إحترس عند تنظيف فلتر هواء المحرك

**Dr Ahmed** · 09-09-2007 02:32 AM

تنظيف فلتر المحرك مفيد ومطلوب خاصة بعد العواصف الترابية والسير فى المناطق الغير مسفلتة .. لكنى لاحظت مؤخرا مع بعض إخوانى يوم المقابلة إرتفاع فى صوت الموتور (بيعمل عننننننن كأنه تربو) ولم تكن فى انتباهى حتى نبهنى إليها أخى إسلام (بعد أن أخذ عربيتى يجربها بعد أن كسرت له الدلاية بتاعة عربيته ) وقارنا السيارتين ببعض..

البعض قال ان السبب فى الفلتر (نادر) والبعض قال إن السبب علبة الشكمان (اسلام)

اليوم كشفت على الشكمان الراجل قاللى 100% ولا الهوا وقدامه 15 سنة على ماتفكر انه ممكن يتخرم (ماشاء الله)

بصيت على الفلتر بنظرة متفحصة واكتشفت أنى دائما أرجع الفلتر مكانه بعد تنظيفه دون أن أكبسه فى مكانه!!!
يعنى الفلتر بيبقى مكانه وبينفس الهوا من جوانبه!!!

المهم كبسته كويس والصوت بيتهيألى اتعدل جدا ، وطبعا مش هتأكد إلا لما أكسر الدلاية التانية بتاعة عربية إسلام..يووووه قصدى لما أقارنها بعربية إسلام لأنى هشوفه قريب إن شاء الله...

الخلاصة: نظف الفلتر براحتك بس رجعه مكانه كما كان بالضبط.

**M_Abdallah** · 09-09-2007 05:54 AM

شكرا علي نصيحتك يا دكتور أحمد.

_______________
محمد عبدالله

**إسلام شاهين** · 09-09-2007 10:12 AM

الحمد لله إنك اهتديت للمشكلة واتحلت ومستني حضرتك في المقابلة الجاية علشان تكسر الدلاية الثانية !!!!!!!!!!!!!!!!!!!

**Powert** · 09-09-2007 11:28 AM

اشمعنى هو يكسر دلايتين هو انا ابن البطة السودا

ماليش دعوه المقابلة اللي جاية عايز اكسر دلاية

**Karim_Monir** · 09-09-2007 11:51 AM

بس ما قولتليش يا اسلام باشا كنت بتعمل ايه في عربيتي لما خدت المفتاح
الدلايات بتاعتي ما تجيش على مقاس عربيتك :mrgreen: :mrgreen: :mrgreen: :mrgreen: :mrgreen:

**Nader** · 09-09-2007 12:13 PM

على فكرة الخطورة مش موضوع صوت عالي ولا حاجة، لا دة الخطورة من الاتربة اللي بتدخل للموتور. انصحك بتغير زيت الموتور فوراً يا دكتور اذا كان الجزء المفارق كبير، انا بصراحة مشفتهوش علشان كنا بالليل.

لا والله يا كريم أنا كنت بشوف نوع الدي في دي إيه علشان مش لاقي اللي بتليفزيون زي اللي عندك

وعلى فكرة معرفناش نشغل التلفزيون او بمعنى اصح مكنش في اشارة.

**إسلام شاهين** · 09-09-2007 12:31 PM

يا باشا الاجتماع للكل وكان معلن عنه قبليها باسبوعين في العام وتشرفنا في اي وقت ومستنينك على الفطار 17 رمضان ان شاء الله .

الموضوع: إحترس عند تنظيف فلتر هواء المحرك

LinkBack

أدوات الموضوع

عرض

إحترس عند تنظيف فلتر هواء المحرك - انشر الموضوع فى :

-

-

-

المواضيع المتشابهه

تغيير أو تنظيف فلتر هواء الميجان

عروض هيونداي : فلتر هواء و فلتر زيت و كشف تكييف مجانا (15 يونيو الى 20 يوليو)

4-تنظيف فلتر هواء للتيدا.....

كيف يعمل فلتر هواء المحرك..؟؟؟

خطوات تنظيف فلتر تنقية هواء التكييف للاسبرانزا

الكلمات الدلالية لهذا الموضوع

المفضلات

المفضلات

ضوابط المشاركة