قــطط داخــل موتــور السيــــارة !

**Michael_Lanos** · 19-11-2009 10:58 AM

المشاركة الأصلية كتبت بواسطة hashem1999

بصراحه وبرغم الموقف ده لكن برضه الصور جميله جدا

الف الف شكر يا مان

**tarekaf78** · 19-11-2009 02:32 PM

القطط شكلها حلو خالص بس كويس ان امهم سبيتك ومعملتلكش حاجه

**rockana** · 19-11-2009 03:45 PM

المشاركة الأصلية كتبت بواسطة lancerevolution

قبل ما تركب العربية رجها شوي قبل ما تدورها و خبط عليها الناس حتقول عيك مجنون بس متسمعش كلامهم

هو ده الحل
و كمان فعلا ممكن تربي كلب

**Michael_Lanos** · 19-11-2009 04:07 PM

المشاركة الأصلية كتبت بواسطة tarekaf78

القطط شكلها حلو خالص بس كويس ان امهم سبيتك ومعملتلكش حاجه

احنا بعدناها بالعافيه

**Eng.Geo** · 19-11-2009 07:33 PM

موضوع جامد جدا وقطط جميلة
انا هحكيلكوا علي موقف:
وانا في اولي ثانوي كان في يوم عندنا حصة العاب وكانت من اكتر الحصص اللي كل الطلبة بتحبها وواحنا بنلعب كورة كان في استاذ معاه لانوس بيضاء وراح داخل العربية عشان يدورها ويمشي واول مادور العربية اذا بصوت صريخ رهيب جدا جاي من عند الموتور المهم الراجل نزل يجري من العربية واحنا سيبنا الملعب وده مش من عادتنا وروحنا نشوف في ايه فناديناله وبعدين تتطوعت افتح الكبوت ..........بفتح الكبوت لقيت دم كتيييييير في كل حتة والمنظر بشع وقطع غيار قطط متنطورة وده كان دوري اما بعد كده فجت المرحلة بتاعة انتشال الاشلاء وده كانت عن طريق مدرس تاني جاب سفنجة كبيرة وخرطوم ميه واشتغل بس برده كان في اثار بس بعد كدة خدها علي بنزينة وبقت تمام ومن ساعتها بقي كل ما ييجي يدور العربية يعض ربع ساعة عمال يفتح الكبوت ويبص عند كل عجلة ويهزها ويكلكس ..الراجل اتوسوس ..بس للاسف اظاهر ان مفيش حل غير كدة

**abogogo** · 19-11-2009 11:12 PM

لي حكاية ظريفة وعجيبة مع القطط كان عندي عربية 127 بندا وكنت مسافر من القاهرة الى الاسماعيلية وبعد التشيك علي العربية طلعت اجيب الشنط وتوكلت على الله وخت الطريق درك من غير ماقف في السكة وعند وصولي للاسماعيلية نزلت ابص عل العربية لقيت قطة في حجم قططك الجميلة دي كانت قعدة جوه العلبة الفيبر بتاعت هواية الكبوت والغريبة اني مختش بالي منها في القاهرة المهم ختها جوه العربية ودخلت البلد من جوه وعند سوق السمك هناك سبتها

**nomercy22** · 19-11-2009 11:28 PM

هههههههههههههههه
ماتديني قطه منهم

**Eng.Geo** · 20-11-2009 02:32 PM

المشاركة الأصلية كتبت بواسطة abogogo

لي حكاية ظريفة وعجيبة مع القطط كان عندي عربية 127 بندا وكنت مسافر من القاهرة الى الاسماعيلية وبعد التشيك علي العربية طلعت اجيب الشنط وتوكلت على الله وخت الطريق درك من غير ماقف في السكة وعند وصولي للاسماعيلية نزلت ابص عل العربية لقيت قطة في حجم قططك الجميلة دي كانت قعدة جوه العلبة الفيبر بتاعت هواية الكبوت والغريبة اني مختش بالي منها في القاهرة المهم ختها جوه العربية ودخلت البلد من جوه وعند سوق السمك هناك سبتها

الله عليك وعلي قلبك الحنين
فعلا انت اتصرفت افضل تصرف انك ومسبتهاش في اي حتة لأ ده في سوق سمك