الموضوع: بتستخدم زيت محرك نوعه ايه لعربيتك اللانوس ؟؟؟؟

عملنا قبل كده استطلاع للبنزين 80 90 92 95

وعرفنا الدنيا ماشيه ازاي والناس بتفكر ازاي وبتحط بنزين ايه...

قلت نعمل استطلاع لانواع الزيوت المستخدمه في اللانوس
برده علشان نبقي فاهمين الناس بتفكر ازاي...
واحنا زي الباقيين ولا خالف تعرف.

وبالأخص علشان نكون علي بينه من فتاوي الميكانيكيه...
ده يقوللك زيت تقيل... والتاي يقول استرخص. والتالت بيتعامل مع الزيرو وكأنه بيتعامل مع شفرة...

طبعآ دون الخوض في مواصفات الزيوت ومناقشاتها.

عربيتك موديلها كام ؟
عربيتك عامله كام الف كيلو ؟
بتستخدم زيت نوعه ايه ؟
وبكام ؟
وبتغيره كل أد أيه ؟؟؟؟

وياريت لو نسيت نوع زيت. يتفضل المشرف باضافته في الاستفتاء.
والاسعار تقريبه من مشاركات الاعضاء.

زيوت معدنية :
1- شيل سوبر :بـ 75 جنية تقريبآ
2- موبيل XHP :بـ 85 جنيه تقريبآ
3- امارات مصر معدني :بـ 65 جنية تقريبآ
4- كالتكس هافولين :بـ 68 جنية تقريبآ
5- توتال كوارتز 3000 :بـ 60 جنية تقريبآ
6- توتال كوارتز 5000 :بـ 75 جنية تقريبآ

زيوت تخليقية :
7- امارات مصر : بـ210 جنيه تقريبآ
8- موبيل 1 : بـ215 جنية تقريبآ
9- كالتكس : بـ175 جنية تقريبآ
10- توتال كوارتز 9000 : بـ215 جنية تقريبآ
11- شيل هيلكس الترا : بـ215 جنيه تقريبآ
12- شيل هيلكس بلس : بـ 135 جنيه يقال انه نصف تخليقي.


ملحوظة:
التخليقي بيكون مكتوب علييه fully synthetic و المعدني mineral , و طبعاً فرق السعر .