عربيتي ما جابتش اكتر من كدة

**Karim_Monir** · 09-09-2007 05:43 PM

كنت مسافر من كام يوم وانا رايح وانا جاي قلت اجرب السرعة القصوى للعربية
العربية كان فيها انا وواحد صاحبي ومعانا شنطتين متوسطين واحنا راجعين الشنط زادت حبة
العربية واحنا رايحين واحنا جايين راسها والف سيف ما تعدي 180
غيرت البنزين وحطيت رافع اوكتين وانا راجع يعني بقي تقريبا 95 معملش اي حااجة غير انه البنزين اتحرق بسرعة جدا بس يمكن عشان فضلت اكتر من ساعتين ماشي 180متواصل واقل سرعة 150
سالت الخبير بتاعنا في المقابلة قاللي حلو قوي انها جابت كدة عشان وزن العربية تقيل وجسمها كبير يعني مقاومة هوا اعلى ومشغل التكييف وفيها اكتر من نص حمولتها العادية (450كجم) يعني كان فيها حوالي 250كجم
بس احلى حاجة في الموضوع انها كانت ثابتة ما شاء الله والناس اللي بتشكك في الكرولا وثباتها
اينعم ثبات الريو كان احلى بس كانت انشف لكن الكرولا قبل ماغير الجنوط كانت ثابتة كويس لحد 150 ودلوقتي لحد 180 زي الفل ما شاء الله والصورة ابلغ دليل
حتى صديقي اللي كان معايا في العربية قاللي (وهو معاه جولف ) ان ثبااتها كويس جدا لانة ساقها معايا اكتر من 150 كم

يا ترى حد عنده افكار لزيادة السرعة بدون لعب في العربية

**اسلام المصرى** · 09-09-2007 06:11 PM

كده رضا يا أخ كريم :D كفاية أوى 180 خلى بالك الله يخليك , ربنا يكفيك شر الطريق. عندى سؤال: هو ليه مؤشر الحرارة مش فى النص؟؟ ولا ده عادى مع الجرى الهوا اللى بيجى فى وش العربية بيبردها ؟؟؟

**Nader** · 09-09-2007 06:15 PM

هما مش عجبينك الـ180 يا كريم؟؟ وعاوز اكتر كمان ؟؟ حرام عليك، اصلاُ بعد الـ120 صعب التحكم في العربية، رنا يسترها معانا.

**hero** · 09-09-2007 06:45 PM

ياكريم كويس قوي علي الكورولا انها تجيب 180....وتبقي ثابتة ...
اولا دي موتورها 1300 و 92 حصان....
وبعدين الايروديناميك بتاعتها مش عالية قوي ...يعني قعلا مقاومة الهوا عالية جدااا بسبب شكل جسم العربية ....
وبعدين السرعه دي ...لزومها اية.....

وبعدين ياباشا لو مش عاجباك .....انا ممكن اشتريها .... :lol:

**Sharky** · 09-09-2007 11:25 PM

تربو عايز يعمل شغل كبير معاك
شكله حيطلعها مواهبه إبتكاراته عليك يا كيمو

يلا يا عم تربو مش كان نفسك فى حاجة زى كده يلا إهى جاتلك و مع كيمو
الراجل عايز يعدى ال180كم/ساعة يلا شوف المواتير و النيتروس و إديها يا باشا :lol:

**أبو عبدالله** · 10-09-2007 12:49 AM

على فكره يا كريم الكرولا اللي كانت معايا 2001 او الشكل الجديد
كانت اخرها 180 بدون اي تعديل ولا اي حاجه العربيه زي ما اشتريناها بالظبط كانت بتجيب معايا 180 عادي بدون بنزين 92 او 95 كان بنزين 90 ولا جنوط ولا اي حاجه زياده في العربيه

**محمد ابراهيم 1** · 10-09-2007 12:58 AM

حرام عليك يا كريم إنت مش راكب عربيه فيرارى ولا بورش عشان تجيب السرعه دى
العربيه خفيفه جدا ولا أمان فى أى سياره فى هذه السرعات الرهيبه
إنت عارف 180 كم يعنى بالضبط 50 متر فى الثانيه
ومش حقول أكتر من كده تخيل القصور الذاتى ل 50 م فى الثانيه
ربنا يسترها معانا جميعا
قال تعالى ( ولا تلقوا بأيديكم إلى التهلكه ) صدق الله العظيم

**fahd_628** · 10-09-2007 02:45 AM

كدة تمااااام اوى 180 يا كريم باشا :D دية عربية 1300 سى سى :)

و انا كان فية واحد فى كونتكت كان مصور عداد الياريس على 180 برضة اعتقد ان دة اخر الكورولا و الياريس

بس مقولتلناش ال RPM كان على كام ؟؟؟؟؟؟

انا واحد صاحبى مصور عداد الياريس و هية على 160 و كان الRPM حسب ما افتكر على 4 فا انت على 180 كان على كام ؟

و بالنسبة لزيادة السرعة فا الحل ان دة اخر العربية :D :D :D :D

ممكن انك تجيب على السرعة الثاثة اخرها يعنى حوالى 6,5 RPM و بعدين تجيب الرابع و تحاول تجيب اخرة برضة لو جابت اخرة ابقى انقل على الخامس و طبعا تحاول ان تبقى العربية خفيفة بقدر الأمكان يعنى تشيل كل حاجة زيادة فيها و كمان بشوفهم فى برامج السيارات بيقومو مغطيين الفتحات الى فى الكبوت علشان يحسنو الأيرودايناميك والله اعلم

-

الموضوع: عربيتي ما جابتش اكتر من كدة

LinkBack

أدوات الموضوع

عرض

عربيتي ما جابتش اكتر من كدة - انشر الموضوع فى :

-

-

-

-

-

-

المواضيع المتشابهه

اتصالات انترنت الدنيا لسه فيها حرقة دم اكتر و اكتر

ايه اكتر لون بتحبه و ايه اكتر لون بتكرهه و ليه؟؟؟؟؟؟؟؟؟؟؟

اكتر من كدة اية

دي صوره عربيتي 128 كريزي كار وصوره عربيتي الحاليه سيتروين

الكلمات الدلالية لهذا الموضوع

المفضلات

المفضلات

ضوابط المشاركة