شريف باشا
آسف على التأخير لظروف شغلى
بس أنا مرة كنت بحاول أشترى عربية مستعملة و أنا ما عنديش خبرة فى حالة العربيات خالص و رحت معرض من بتوع المستعمل و قابلت واحد من الشركاء فى المعرض و تجاذبت معاه أطراف الحديث فى مواضيع العربيات المستعملة و موضوع اللعب فى العداد و قاللى إن فيه واحد و عرفنى مكانه و قاللى إن ده بيضبط العدادات المانوال و قاللى كمان إنه عمل الموضوع ده فى عربية لانوس
و عشان يتلاشى الحاجات اللى حضرتك شرحتها قاللى إنه أول ما جاب العربية عملها فرش جلد و تارة للدركسيون و عصا الفتيس و فرش للأرضية و التابلوه و لما جه يبيعها ظبط العداد و شال الفرش الجلد و أغطية الدركسيون و الفتيس و التابلوه و الأرضية و بقت الحاجات دى لسة بحالة الفابريقة
و عرف يبيعها بسعر كويس على أنها ماشية قليل
و من ساعتها قررت ما أشتريش مستعمل
وليد با شا صباح الخير
بالفعل كل العدادات الديجيتال والعادي بيتلعب فية
وللاسف الكمبيوتر بتاع العربية مفيهوش كيلومتر
يعني متقدرش تعرف هي ماشية كام من الكمبيوتر الاساسي للسيارة
لان الكمبيوتر دة للأجزاء الا لكترونية في المحرك من انجكشن وحساسات واحيانا في بعض السيارات العالية يختص بالاير باج و التكييف التاتنش لكن ملوش دعوة بالعداد
بس حالة العربية هي العداد يعني شوف طارة الدركسيون لسة خشنة زي الفبريقة ولا لأ و عصاية الفتيس و الوان الاجزاء الا ستانلس الي داخل المحرك من فرن الشكمان وخلافة لونها مغير ولا لا
فهذة الاشياء الي بنقدر نحكم بيها هل العداد صح ولا لا
فمثلا عربية عدادها 10 الاف كم وطارة الدركسيون ممسوحة ومستخدمة طيب تيجي ازاي
ارجو ان اكون قدرت اوصل المعلومة لاني بتكلم في حاجة فنية قوي فهل انت مستوعب معايا ولا اية
مستني ردك
المفضلات