الفَيصَل

السلام عليكم

أثبتت التجربة العملية صحة الرقم المذكور في كتالوج العربية وهو بالنسبة لـ2008 3.1 ليتر زيت بالفلتر
بالنسبة لـ2007 و2009 أنصح بإتباع ما هو مذكور في الكتالوج الخاص بكم

بإختصار شديد كل واحد يلتزم بكتالوج العربية لموديل السنة بتاع عربيته

طبعاً أنا شاكر مجهودك يا معاذ على تخاطبك مع دايهاتسو إنجلترا......بس الصراحة الأرقام الي قالوها دي لخبتط الدنيا خالص وأصبح الواحد تايه

في معلومة عايز أوضحها مهمة جداً عملت عليها بحث مكثف وهو موضوع قياس الزيت بعد تشغيل المحرك ببضع دقائق.....بمعنى أخر لما الزيت يكون ساخن......ليه بيقولك قبل قياس الزيت شغل المحرك لحد ما يوصل لدرجة حرارة التشغيل أو لما اللمبة الخضرا تطفي وبعدين تطفي المحرك وتنتظر 4-5 دقائق ثم قم بقياس الزيت ؟؟.....واحد هايقول إزاي الكلام ده؟!!!...ده المفروض الواحد يقيس الزيت والعربية مركونة على الأقل 4-5 ساعات أو الصبح عشان بيكون الزيت كله بيكون نزل في الكارتيرة والقياس يبقى مضبوط.......الكلام ده نظرياً مش مضبوط !

الزيت عند وصوله لدرجات حرارة عالية يمتد بفعل الحرارة

وده المراد من الكلام الي فوق.....إنك لا تقيس الزيت وهو بارد عشان هايديك قراءة خاطئة ولكن يجب قرائته وهو ساخن وممتد

حضربلكم مثل : زيت الباور.....العلبة الي بيبقى فيها زيت الباور عليها مؤشر مكتوب عليه Cold ومؤشر أعلى منه مكتوب عليه Hot ....ليه حاطين المؤشرات دي؟؟؟....عشان الواحد لو زود زيت باور والمحرك بارد لحد مؤشر الـHot وعند التشغيل مرة أخرى هتلاقي الزيت فار وبهدل الدنيا حواليه

نرجع تاني لموضوع زيت المحرك بتاعنا....هو قايل في الكتالوج إن لازم القياس والزيت ساخن.....بس الحاجة الي ناس كتير ماخددش بالها منها هي النجمة الي جنب API SJ وهي توضح درجة الزيت القياسي للمحرك وهي 5W-30 أو 5W-20 ( في خطأ مطبعي في كتابتها هي مكتوبة SG 50W-30 ) طبعاً الدرجة دي صعب شوية إن إحنا نستخدمها في مصر عشان دراجات الحرارة العالية وأعتقد أقل درجة متوفرة عندنا هي 5W-40 وموبيل وان الي التوكيل بيستخدمه درجته 5W-50
عشان كده الصانع بيذكر كمية الزيت الي يجب تستخدم....3L -4L -3.5L وهكذا ولم يذكر عند وصول الزيت ما بين علامة الـLow و الـMax يبقى هي دي الكمية الصحيحة

الي خالاني أوضح النقط دي كلها إن لما جيت الصبح أقيس الزيت ( وهو بارد )لاقيته هو هو فوق الـMax بـ1.5cm ولما سخنت العربية لقيت نفس المقاس تقريباً ( أعلى شوية ) وطبعاً ده مش علامة كويسة لما الزيت وهو بارد يبقى فوق علامة الـMax

بداءت خطواط تفريغ الزيت الزيادة بالأمس صباحاً وأول حاجة عاملتها قياس الزيت وهو بارد وده كان القياس بتاعه :


جبت سرنجة 60ml ووصلتها بتيوب شفاف ووصلت التيوب ده بماسورة نحاس رفيعة عشان تخش مكان مؤشر الزيت :


عملية السحب مرهقة جداً وضغط الزيت عالي جداً :




بعد ما سحبت حوالي 0.4 لتر أخذت القياس ولقيته فوق الـMax برضه ......كملت الشفط لحد ما سحبت حوالي 0.9 لتر:

ياعيني عليكي يا سيريونتي...ليتر زيت بحاله جواكي ومش عارفة تشتكي

أخذت القياس أخيراً (والزيت بارد ) وكان الهدف الأول :


قولت أسخن وأشوف القياس وكان الهدف الثاني :


الموضوع أخذ مني حوالي ساعتين شفط وكان مرهق جداً

خلاصة التجربة العملية إن كل واحد يلتزم بكمية الزيت الي كتالوج عربيته محدده سواء 2007-2008-2009