عايز اشيل علبة البيئة عشان باظط

**kemks** · 29-03-2009 08:31 AM

المشاركة الأصلية كتبت بواسطة heartman

عن تجربة شخصية ... انا غيرتها فعلا وكان فى صوت شخللة .. بس بعد ما غيرتها برضو الصوت فضل موجود .. والحقيقة بتاع الشكمانات حط مكانها علبة فيها ماسورة مخرمة زى الزميل شريف ماقال .. بس انا بعدها عرفت من اكتر من واحد ان بتوع الشكمانات من مصلحتهم يغيرو العلبة دى لأن الجير الأبيض دة غالى جداا وفى ناس بتشترية منهم بسعر غالى جداا للكيلو ... الحقيقة دة الكلام اللى اتقال لية الله اعلم صحتة من كذبة ... على العموم اهم حاجة أتأكد انها فعلا بيظة .. ولا كانت فعلا كدة ... غيرها بس العلبة اللى جواها الماسورة دى بعد شوية من السخونة اللحام بيفك وترجع تعمل صوت تانى ... اظن احسن حاجة ليها يا تركب الأصلى بس دى غالية .. يا تركب علبة تانية بس تكون فاضية ...

الكلام مظبوط حتي بره بسرقوي العلب دي عشان فيها بلاتنيوم و انتو عارفين سعر البلاتنيوم قريب جدا من سعر الدهب و عشان البلاتنيوم بيأثر علي مخرجات العادم و يحولها اللي غاز غير مؤثر علي البيئه بجانب بعض العناصر التانيه اللي جوة العلبه السحريه دي

وعشان تعرف بره مينفعش ترخص من غير متكون العلبه موجودة و سليمه و كمان بيقيسوا العادم ونسبه التلوث اللي طالعه منه بس احنا هنا ولا فارقه معانا

نصيحه مطنش هيا باظت فيها ايه لو تصلح يبقي تمام او هات واحدة استيراد

بالتوفيق

**Ghamrawy** · 29-03-2009 11:20 AM

المشاركة الأصلية كتبت بواسطة Ahmed20_08nubira

انا بردو بقول كدة
بس الموضوع دة اتجرب وناس كتير جربتو واكدو ان مبيحصلش حاجة للعربية
بالعكس..بتتحسن

انا برضه واحد زميلى فى الشغل معاه اوبل استرا موديل 2000 و علبة البيئة باظت و راح لواحد بتاع شكمانات فضاها و سحت العربية زاد و السرعة القصوى زادت من 150 ل 170 كم/س

**amr_elrashidy** · 29-03-2009 11:41 AM

المشاركة الأصلية كتبت بواسطة maka

الحل الاول والتانى هيعلى صوت الموتور وعلشان

متعلهوش هات علبة رنان من ابو اايزيد ب 70 جنية

وهى بتتركب مكان علبة البيئة

الميزة فى الغاء علبة البيئة سحب بيزيد وبالتالى هتوفر بنزين

ازاى حتوفر فى البنزين وفى نفس الوقت زيادة فى السحب؟؟؟؟؟؟
انا فضيت العلبة اللى عندى من الفحم صوت الموتور بقى فى رنة مميزة و كمان السحب زاد بس الاستهلاك على صحيح مش كتير بس زاد طبعا عن الاول

**kemks** · 29-03-2009 11:54 AM

المشاركة الأصلية كتبت بواسطة amr_elrashidy

ازاى حتوفر فى البنزين وفى نفس الوقت زيادة فى السحب؟؟؟؟؟؟
انا فضيت العلبة اللى عندى من الفحم صوت الموتور بقى فى رنة مميزة و كمان السحب زاد بس الاستهلاك على صحيح مش كتير بس زاد طبعا عن الاول

يا جماعة لما الفحم ينزل منها ميبقاش ليها لزمة و لمبه السيرفيز مفروض تنور

و كمان يا جماعه لازم نخاف علي البلد دي لما تلغي العلبه دي يبقي كده بتأذي ناس تانيه بالتلوث اللي بيطلع من العربيه من غيرها
مفروض الواحد يفكر في نفسه و في الناس برضه

بالتوفيق

**maka** · 29-03-2009 11:40 PM

المشاركة الأصلية كتبت بواسطة amr_elrashidy

ازاى حتوفر فى البنزين وفى نفس الوقت زيادة فى السحب؟؟؟؟؟؟
انا فضيت العلبة اللى عندى من الفحم صوت الموتور بقى فى رنة مميزة و كمان السحب زاد بس الاستهلاك على صحيح مش كتير بس زاد طبعا عن الاول

اكيد لما سحب العربية هيزيد حضرتك هتقلل ضخ البنزين

للموتور علشان العربية متجريش زيادة عن اللازم فاكيد

هتوفر بنزين وممكن يكون مش كتيير

**yahyaelsirafy** · 29-04-2009 05:45 PM

احب اقول حاجة يا جماعة ...
طبعا كلنا عارفين ان وظيفة الشكمان هي نقل العادم من داخل المحرك الى الخارج ... وجود العلب دي بتكون عشان تخفض صوت المحرك و تهدي من حركة العادم الخارج من المحرك عشان العربية تكون ناعمة و سلسه.... وجود علبة البيئة بيعمل على فلتره العادم و تقليل التلوث الناتج عن اي خلل في حرق البنزين .... و بالتالي الفلترة دي بتعرقل سرعة خروج العادم من المحرك فبالتالي لما نشيلها العادم بيخرج بسرعة اكبر و المحرك يكون مستعد اكثر لأستقبال بنزين جديد عشان يحرقة بالتالي اداء المحرك بيزيد ....
ده اللي اعرفه آسف على الاطالة و شكرا..

**maka** · 29-04-2009 10:02 PM

المشاركة الأصلية كتبت بواسطة yahyaelsirafy

احب اقول حاجة يا جماعة ...
طبعا كلنا عارفين ان وظيفة الشكمان هي نقل العادم من داخل المحرك الى الخارج ... وجود العلب دي بتكون عشان تخفض صوت المحرك و تهدي من حركة العادم الخارج من المحرك عشان العربية تكون ناعمة و سلسه.... وجود علبة البيئة بيعمل على فلتره العادم و تقليل التلوث الناتج عن اي خلل في حرق البنزين .... و بالتالي الفلترة دي بتعرقل سرعة خروج العادم من المحرك فبالتالي لما نشيلها العادم بيخرج بسرعة اكبر و المحرك يكون مستعد اكثر لأستقبال بنزين جديد عشان يحرقة بالتالي اداء المحرك بيزيد ....
ده اللي اعرفه آسف على الاطالة و شكرا..

كلام مظبوط