجة ممتازة و العربية شافها بعض أعضاء المنتدي و ماعرفوش أنها كانت مخبوطة , هي برضه تتوقف علي حرفية و مهارة السمكري

**nasroo** · 24-03-2009 11:07 AM

المشاركة الأصلية كتبت بواسطة SE_coralsea

طبعا أنا بأحترم أرائك و بأثق فيها , بس أنا اللي صلح لي القايم و العتب أستخدم القطع و اللحام و بصراحة النتيجة ممتازة و العربية شافها بعض أعضاء المنتدي و ماعرفوش أنها كانت مخبوطة , هي برضه تتوقف علي حرفية و مهارة السمكري

طب ممكن تقول لي السمكري ده فين وهيقدر يعمل القايم اللي وقعت عليه الطوبة ده

**Samir Elshahawy** · 30-03-2009 01:06 AM

المشاركة الأصلية كتبت بواسطة azamell

طب ممكن تقول لي السمكري ده فين وهيقدر يعمل القايم اللي وقعت عليه الطوبة ده

أولا.. أنا بأعتذر عن التأخير في الرد لأني مادخلتش علي نايل موتورز من أكثر من أسبوعين دلوقتي

ثانيا اللي صلح لي العربية :
- عمرو السمكري بشارع الأربعين , بعمارة العسكري و ممكن أجيب لك رقم تليفونه و عنوانه بالتفصيل