الموضوع: رأيي في نسبه قوه الجي ام للسماعات...

طب لو حطيت سماعات مدوره فالبابين اللى قدام يكونو كام وممكن دا كله يكون حمل على كهربه العربيه

بص انت عندك 4 سماعات - ورا او قدام مش مشكلة دلوقتى
عايز تحسن الصوت ركب أمبليفاير كويس 4 تشانيل للأربع سماعات

حسيت ان الصوت مش متوازن ابقى حط اتنين فى الأبواب
مقاس سماعات الباب على حسب العربية

المشاركة الأصلية كتبت بواسطة HNaga

عامة أسف انا مش محبى الكينوود
وخاصة اللى فى مصر ماتاخدش باللى مكتوب عليه
ماعلينا موضوع مش داخل دماغك ده صعب اوى أعرف السبب
نقاء الصوت يبقى بالهيد يونيت - هو المصدر وده مشكلة فى حد ذاته
انت مشغل ايه Mp3 ولا Cd?
تانى عامل الأسلاك اللى موصله الصوت من الهيد يونيت للأمبليفاير
تالت حاجة الأمبليفاير نفسه
رابع عامل أسلاك السماعات
الخامس السماعات نفسها
السادس أماكن السماعات
وفى الأخر عزل العربية

وبعدين مش عاجبك من ناحية ايه تفصيل صوت والا علو صوت و الا نقاء؟

هو الهيد يونيت انا شايفه مش قد كده..
و الاسلاك برضوا جبتها اي حاجه...لأني ماكنتش مقتنع اوي انها بتفرق...
و السماعات ممكن اقول عليها معقوله

اما بخصوص الصوت مش بيعجبني في الاغاني اللي بيبقي فيها
دوشه اوي...بالاخص METAL
بيبقي الصوت بحس انه كله طالع من حتا واحده...
ماتحسش بأي تقسيم...من غير ما اعلي الصوت
بعكس اي اغاني كلاسيك و روك
بيبقي الصوت حلو

طيب ايه اللي مش حلو في الامبليفير الكينوود؟؟؟

حاسس ان الصوت طالع من حتة واحدة ده نفس إحساسى مع السيستم بتاعى
الحل يإما تويترات حاجة محترمة او سماعات كومبوننت
انا ماجربتش اى حاجة فى الكينوود لا سماعات و لا أمبليفاير
بس ده رأى ناس أثق فيهم
جرب إسمع سعاعة كينوود وواحدة جى بى إل او الباين و انت هتحس بالفرق على طول
الكينوود جايز تكون اعلى فى البيز بس ميدرينج وتفاصيل صوت الجى بى ال تتفوق بمراحل

غير ان عمر ماشفت الكينوود فى أى سيستم محترم برة
اللى بشوفه واعرفه هنا هم الباين و بيونيير (بريميير )و انفينيتى و جى بى ال ومش كل الموديلات كمان

و الله نفسي اغير السيستم كله...
بس في دماغي سيستم علي الاقل هيبقي بي 8000جنيه
و طبعا ده استحاله اركب حاجه ذي ده...

طيب و هو ايه الفرق بين البايونير العادي و البريمير...
و هو الالباين صوته انقي من الجي بي ال؟؟

و سؤال اخير من غير ما تزعقلي
هي الاسلاك فعلا بتفرق في النقاء بفرق ملحوظ ...
ولا نقاء نسبي..

كل شركة و عندها كذا خط انتاج الرخيص و الكويس و الممتاذ
اباين عندها 4 خطوط
Type-S
Type-E
Type-R
Type-X

جى بى ال برضه عندها كدا خط
ِِCS
GT
GTO
Power
GTI

البيونيير البريميير هم الخط النظيف من بيونيير زى برضه الكيننود عندهم خط إسمه Kenwood eXcelon

غالبا الخط النظيف ده مش هتلاقيه فى مصر
الخط الرخيص هو اللى موجود
الخط الكويس ممكن تلاقيه بس غالى يعنى مثلا حاجة ب 300 دولار يقول لك ب 3000 جنيه

السلك لو مضروب هيديك فعلا صوت وحش لكن فرق الأسلاك الجيدة والفائقة الجودة مش هتحس فيه قوى الا لو السيستم بتاعك كله فائق الجودة و النقاء

برضه أرجع واقول اى خط من الأباين واى خط من الجى بى إل
JBL GTI خط جبار بيستخدموه بتوع مسابقات الصوت
وبرضه Alpine Type-X خط عربيات الديمو بتاعة الباين
الفرق بينهم صعب اوى احنا نحس فيه
فيه ناس فى موضوع المقارنة ده يقول لك السماعات دى على تردد كذا بيحصل لها كذا
كل خط وليه المنافس بتاعه
يعنى مثلا JBL GTI سماعات كومبوننت ب حوالى 1000 دولار
الألباين Type-X ب 350 دولار
بس الباين منزلة خط مخصوص من التايب إكس ب 3000 دولار