تظبيط الـ 128 (منقول)

**hardcoreman2000** · 23-12-2008 08:47 PM

تسلم والله يا باشا
وبجد يا جماعه انا ليا اكتر من اربعه صحابي كل واحد كان معاه 28 وباعها
زكلهم والله قالولي دموعنا نزلت عليها
العربيه ديه انا بعشقها الصراحه

**mig44n** · 31-12-2008 06:34 PM

المشاركة الأصلية كتبت بواسطة maka

صحيح ايه اخبار تكييف 128

والله بص هو من ساعت ماجه الشتاء والواحد مبيفكرش فى موضوع التكييف...
والمشكلة التانية انى دخلت الجيش

**maka** · 31-12-2008 07:06 PM

المشاركة الأصلية كتبت بواسطة mig44n

والله بص هو من ساعت ماجه الشتاء والواحد مبيفكرش فى موضوع التكييف...
والمشكلة التانية انى دخلت الجيش

ياه الله يكون فى عونك وان شاء تخلص الجيش على خير

**SOBKY** · 03-05-2010 10:52 AM

موضوع هاااااايل ..... 128 هايل .
تسلم على المجهود .

**walid_ali** · 23-05-2010 08:35 PM

موضوع جميل جدا
وتسلم على الموضوع الهايل
لانى هاجيب 128 وبفكر اظبطها زى ما قولت

**ahmed_samurai** · 19-06-2010 01:59 AM

لسلام عليكم لكل الاعضاء الموقرين فى المنتدى انا جديد فى المنتدى وبصراحه انا ماليش فى المنتديات اصلا بس بصراحه المنتدى ده عجبنى جدا وتقريبا اول منتدى اشترك فيه للسيارات
بالنسبه للموضوع اللى انت حطيته ده موضوع جميل جدا جدا وانا كنت قريته من مده وعجبنى
المهم انا معايا 128 من زمان اوى وبجد بحبها جدا وهيا اول عربيه اتعلمت عليها السواقه وجبت بعد كده بروتون جين2 وطبعا ال128 اتركنت بس بعد كده بسنه عملت حادثه بالبرتون جامده والعربيه كانت هتتكلف حوالى 30 الف جنيه تصليح وانا جبتها من اصرها وبعت العربيه على حالتها كده ورجعت تانى لل 128 عشقى الاول والخير
بس طبعا اى حد يسوق 128 بعد عربيه حديثه وخصوصا لو عربيه قويه هيحس طبعا بقرق شاسع فى كل حاجه تقريبا يعنى مثلا ابسط حاجه لو راح مشوار طويل شويه اول لما يرجع البيت يدخل بس يشوف نفسه فى المرايه ويشوف شكله هيبقى ازاى وده طبعا لانك لما بتروح مشوار بيها بتبقى رايح رحله كفاح
المهم ادخل فى الموضوع انا ليا علاقه بالميكانيكيه والسمكريه والعفشجى والكهربائي علاقه قويه وده طبعا بفضل العربيه
انا ناوى انشاء الله اشد العربيه جامد بس طبعا الموضوع هيتكلف جامد
اول حاجه انشاء الله هعملها هسقطلها ماتور تمبرا بالفتيس بتاعه وده هيتكلف حاوله 3000 جنيه
وطبعا لما الماتور يتسقط هتضطر تروح للسمكرى علشان هيركبلك بارات وشادادات ودعامات وخوص كل ده علشان الشاسيه مايفتحش منك
هتضطر طبعا تغير حاجات فى العفشه كتير علشان تعلى ثبات العربيه علشان هيا اصلا مافيهاش ثبات وطبعا لو ركبتلها ماتور قوى لازم تعلى الثبات علشان غصب عنك هتشد بالعربيه
نيجى بقى لحلم الملايين وهو تركيب التكييف فى ال 128
انا بصراحه متردد جدا انى هعمله مع ان ماتور التمبرا بيركبله تكييف بس انا هقولكم ايه اللى اتقالى بالظبط من الصنايعيه وايه اللى ممكن يحصل لو ركبلها تكييف
اول حاجه هتضطر تغير التابلوه بتابلوه فيه فتحات تكييف ومفاتيح تكييف وتلاجه يعنى مثلا هتركيبله تابلوه اوبل كورسا علشان هوا ده التابلوه اللى يركب على طول من غير تعديل وطبعا هتحتاج كهربائي علشان يعمله وصلات علشان العدادات تشتغل وبعد كده هتروح للسمكرى علشان يركبلك السربانتينه بتاعت التكييف وديه طبعا هيكون مكانها قدام الماتور علشان هوا ده المكان الوحيد الفاضى فى الحوض
نيجى بقى لمشكلتين وديه بصراحه ماينفعش حد يفيدنا فيهم غير واحد عمل الموضوع ده
اول مشكله هل الكومبريسور بتاع التكييف هيستحمل وخصوصا ان الصلا ال128 مفتحه من كل حته والتكييف هيحتاج مجهود جبار علشان يخلى الصالون بارد وبصراحه محدش فادنى فى المشكله ديه
تانى مشكله وديه بالنسبالى اكبر مشكله اخبار الحرارة بتاعت العربيه هتبقى ايه علشان اصلا العربيه بتسخن من غير سبب فمابالك ان ركب فيها تكييف ايه اللى هيحصل والموضوع ده انا سالت بتاع التكييفات فيها قالى ان المشكله ديه هتحصل علشان كذا واحد ركب تكييف ورجع بعد كده شاله بسبب موضوع الحرارة ده
انا عن نفسى بصراحه هسقط ماتور بس مش هركب تكييف غير لما اتاكد انه مش هياثر فى حاجه
وبجد ياجماعه نصيحه اى حد معاه العربيه ديه يهتم بيها اوى علشان فعلا عربيه تستحقق الاهتمام لانك هتلاقى فيها مميزات استحاله تلاقيها فى اى عربيه تانيه يعنى مثلا اسعار قطع غيارها كويسه جدا جدا واى حد بيفهم فيها
واسف على الاطاله

