عربيتى البروتون الكخه الوحشة مش بتحك فى المطبات

**abo3bdolrahman** · 22-03-2009 11:32 PM

إنهاردة يا جماعة هاقولكم على موقف جديد أما بقى حتة فصل يكسف المهم و أنا ماشى بعربيتى الواجا الكخة الوحشة المعفنة التى لا ترقى لمستوى العربيات الأخرى بنت الناس خير اللهم أجعله خير كانت زوجتى راكبة جنبى و والدتى و أختى و أبنائها ورايا يعنى بالصلاة على النبى الحمولة كده بتاعت 450 كجم بما فى ذلك حاجات فى الشنطة و خير اللهم أجعله خير ماشى فى إحدى طرق القاهرة اللى زى الحرير و فجأة
حركة المرور بقت بطيئة جدا و أخوكم مش بيطيق الزحمة مع إنى قاهرى جدا بس الدلع فى بورسعيد بشوارعها الفاضية خلى الواحد بيبقى نفسه ضيق فى القاهرة
المهم علشان ما أطولش عليكم طلع الطريق بطىء علشان الناس بتعدى على البيه المحترم حضرة صاحب المقام العالى مطب باشا الكبير و كانت كل العربيات بإستثناء عربيات الدفع الرباعى بتاخد المطب بالعرض أو بالوارب علشان متحكش من تحت فيه حتى لو كانت مش محملة إحترت و قلت يادى الحوسة هاعدى إزاى السد ده بعربيتى البروتون الواجا الوحشة الكخة إللى عفشتها وحشة و كلها على بعضها كده :k38:
المهم نسيت آخد المطب بالورب و عديت و لقيت كل الناس بتبصلى بإشمئزاز إه ده العربية الوحشة دى عربيته عدت المطب عادى و ما حكتش فى المطب ياى إيه اقرف ده و كمان و هوا مركب الناس دى كلها و بكده ياجماعة نقدر نقول إن العربية التى لا تحك فى المطبات زى باقى العربيات التانية أكيد أكيد لو بروتون تبقى وحشة و كخه و عفشتها و حشة و كفاية كده عليكم النهارده و نشوفكم بكره مع مقالب جديدة من عربيتى البروتون واجا الكخة الوحشة اللى مش بتحك فى المطبات

**MuhammedSoliman** · 22-03-2009 11:46 PM

يا أخي ابو عبد الرحمن انت بتفكرني بحجات النهاره اخر عكننه الموضوع بيتكرر معايا كذا مره قدام الناس وباضطر بالجن تو بتعتي أن اركن على جنب لغاية الطريق ما يفضه خالص واخد المطب لوحدي وخاصه فى الطريق الصحراوى بعد كده مره اخوايا ومعاه لانوس شفني واقف مستني فوقف ليه وقلى خير واقف ليه سعتها الدمعه فرت من عنيه وقدرتش اكتم عنه الحقيقه ان العربية مبتحكش وجأه وباخلاق الفارس النبيل اخويا شدني من دراعي وقلى والله لازم تاخد المطب ده بعربيتى وانا هسوق عربيتك قلتله ازاي يا بني بس دا انا معاي خمسه فى العربية وما بتحكش انت فاضيه وبتحك قالي كلمه بترن فى ودني لغاية دلوقت "" الاخوات بيبانوا فى وقت الشده "" ومن ساعتها وانا راكن العربيه وبحاول اجيب لها سوست اعلى مش لاقي كلها اقصر من اللى موجود فيها ........ ودمتم بخير

تحياتي

**saidbakr** · 23-03-2009 02:07 AM

المشاركة الأصلية كتبت بواسطة abo3bdolrahman

إنهاردة يا جماعة هاقولكم على موقف جديد ...

حضرتك متأكد إنك بتتكلم عن واجا موش عن شاهين و لا بيجو 504 79؟!!!

**eslam_wega** · 23-03-2009 02:43 AM

هههههههههه جامدة اوى اليوميات دى
استمر

**morsi** · 23-03-2009 10:05 AM

ياجماعة الراجل بيهزر.طبعاً اللى حصل هو العكس تماماً

**SaMeR-PrOtOn ‎** · 23-03-2009 12:40 PM

ربنا يهنيك ويباركلك بعربيتك ويكفيك شر الحساد امين

**SaNisSro** · 23-03-2009 01:51 PM

ما شاء الله ربنا يخليهالك

**m.3abdel3al** · 23-03-2009 03:31 PM

يا جماعة جاءنا البيان التالي : قرر برنامج" بروتوني وش ودهر " الاتصال بالحكومة المصرية للنظر في شكوة الاخ العزيز ابو عبد الرحمن وهي " ان عربيته ما بتحكش في المطب "

تخيلوا العربية مش بتحك خالص ولا حته حكة صغيره خالص وفعلا ودا العشم بردوا رد السيد المسئول و ازاع لنا هذا الخبر قررت " وزارة المطبات العالية اوي اوي اوي" انها هتزود ارتفاع المطبات 6 سم علشان العربيات كلها تحك ودا ضمن البرنامج الانتخابي للحكومة للمساومة بين كل افراد الشعب ..... وشكرا

:POINTI~2[2]: