اولا يا عمرو باشا الف الف شكر على موضوعك بتاع سحب الزيت الزيادة بالصور مع الشرح :verygood:
بعد لما كلمتك امبارح, و قلت لى انه بعد سحب ال 0.4 لتر لسه المؤشر فوق ال max كلمت مهندس احمد عبدالوهاب
انا كنت بعت له كتالوجات 2007, 2008 و 2009 , صورة قياس الزيت من الكتالوج بالاضافة الى رد دايهاتسو انجلترا
و ده كان رد مهندس احمد
" اولا تم تغيير حجم الكرتيرة بين موديلات 2007 و 2008 (2009 نفس 2008) و الارقام المذكورة فى الكتالوجات سليمة.
التوكيل بيحطوا 3.4 لتر لموديلات 2008 و 2009 و قالى انه كده كده فى زيت بيتبخر و لما بتقرص على الموتور, بتلاقى تعريق زيت ,,, فعلشان كده بيحطوا 0.3 لتر زيادة بحيث على الصيانة اللى بعدها يكون الزيت المتاح فى الحدود السليمة مش اقل منها.
و قالى انت تبدأ تقلق لو الموتور فيه اكتر من نص لتر زيادة ... و التأثير بيبان على فلتر الهواء"
ده كان كلام مهندس احمد عبدالوهاب
اولا الرقم اللى كنت قلت انى هذكره كان 3.8 لتر, و ده كان من شخص مسئول كبير هناك فى دايهاتسو ... و قالى ان الكلام ده فى ال repair manual اللى جاى من اليابان ... بس واضح ان الرقم ده لموديلات 2007 مش 2008 او 2009.
و الواضح من السحب اللى سحبه عمرو باشا و المقياس بتاعى انهم لازالوا شغالين على الرقم ده 3.8 او حتى 4 لتر .... لأن المقياس عندى معدى بأكتر من 2 سم فوق الmax
انا اتفقت معاه هروح الاسبوع ده و يشوفوا الزيت مقاسه و كده و هحاول استأذنه اصور الكارتيرة الخاصة ب 2007 و 2008 و نشوف الفرق.