**ali_elnadry** · 23-06-2010 02:36 AM

[frame="5 80"]
اظن يا ابو مريم لو مقلتلكش جزاكم الله خيرا يبقى سوأ ادب واضح منى بجد موصوع جميييييييييييييييييييل جدا
انت بجد خلتنى احب عربيتى بعد مكنت .......
وبجد حاول تعمل ميزانية تانية تكون اصغر بعض الشئ
[/frame]

**teto2007** · 28-06-2010 07:09 PM

شكرا على الموضوع

**strongxx** · 25-09-2011 08:08 AM

المشاركة الأصلية كتبت بواسطة ahmed_samurai

لسلام عليكم لكل الاعضاء الموقرين فى المنتدى انا جديد فى المنتدى وبصراحه انا ماليش فى المنتديات اصلا بس بصراحه المنتدى ده عجبنى جدا وتقريبا اول منتدى اشترك فيه للسيارات
بالنسبه للموضوع اللى انت حطيته ده موضوع جميل جدا جدا وانا كنت قريته من مده وعجبنى
المهم انا معايا 128 من زمان اوى وبجد بحبها جدا وهيا اول عربيه اتعلمت عليها السواقه وجبت بعد كده بروتون جين2 وطبعا ال128 اتركنت بس بعد كده بسنه عملت حادثه بالبرتون جامده والعربيه كانت هتتكلف حوالى 30 الف جنيه تصليح وانا جبتها من اصرها وبعت العربيه على حالتها كده ورجعت تانى لل 128 عشقى الاول والخير
بس طبعا اى حد يسوق 128 بعد عربيه حديثه وخصوصا لو عربيه قويه هيحس طبعا بقرق شاسع فى كل حاجه تقريبا يعنى مثلا ابسط حاجه لو راح مشوار طويل شويه اول لما يرجع البيت يدخل بس يشوف نفسه فى المرايه ويشوف شكله هيبقى ازاى وده طبعا لانك لما بتروح مشوار بيها بتبقى رايح رحله كفاح
المهم ادخل فى الموضوع انا ليا علاقه بالميكانيكيه والسمكريه والعفشجى والكهربائي علاقه قويه وده طبعا بفضل العربيه
انا ناوى إن شاء الله اشد العربيه جامد بس طبعا الموضوع هيتكلف جامد
اول حاجه إن شاء الله هعملها هسقطلها ماتور تمبرا بالفتيس بتاعه وده هيتكلف حاوله 3000 جنيه
وطبعا لما الماتور يتسقط هتضطر تروح للسمكرى علشان هيركبلك بارات وشادادات ودعامات وخوص كل ده علشان الشاسيه مايفتحش منك
هتضطر طبعا تغير حاجات فى العفشه كتير علشان تعلى ثبات العربيه علشان هيا اصلا مافيهاش ثبات وطبعا لو ركبتلها ماتور قوى لازم تعلى الثبات علشان غصب عنك هتشد بالعربيه
نيجى بقى لحلم الملايين وهو تركيب التكييف فى ال 128
انا بصراحه متردد جدا انى هعمله مع ان ماتور التمبرا بيركبله تكييف بس انا هقولكم ايه اللى اتقالى بالظبط من الصنايعيه وايه اللى ممكن يحصل لو ركبلها تكييف
اول حاجه هتضطر تغير التابلوه بتابلوه فيه فتحات تكييف ومفاتيح تكييف وتلاجه يعنى مثلا هتركيبله تابلوه اوبل كورسا علشان هوا ده التابلوه اللى يركب على طول من غير تعديل وطبعا هتحتاج كهربائي علشان يعمله وصلات علشان العدادات تشتغل وبعد كده هتروح للسمكرى علشان يركبلك السربانتينه بتاعت التكييف وديه طبعا هيكون مكانها قدام الماتور علشان هوا ده المكان الوحيد الفاضى فى الحوض
نيجى بقى لمشكلتين وديه بصراحه ماينفعش حد يفيدنا فيهم غير واحد عمل الموضوع ده
اول مشكله هل الكومبريسور بتاع التكييف هيستحمل وخصوصا ان الصلا ال128 مفتحه من كل حته والتكييف هيحتاج مجهود جبار علشان يخلى الصالون بارد وبصراحه محدش فادنى فى المشكله ديه
تانى مشكله وديه بالنسبالى اكبر مشكله اخبار الحرارة بتاعت العربيه هتبقى ايه علشان اصلا العربيه بتسخن من غير سبب فمابالك ان ركب فيها تكييف ايه اللى هيحصل والموضوع ده انا سالت بتاع التكييفات فيها قالى ان المشكله ديه هتحصل علشان كذا واحد ركب تكييف ورجع بعد كده شاله بسبب موضوع الحرارة ده
انا عن نفسى بصراحه هسقط ماتور بس مش هركب تكييف غير لما اتاكد انه مش هياثر فى حاجه
وبجد ياجماعه نصيحه اى حد معاه العربيه ديه يهتم بيها اوى علشان فعلا عربيه تستحقق الاهتمام لانك هتلاقى فيها مميزات استحاله تلاقيها فى اى عربيه تانيه يعنى مثلا اسعار قطع غيارها كويسه جدا جدا واى حد بيفهم فيها
واسف على الاطاله

