مين احلي

**ferrari1500** · 06-10-2009 12:47 AM

المشاركة الأصلية كتبت بواسطة y2y1500

هو حضراتكم بتعملوا تصويت على مين الاجمل من حيث الشكل ولا المضمون

وعلى فكرة اوتلاندر و4007 و سى كروزر دول 3 اوجه لعملة واحدة لأنهم نتاج مشروع مشترك واحد بين ميتسوبيشى اليابانية وpsa الفرنسية المالكة لبيجو وسيتروين
يعنى من الاخر بيضحكو علينا ب3 تصميمات انما الاصل واحد والتجهيزات واحدة فى الثلاثة .. نصب شركات وعملية تسويق وخلاص

الله ينور يا عم الحاج.

**Youssef.Awad** · 06-10-2009 02:27 AM

المشاركة الأصلية كتبت بواسطة ferrari1500

الله ينور يا عم الحاج.

أى خدمة يا ريس
إحنا بننور المحكمة بس عشان القاضى يعرف يحكم

**horas3000** · 07-10-2009 11:59 AM

المشاركة الأصلية كتبت بواسطة y2y1500

هو حضراتكم بتعملوا تصويت على مين الاجمل من حيث الشكل ولا المضمون

وعلى فكرة اوتلاندر و4007 و سى كروزر دول 3 اوجه لعملة واحدة لأنهم نتاج مشروع مشترك واحد بين ميتسوبيشى اليابانية وpsa الفرنسية المالكة لبيجو وسيتروين
يعنى من الاخر بيضحكو علينا ب3 تصميمات انما الاصل واحد والتجهيزات واحدة فى الثلاثة .. نصب شركات وعملية تسويق وخلاص

ما احنا عارفين يا باشا و انا حكيت القصة بتاعت التعاون ده في مشاركة سابقة في نفس الموضوع. الفكرة ان ازاي كل شركة قدرت تميز التصميم بتاعها عن الشركة التانية و برضة ردة فعل الناس للكلام ده بدليل ان كل اللي دخل الموضوع ماختروش نفس العربية كل واحد اختار اللي هو شايفها احلي او اختار الماركة اللي هو عارفها و بيحبها

**horas3000** · 07-10-2009 12:01 PM

المشاركة الأصلية كتبت بواسطة horas3000

استكمالا للموضوع هقولكم علي قصة المشروع الجهنمي ده اللي هو عبارة عن مشروع مشترك بين كل من بيجو و سيتروين من ناحية (انت عارفين انهم شركة وحدة) و ما بين ميتسوبيشي اللي دخلت دودج في اللعبة بس بعدين. الفكرة ان شركة بيجو و سيتروين كانو عايزين يدخلو قطاع ال 4X4 بس هما معندهمش الخبرة في المجال ده و في نفس الوقت كانت ميتسوبيشي بتحضر الاوتلاندر الجديدة فقامت شركة بيجو و سيتروين بالعرض علي ميتسوبيشي انهم يساهمو في تكاليف التطوير في مقابل ان العرببية تبقي تتصنع باسمهم مع اختلاف بسيط في التصميم حسب كل ماركة زي مشفتم في الصور كدة. و بعد ما العربية ظهرت و في اطار التعاون المشترك بين ميتسوبيشي و دودج خدت دودج التصميم و عملت العربية الجورني دي في مقابل كدة ميتسوييشي خدت من دودج تصميم البيك اب و نزلتها تحت اسم الرايدر.

ادي القصة وراء تايتانك .... قصدي التعاون