إحذر من كمين السرعة (الرادار) في تلك الأماكن على هذه الطرق!!

**OsKaR** · 01-10-2007 12:36 AM

رجعت للظابط و انا في السكة كنت متضايق قوي و اتصلت بصديقي و اخبرته و لما اقتنع قالي طب ادهولي واخبره بانه رئيس وحدة مرور محرم بك و بالفعل لقيت الظابط اللي كان بيتكلم بالقانون قالي علي فكرة هو الرادار النهاردة في مشكلة طبعا كلام فارغ عشان يداري موقفه ..طيب لما هو فيه مشكلة بتطلعه ليه فلذلك كل التحايلات علي الناس دي اعتقد انها حلال 100% لانهم اساسا مافيش قانون هما ماشيين به...علي فكرة انا عمري ما اتعرضت لمضايقات من امرور قبل كده بس المرة دي حسيت بظلم كبير و ما ارتحتش غير لما اخدت رخصتي تاني

الطريقه ديه انا اللي مبتكرها

**tutankhamoun** · 06-10-2007 12:27 AM

المشاركة الأصلية كتبت بواسطة حسام كرم

مع احترامى للاستاذ احمد وجميع الاخوة الافاضل
الحكومة لن يفيدها شيى لو سقنا على 100 او حتى 500
فالحد الاقصى للسرعة موضوع لسلامة السائقين والركاب فى السيارة وباقى السيارات السائرة على الطريق
ويتم وضع الحدود القصوى للسرعات وفقا لحالة الطريق وكثافتة المرورية واليو ترن الموجودة بة
وانا من وجهة نظرى لو تم الغاء الردار وتخفيف عقوبتة الناس هتمشى تدبح فى بعض ولتزايدت حوادث الطرق بشكل مرعب
فنرجو من جميع السادة الاعضاء الالتزام بالسرعات المقررة حفاظا على ارواحهم وارواح الموجودين على الطريق
وشكرا للجميع

أتفق تماما أخي حسام على كل ما قلته
لماذا أعرف أماكن الردار ......... لماذا لا نلتزم بسرعة الطرق حفاظا على حياتنا و حياة الآخرين على الطرق
فكما قلنا أن فعلا الناس لو مفيش رادارات هايدبحوا في بعض

يبقى الأحسن نمشي و نحترم سرعة الطريق
أنا عن نفسي سرعتي لا تزيد عن 90 كم على الدائري و عن 100 كم على طرق السفر المتعددة
و كل سنة و الجميع بخير و ربنا يهدينا و يهدي سواقين مصر و خصوصا الميكروباص و التاكسي و الشباب الصغير

**wlng76** · 08-10-2007 01:06 PM

الموضوع مش موضوع سرعه ابدا
انا فعلآ نادرآ ما ازيد عن 110 أو 120 وحتى دول بيبقوا لمسافات محدوده حدآ وللظروف

الموضوع بالنسبه لى هو كراهيه شديده للفساد بكل صوّره .. واللى باعتبر الداخليه وضباطها اكبر صورالفساد فى البلد

+1

**شريف** · 09-10-2007 02:37 PM

أتفق تماما أخي حسام على كل ما قلته
لماذا أعرف أماكن الردار ......... لماذا لا نلتزم بسرعة الطرق حفاظا على حياتنا و حياة الآخرين على الطرق
فكما قلنا أن فعلا الناس لو مفيش رادارات هايدبحوا في بعض

يبقى الأحسن نمشي و نحترم سرعة الطريق
أنا عن نفسي سرعتي لا تزيد عن 90 كم على الدائري و عن 100 كم على طرق السفر المتعددة
و كل سنة و الجميع بخير و ربنا يهدينا و يهدي سواقين مصر و خصوصا الميكروباص و التاكسي و الشباب الصغير

معتقدش لو مفيش رادارات الناس هايدبحوا في بعض لان خلاص التدبيح بقى للركب

**h_hezzah** · 10-10-2007 12:02 PM

الرادار اساسا الغرض منه هو ان الناس تلتزم بالسرعة، مش انهم يلموا اكبر قدر من الفلوس؟؟! :twisted:

فى المانيا عندهم رادارات تموهية. الرادار عندهم بيكون كاميرا راكبة جوة صندوق وواضحة للكل واللى يعدى السرعة تتلقط صورته.
المهم بقى تلاقى طريق عليه مثلا 20 صندوق من دول بس الحقيقة مافيش غير واحد او اتنين هما اللى فيهم كاميرا والباقى منظر، بس النتيجه ان الناس طول ماهى شايفة الصناديق دى ملتزمة (غير انهم ملتزمين اصلا والغرامة عندهم تقطم الوسط) بس اللى اقصده ان الهدف اساسا ضبط السرعة مش تحصيل الغرامات.

انا كنت سمعت مرة ان الكمين بيطلع وهو ليه عدد معين لازم يحصله (مثلا 20) ويفضل قاعد يلم رخص اول 20 واحد معدى السرعة وهو وحظه بقى ممكن يخلص المأمورية فى نص ساعة او ساعتين. ولو العملية طولت يبدأ يوقف الناس الى على 98 وكده. والله اعلم :roll:

**ahmadtaha** · 19-04-2008 01:18 AM

السلام عليكم،
أعتقد أن السرعة وحدها ليست السبب في الحوادث، القيادة المتهورة ليست في زيادة السرعة فقط، عدم الالتزام بالحارات المرورية والانشغال بغير الطريق والوقوف في أماكن خاطئة والرجوع للخلف على الطرق السريعة لتدارك منزل قد فات والسير عكس الاتجاه من أهم أسباب الحوادث، ولا شك أن السرعة تزيد وقد تضاعف من تأثير الحوادث ولكن لا يجب التركيزعلى مخالفات السرعة وترك كل الأسباب الأخرى، إن أردنا إصلاح الوضع فيجب الالتزام بكافة قواعد المرور في نفس الوقت ومن ثم يجب تعلمها أولا حتى نلتزم بها، ثم بعد ذلك يتم تطبيق القانون على كل الناس سواسية من الوزير وحتى الغفير مع مضاعفة الجزاءات على أصحاب المناصب العليا حيث أنهم يجب أن يكونوا قدوة للآخرين، فإذا تم ذلك وجب علينا الالتزام بالسرعات المقررة بعد زيادة الوعى المروري وبالله التوفيق.

**Ghamrawy** · 19-04-2008 02:05 AM

الناس اللى واقفة تلم الرخص فى الكمين دى هما أول ناس بيخالفوا القانون و هى دى مصر و عمرها ما حاتتغير ابدا حتى لو وصلت عقوبة السرعة لمصادرة العربية

**Moe86** · 15-02-2010 02:53 AM

الناس فى ألمانيا بيلتزموا بالسرعة علشان المخالفة عالية جدا , و مافيش كوسة أى حد بيدفعها , دة غير ان عندهم طرق الAutobahn مافيهاش حد أقصى للسرعة و الناس بتجرى عليه براحتها (طبعا دة من أحسن الطرق فى العالم فى الرصف و التنظيم و كدة)

**tamer_emam** · 13-05-2010 03:00 PM

هو فى واحد انا باشوفه باستمرار على الدائرى بعد كارفوربحوالى 300 متر عند بنزينة وطنيه تحت لوحة الاعلانات الكبيره فى الطريق اللى رايح على الجيزه بس مش علطول بيبقى موجود لكن لما بيكون فى رادار بيكون فى المكان ده