الموضوع: ذكريات الطفولة الشقية!!!

ايه رأيكم نعمل موضوع جديد عن ذكريات الطفولة
بس مش اي ذكريات وخلاص
عايزين الذكريات الجامدة اوي او بمعنى اصح الذكريات الشقية ومعنى شقية انك متحبش تقولها قدام ولادك علشان انت عارف بقه موضوع الاطفال والتقليد وموضوع القدوة الحسنة والقدوة السيئة وطبعاً في الحالة دي هتكون انت القدوة السيئة
هو الموضوع صعب شوية بس اكيد لو عصرنا مخنا هانلاقي ذكريات كتير
انا بحاول اعصر مخي دلوقت واجيب ذكريات شقاوة
افتكرت ذكرى دلوقت طبعا في ناس كتير عارفه ان سندريلا اختي الصغيرة واصغر اخواتي
كانت وهي صغيرة مش بتبطل عياط وبتعصبني
اكتشفت انها لما بتترعب بتكست
ولقيتها بتترعب من اي صوت عالي
كنت فجأة اعلي صوت التليفزيون على اخره هههههههههههه تجيلها صدمه وبالتالي تسكت فيها شوية كتير لحد ما مرة الزرار اتكسر في ايدي وبابا الله يرحمه عرف السبب في الكسر وطبعاً من بعدها شوفتلي طريقه جديدة لترهيبها وتهذيبها هههههههههههههه

لما كنت مره في(5 ابتدائي ) كانت لسه الحاجات الخاصه بتاعه المقالب لسه جديده ال بتتعمل في أعياد الميلاد وكان جنب بيتي في محل لسه فاتح جديد متخصص في أنواع كتير من المقالب فروحت وجبت من عنده زجاجه صغيره لما تفتح الزجاجه بطلع ريحههه وحشه جداااااااا محدش يقدر يستحمل يشمها زي ريحت (البيض الفاسد) وجبتها ورحت المدرسه فرحان بيها بس كنت مش عارف اجربها فين فعملتها مابين الحصه الاولي والثانيه وفتحت الزجاجه وحطتها تحت الكرسي بتاعي ومش عايز اعرفكم اه ال حصل انا كنت اول واحد خرج من الفصل وشويه لاقيت كل الفصل خرج بره بصراخ جامد جدااا من البنات واولاد (لاني كنت في مدرسه مشتركه)والاداره سمعوا الصوت و افتكروا ان الفصل( بيولع ) والمدير جه بسرعه والفراشيين والمدرسين وجابواااا معهاهم طفايات الحريق بس معرفوش اه الحكايه الأ لما دخلت الداده وفضلت تدور علي مكان الريحه وشمت الريحه وعرفوا مين ال جاب الزجاجه
لاني بعد فتحت الزجاجه نسيت ارمي السائل ال بداخل الزجاجه وحطتها تحت الكرسي بتاعي واخدت انذار وخصم 15 درجه من اعمال السنه