أوبل فيكترا 1997

**lancerevolution** · 28-03-2009 11:29 PM

المشاركة الأصلية كتبت بواسطة Ahmad Allawy

ربنا يكون في عونك يا باشا..
بس برضه وقم الشاسيه.. اللي مكتوب علي الصفيحة اللي ف الكبوت.. لو بيبدأ بالاتي: WOL تبقي الماني..
بس محتاج تأكيد من الاخوة اللي معاهم التقفيل المصري ان الرقم ده عندهم هل بيبدأ بنفس الحروف برضه؟؟ ولا مختلف؟

الى هى البصمة بتاعت العربية ححاول أشوفها بكرة و أرد عليك بس فين الصفيحة دى

**tamertamer** · 29-03-2009 01:12 AM

لو نزلة من برة مش هيبعها بالسعر دة ابدا دية تقفيل المانى هى لو من برة دية حاجة تنية خالص على العموم سهلة جدا 1600 برة بتنزل بطارة ارباج بسيطة بس على الطارة وانت تعرف لو فيها ارباج تبقا من برة ولو مغيرها روح برقم الشسية للتوكيل وهو هيعرف وربنا معاك

**Ahmad Allawy** · 29-03-2009 10:09 AM

المشاركة الأصلية كتبت بواسطة lancerevolution

الى هى البصمة بتاعت العربية ححاول أشوفها بكرة و أرد عليك بس فين الصفيحة دى

غالبا هي البصمة برضه.. بس الصفيحة دي بيبقي عليها بار كود و شوية معلومات كده.. ودي بتبقي كنب البتاعه اللي بتشدها عشان تفتح الكبوت كده في صدر العربية من فوق

**SeiffoZ** · 29-03-2009 07:07 PM

شكرا ليكوا جدا على الردود يا وحوش الأوبل ..
بس أنا تقريبا قررت أصرف نظر عن العربية دى لكذا سبب ..
سعر العربية غالى (كاش يعنى)
ثانيا مستعمل (و انا خفت من الكلام إللى إنتوا قلتوه) ..
ثالثا الموتور لو 2000 سى سى هيبقى خراب بيوت, زى ما العضو الفاضل مختار قال مع التكييف إستهلاك خرافى (مصروفى مش هيكفى بنزين بس و هشحت فلوس بنزين من بابايا )
خايف لو يطلع فيها حاجة تفسد عليا الفرحة و أضطر أعد أصلح (و بصراحة انا بخطط إن العربية تعد معايا كتير مش بحب حوار البيع ده) ...
و ألف شكر للعضو الفاضل أحمد علاوى ..
و إلى كل عضو فاضل ساهم فى الموضوع ده..
معلش يا رجالة .. كان نفسى أنضملكم

ألف شكر ليكوا يا رجالة و الله ...
و عامة لو فى جديد بإذن الله أرجعلكم

**Ahmad Allawy** · 29-03-2009 07:12 PM

ولا يهمك يا باشا..
ربنا يوفقك لما فيه الخير.. و اعتبر نفسك عضو ف العصابة يا باشا.. انت تأمر بس..

بالنسبة لموضوع المصاريف.. هي فعلا عربيات عايزة اللي يصرف عليها.. و ميبقاش محدود بالفلوس ف التعامل معاها.. عشان تبقي مريحة معاك.. و متعملش معاك حركات اي كلام..
وغير كده طالما موضوع المصاريف.. كتير عليك.. يبقي خليك في حاجة زيرو افضل او كسر زيرو طبعا.. مش هتصرف عليها غير زيت و بنزين و صيانات.. و دمتم..
لكن المستعمل محتاج وقت و دماغ و مصاريف..
بس هنعمل ايه بقي..؟؟ ادمان العربيات الجامدة يفرض علي الواحد انه يضحي بالحاجات دي في مقابل انه يبقي راكب عربية.. مزاج..

**lancerevolution** · 30-03-2009 11:23 PM

المشاركة الأصلية كتبت بواسطة Ahmad Allawy

ربنا يكون في عونك يا باشا..
بس برضه وقم الشاسيه.. اللي مكتوب علي الصفيحة اللي ف الكبوت.. لو بيبدأ بالاتي: WOL تبقي الماني..
بس محتاج تأكيد من الاخوة اللي معاهم التقفيل المصري ان الرقم ده عندهم هل بيبدأ بنفس الحروف برضه؟؟ ولا مختلف؟

العربية عندى مو 2001 الى هى تقفيل مصرى و الرقم بيبدأ ب WOL

**Ahmad Allawy** · 31-03-2009 10:35 AM

المشاركة الأصلية كتبت بواسطة lancerevolution

العربية عندى مو 2001 الى هى تقفيل مصرى و الرقم بيبدأ ب WOL

يبقي باقي الرقم .. بيبقي فيه كود للأماكن اللي بتتقفل فيها العربية غالبا..
ممكن يكون ال WOL دول بلد المنشأ
هادور تاني ف الموضوع و اقولك..

**MohamedGafar** · 31-03-2009 11:17 AM

لو عايز تعرف القارءة الحقيقية لعداد الكيلومتر. روح للتوكيل. الكمبيوتر بتاعهم بيقرأ الكيلومتر الحقيقي للعربية.

بالتوفيق

**Ahmad Allawy** · 31-03-2009 11:36 AM

المشاركة الأصلية كتبت بواسطة mohamedgafar

لو عايز تعرف القارءة الحقيقية لعداد الكيلومتر. روح للتوكيل. الكمبيوتر بتاعهم بيقرأ الكيلومتر الحقيقي للعربية.

بالتوفيق

سؤال..
معلش انت متأكد من الكلام ده..؟؟
عشان انا سألت مهندس كان شغال ف التوكيل.. و قالك الكومبيوتر مش بيسجل الكيلومتر.. لو العداد متغير مستحيل تعرف..

**MohamedGafar** · 31-03-2009 02:45 PM

المشاركة الأصلية كتبت بواسطة Ahmad Allawy

سؤال..
معلش انت متأكد من الكلام ده..؟؟
عشان انا سألت مهندس كان شغال ف التوكيل.. و قالك الكومبيوتر مش بيسجل الكيلومتر.. لو العداد متغير مستحيل تعرف..

تمام ياصديقي متأكد

الموضوع: أوبل فيكترا 1997

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ايه رأيكم فى أوبل فيكترا 1997

ايه رأيكم فى أوبل فيكترا 1997

استفسار عن صيانة أوبل فيكترا 1997 1600

استشارة عاجلة ومهمة عن أوبل فكترا 1997 ، 2000 سى سى ألمانى

للبيع أوبل كورسا 1200 مو 1997

الكلمات الدلالية لهذا الموضوع

المفضلات

المفضلات

ضوابط المشاركة