الموضوع: لازم الصيانج الدورية كل 5000 كيلو؟

اخوانى الاعزاء عندى ليكو سؤال.
زى مانتو عارفين انا جبت الزن قريبا، بس انا عايز اسآل، هو انا لازم اعمل صيانة فى التوكيل كل ٥٠٠٠ كيلو زى ما بيقولو، ولا مش مهم.
انا عملت صيانة الالف كانت ببلاش، صيانة ال٥٠٠٠ كانت ب ٤٠ جنيه بس من غير تغيير الفلتر ولا الزيت و غيرتهم بره و مالائتش الفلتر بتاعها الراجل قال لى بتاع ال ١٢٨ هو نفسه و ركبهولى و حتيث الزيت الXHP 5000 القالو عليه فى التوكيل، كلف هو و الفلتر حوالى ١٠٠ جنيه.
امبارح روحت عشان صيانة ال ١٠٠٠٠ كلفينى بالزيت ٢٨٦ جنيه منهم ١٣٠ مصنعية و زيت و فلتر حوالى ١٣٠ بردو.

بروح فى مودرن موتورز الدقى، اول مرة روحت اطلتعت وقت طويل مش فاكر اد ايه
لكن تانى مرة بئا لطعونى بجد ٦ ساعات بظبط مع ان انا رايح الساعة ٨ يعنى قبل ما يفتح بساعة عشان احتل المركز التانى فى التابور. و سألونى عن الملاحظات ذكرت ٤ ملاحظات.
١- ماء التكييف يقع فى دواسة الجنب السواق، اول لما تغلق الموتور تئوم وئعه.
٢- السنتر ساعات مبيفتحش كل الابواب، ساعات بسيطه يعنى.
٣- صوت التكييف عالى.
٤- و مش فاكر الرابعة كانت ايه.

و قالولى كولو تمام و كلوا اتصلح و الحقيقة ان كل حاجة فضلة زى ما هى.

المهم السوأل دلوقتى، هو انا لازم اعمل صيانة دورية فى التوكيل كل ٥٠٠٠ كيلو، انا عملت الالف و ال٥٠٠٠ و ال١٠٠٠٠ و بيقولو فى التوكيل الصيانة كل ٥٠٠٠، انا عايز احافظ على العربية على اد مقدر بس هو الصيانة دى مهمة ولا بيلمو شوية فلوس و خلاص؟

شكرا، متهيئلى انا هسمع نصيحتكوا و اخلينى فى الصيانة احسن. شكرا ليكوا.