الموضوع: ماذا حدث للبنزين؟ريحته اتغيرت؟

المشاركة الأصلية كتبت بواسطة borgelharm

اخ ممدوح
الموضوع مش ظاهرة و لا حاجة المشكلة ان محطات البنزين اصبحت متهالكة و حتي الحديث منها لا يواظب علي الصيانة الدورية بحجة التعطل عن المكاسب انما لعب في مواصفات البترول الكلام مستحيل لان بتكون عليه رقابة دولية و ليست محلية فقط لان معظم بنزينا بيتم تصديره للدول الاوربية حسب مواصفات السوق الاوربي
و يا ريت عدم ثقتنا في الحكومة ما يوصلناش لاحتمالات مستحيلة الحدوث و هذا الكلام ليس دفاعا عن الحكومة و انما هو الواقع بحكم عملي و دراستي و احتكاكي المستمر بمعامل التكرير الذي لا يوجد واحد علي ارض المحروسة من اسيوط الي السويس الي الاسكندرية الاو تشرف العبد لله بدخوله و التجول فيه
فلا توجد مصلحة لاحد ان يؤلف و نحن لسنا في مجال للاجتهاد او لاحتمال اكثر من رأي الاراء المتخصصة في هذه الامور ثابتة و لا تحتمل اي اجتهادات او اكثر من رأي و بعدين يا اخي من غير المنطقي ان تصر علي تصديق عامل في محطة بنزين و تكذب آخر خبرته و دراسته كلها في علوم البيترول و لا يفقه شيء سواها
صدقني المرة دي و مش حتندم :mrgreen:
صناعة البترول في مصر ليست مصرية و انما صناعة اجنبية لذلك هي ناجحة علي مستوي العالم و اعني تماما كلمة علي مستوي العالم و الا ما كانت دول الخليج اللي هي دول النفط ترسل لنا انتاجها من الزيت الخام ليتم تكريره في مصر
منتجات البترول المصرية لها سمعة عالمية شديدة
اخي ممدوح الخلاف في الرأي لا يفسد للود قضية و لكن ثق في رأي لان عفوا ده ملعبي زي ما ماحدش يقدر يناقش خالد شبعاوي في ميكانيكا السيارات و لا محمود حفناوي في برمجة الكومبيوتر و الدكتور ايهاب بدر في الانف و الاذن و الحنجرة

محمد فهمي

انا معاك فى اللى قولتة بس لسة السؤال بيطرح نفسة... ليه ريحة البنزين اتغيرت؟

لو الموضوع رقابة فقط كانت ظهرت ريحة البنزين العادية اللى كلنا عارفنها بس الريحة د مختلفة و كمان عمال المحطات اكدوا ان الريحة اختلفت بس كل واحد اطلق لخيالة العنان فى التفسير

كمان الريحة مش فى المحطات فقط انما فى الشوارع كمان... دلوقتى ممكن تشم الريحة فى عادم اى عربية بعيدا عن اى محطة بنزين... و كمان صعب ان المحطات كلها اصبح فيها اهمال فى الصيانة فى نفس الوقت

طبعا انا مش بشكك فى كلامك لكن احنا بنتحاور بهدف الوصول الى الحقيقة... و ممكن الموضوع مش غش انا تغيير فى المكونات او الاضافات اللى بتتحط للبنزين و طبعا انت حتبقى ادرى منى فى النقطة دى... برضة السؤال الاهم ليه الموضوع متذاعش على التلفزيون او فى الجرائد مع العلم ان الموضوع عام و حيثير جدل واسع؟؟

MMamdouh