الموضوع: ماذا حدث للبنزين؟ريحته اتغيرت؟

رحت موبيل النهاردة و سألت بالمرة...قالولي:
الاضافات عبارة عن محسنات للوقود
مين عالم

على فكرة يا جما عة الريحة اللي بنشمها مش بس سبرتو احمر دي كمان دخلة على ريحة حجر التفاح :?

أخر الأخبار

قمت بالأتصال بعدة شركات بترول وتحدثت مع مهندسين متخصصين بالأقسام الفنيه بهذه الشركات وقمت بتعريف نفسي وأعلامهم بان ما سيقولوه في هذا الصدد سوف ينشر على الناس للأجابة على أستفسارتهم

أولا وفقت في الحديث مع كلا من المهندس شعبان محمود بشركة "التعاون" و وفقت في الحديث مع المهندس"أيمن الحناوي" بشركة موبيل وباقي الشركات لم أوفق اليوم معهم

ثانيا كلام كل من المهندس شعبان بشركة "التعاون" والمهندس "أيمن" بشركة "موبيل" جاء متطابق تماما وكأنهم جالسين معا في مكتب واحد

الرد جاء على لسان متخصصين وقد أفادوا بالأتي:-
اولا تم اضافة مادة أسمها "أولفينات" إلى البنزين في شركة "القاهرة" لتوزيع البترول وأفادوا أن هذه الشركة هي المسؤلة عن توزيع البنزين على جميع الشركات الموجوده في مصر أي أن التعديل يكون من هذه الشركة الأم ومن ثم يكون التغيير سار على جميع محطات البنزين

وبالاستفسار عن هذه المادة المضافة أفدوا بان هذه المادة تحسن من أداء البنزين وترفع كفائته وتقلل الأضرار بالبيئة
==========================================

وبعيد عن اللغة العربيه الفصحى والأسلوب المنمق في الحوار بدأ "بايوو" بالنكش في الأمور المستخبيه وأصبح الحوار كالأتي:-
بايوو:- معلش بس يا باش مهندس بعد أذنك يعني حضرتك عاوز تفهمني أن شركات البترول ممكن تضيف اضافات للمنتج بتاعها يكون في صالح المستهلك ببلاش؟
المهندس شعبان:- أحنا في فترة أختبار حاليا وإذا أثبتت الأضافات فاعليتها سوف تعمم وبالتالي من الممكن أن يزيد سعر البنزين ولكن ماقدرش أءكد الكلام ده
بايوو:- طب معلش بس يا باشمهندس التجربة دي أيه نتايجها لحد دلوقتي
المهندس شعبان :- التجربه لحد انهارده أثبتت نتائج إيجابيه مع المواتير الحديثه من حيث أداء الموتور ونعومته وأستجابته أما المواتير القديمه أصبحت تستهلك بنزين أكثر من المعتاد مع هذه الأضافات وهذا ما تلاحظ حتى الأن
بايوو :- طيب تفتكر يا باش مهندس أن الأضافات دي بما أنها لها علاقة بالبيئة وتقليل الأنبعاثات الضاره من المحركات تفتكر أنها ممكن تكون دعم من الصندوق الدولي لدول العالم الثالث إللي زينا كده ؟
يعني تفتكر أن الأضافات دي تكون موصى بها من هيئة دوليه أو جهة عالميه لها أشتراطات خاصة والجهة دي هيه إللي بتدعم الأضافات دي عشان الحفاظ على البيئه
المهندس شعبان:- والله مش عارف بس لو البنزين ماغليش يبقى أكيد كلامك فيه شيء من الصح

وفضل كلمنا يتشعب في أمور كثيره جدا مش هاوجع دماغكم بيها

ولكن أنا عاوز أقول بما أننا عندنا مهندس كيماويات متخصص وهو المهندس "محمد فهمي"(borgelharm) يبقى القول الفصل يكون له في متابعة هذا الموضوع وهو جدير بأن يرد على جميع أستفسارتنا بعد أن يقوم بعمل تقرير شامل عن الوضع برمته

وشكرا للجميع

جماعة دا ريحته صعبة قوى أنا مابقتش أقدر أستحمل الريحة دة خلص
دا أنا تقريبا بقيت أرجع البيت دايخ من الريحة دى

الريحة فظيعة ومنتشرة فى البلد كلها وفى المناطق الية فى زحمة كتيير الريحة دى انا بشمها من خمس سنين فى بعض محطات البنزين الية فى مرسى مطروح........ و من سوال ناس كتير هناك قالو ان دى رائحة رصاص زيادة فى البنزين
صعب تكون للحفاظ على البيئة او المحركات .. ياجماعة دى رائحتها تخنق وبالذات لو واقف فى اشارة
ربنا يستر وبرضوا الله اعلم الحقيقة اية بالظبط