ما المطلوب عمله عند شراء سيارة مستعملة لتفادي المصيبة اللى حصلت لسيارة أخي " الالنترا

**osoliman88** · 22-03-2009 03:35 PM

الموضوع باختصار:

أخويا أشترى سيارة هيونداى النترا موديل 1992 وكان العداد عامل 225 الف كيلو وذلك منذ 5 شهور تقريبا ، ومن يومين الماتور قفش في الطريق الصحراوي.

أولا: قام بتغيير كافة أو مع سيور
ثانيا: قام بتغيير فلتر الهواء والزيت
ثالثا: سير الكاتينة.

أنا بتكلم بس عن الماتور

المهم أقبل الماتور ما يقفش بيوم كانت لمبة الزيت بتنور وتطفي كل دقيقتين، أعتقد أخي أن المشكلة أن الزيت نقص شوية ولما يفضى يبقى يكمله

وكانت المصيبة ان الماتور اقفش معاه في الطريق

أخويا راح جاب ميكانيكي وكان تشخيصه ان طرمبة الزيت عطلت ؟ ؟ ؟

على فكرة أخويا بيحب الجري بطريقة زيادة حبتين لدرجة أنه اك بيجري بسرعة 160 تقريبا بشكل مستمر

المطلوب من السادة الأعضاء الموقرين ابداء الآراء حول الأسباب الممكنة هذه المشكلة؟ على الرغم أن مؤشر الحرارة كان طبيعي وكل شئ عادي جدا

يعني هل كان المفروض يغير طرمبة الزيت
أو أن عمر الماتور انتهي ...... الخ

وذلك للإستفادة وتجنب مثل هذه المصائب في المستقبل

أنا في انتظار التعليقات لأن الأمر هام جدا

ويمكن هو دا السبب اللى خالالني اعرض موضوع عن " أهم الأماكن التي يفحص فيها السيارة وتقييمها في المنتدى العام منذ ساعتين"

هيا يا شباب

**mokhtar** · 22-03-2009 04:36 PM

اصلا هو فيه النترا 92 اللى اعرفه ان هيونداى فى الفتره دى كانت فى بدايه الاكسيل انما النترا مش عارف طب شكلها ايه
هو كان المفروض قبل مايشترى يكشف على العربيه ويعمل كبس موتور يعرف نسبته كام وعايز يتغير فيه ايه

**tmedhat** · 22-03-2009 04:45 PM

ممكن طلمبة الزيت تعطل فعلا
مالهاش دعوة بالحرارة

**osoliman88** · 22-03-2009 06:00 PM

الأخ العزيز / مختار
العربية اللي باكلم عليها كانت أصلا استيراد من الخارج لأنها كانت بكتييف سخن فقط ، وانت عندك حق كان المفروض اتعمل كشف على الماتور خاصة بعد 225 الف كيلو

**abou_ruqi** · 22-03-2009 06:53 PM

معلش أنا أسف قوي
بس ازاي حد يشتري عربية كوري ... اول التسعينات ... معدي الـ 200 ألأف ؟؟

هو أخو حضرتك اشتراها بكام دي ؟؟

**Mohamed_Ibiza** · 22-03-2009 07:23 PM

ياجماعة انا شايف كل الناس بتتكلم على نوع العربية وموديلها وعملت كام كيلو والعمر الافتراضي للماتور وهكذا ..... يا جماعة بعيدا عن كل التفاصيل دي المشكلة واضحة وباينة زي الشمس ... دورة الزيت في الموتور كان فيها مشكلة وابتدت تدي اشارة لصاحب السيارة عن طريق ان لمبة الزيت تطفى وتنور ولكن الاهمال هو الل نتج الي هذه الاضرار بعيدا عن اي تفاصيل اخرى .... ياجماعة ده يت يعني مينفعش الواحد يكبر دماغه منه ..

**wesam_salom** · 22-03-2009 07:28 PM

المشاركة الأصلية كتبت بواسطة ghalasa

ياجماعة انا شايف كل الناس بتتكلم على نوع العربية وموديلها وعملت كام كيلو والعمر الافتراضي للماتور وهكذا ..... يا جماعة بعيدا عن كل التفاصيل دي المشكلة واضحة وباينة زي الشمس ... دورة الزيت في الموتور كان فيها مشكلة وابتدت تدي اشارة لصاحب السيارة عن طريق ان لمبة الزيت تطفى وتنور ولكن الاهمال هو الل نتج الي هذه الاضرار بعيدا عن اي تفاصيل اخرى .... ياجماعة ده يت يعني مينفعش الواحد يكبر دماغه منه ..

المشكله مش فى العربيه

المشكله فى اهمال صاحبها

يعنى لميه الزيت بتنور

وهو بيقرص عليها

طبيعى المكنه تقفش

حتى لو مرسيدس موديل 2009

هنا العيب فى السواق مش فى العربيه

العربيه عملت اللى عليها وقالت انا تعبانه ارحمنى وودينى عند الدكتور