>>>>>>>>>>>>>>>>>>>>>>>>>>>>>>>>

بص يا برنس....انا ححط لك النقاط علي كذا حاجه أنت بتفكر فيها وهي كالآتي...وتسمعها مني كواحد مجرب ودايس في مليون موقف وحاله....لان ال128 عشرة عمر وأصحابي أغلبهم معاهم 128 وكل واحد جرب حاجه ومنها أتكونت عندي خبره لا بأس بها

أولا بالنسبه للموتور.....

بلاش موضوع موتور التمبرا....الموتور مؤذي بدرجه كبيره للشاسيه...وأي شيئ زاد عن حده أنقلب ضده
خليك في موتور الأونو 1300 سي سي قوي وناعم ومش يتعب لك الشاسيه مجرد البار الواصل بين البطاحتين وخلاص لزيادة متانة الحوض ده طبعا بعد ما يتروق ويتنضف لو فيه شروخ أو أي مشاكل يحلها لك السمكري
وحط معاها إسبراتير إلكتروني وطقم أسلاك بوجيهات إسبور علي بوجيهات 3 شمعه وكربراتير 2 باب حتلاقي العربيه معاك تحفه وبتطير طيران

بالنسبه للصالون عندك....

حتروح للسروجي حيفضي لك الصالون كله وتركب عازل للعربيه بالكامل من جوه منها عازل للحراره والصوت كمان وبعد ما تركب العازل تحط فرش الأرضيه جلد مش قماش علشان الميه لما تبات فيه بيكمكم وموضوع فرش الأرضيه جلد دي كانت تجربه ممتازه من واحد صاحبي وكمان من رجالة المنتدي هنا كان اخونا عاملها وطلعت معاه النتيجه ممتازه.....وتركب تابلوه الأوبل كورسا وانت مطمن

بالنسبه لموضوع المكيف.....

بعد ما تعمل كل إلي فات حيبقي موضوع تركيب التكييف تحصيل حاصل يعني مافيهوش مشكله وفيه نوع تكييف أسمه ساندن وده تكييف تركبه جديد بس معنديش فكره عن أسعاره ..رجالة المنتدي هنا معانا ياخدوك من أيدك لحد ما تركب العربيه وتشغل التكييف ومش حتلاقي حراره لا داخله ولا طالعه علشان انت خلصت موضوع عزل العربيه عن حرارة الموتور من جوه ومش حتسمع للموتور صوت أساسا