تكلفة تظبيط 128من الاكسدام للكسدام

**moody1q** · 27-03-2009 07:46 PM

عايز اعرف من المنتدى الرهيب ده واعضاءه اللى فعلا مميزين انا معايا 128 مو79مفيهاش اى حاجه وعايز اظبطها تظبيط جامد وياريت تقولوى الاسعار للكل حاجه ممكن تتعدل والماتور منين وبكام ومعلش هاتعبكم معايا

**Terrible_DaRsH** · 27-03-2009 07:59 PM

علشان نبقي واضحين ..

مادام دخلت قسم التعديل ..

يبقي تركيزك على تعديل الاداء وليس الاكسسوارات و المظهر الخارجى والداخلى ..

عموما من اشهر طرق تظبيط ال 128 هو تسقيط موتور تانى ..

زى الفيات ريجاتا والاونو و انواع تانية ...

وطبعا بالفيتيس بتاعه و فلتر هواء رياضي و تظبط الاكزوست سيستم بعد كده وحاجات تانية كتير ..

بس اهم حاجة انت معاك كام وعايز ايه ؟؟

**moody1q** · 27-03-2009 11:12 PM

شكرا على ردك وعلى اهتمامك بالموضوع
اما انا معايا 8 الاف وعايز عربيه مظبطه يعنى موتور ريجاتا 1600 وكمان عفشه جديده واغير الكراسى واغير البويه وجنوط وبادى كيت يعنى تظبيط كامل

**FIATBloodline** · 28-03-2009 07:02 AM

بص ياباشا طالما بتفكر في حوار موتور الريجاتا خلي بالك عشان الموضوع ده كان مع صاحبي حطيناموتور نوفا ريجاتا بس بعد شهور و الشاسيه ابتدت ماشكله تبقي بالعبيط

**ezzatfox** · 28-03-2009 09:26 AM

اولا بلاش تبدأ تظبيط العربية الا اذا كنت ناوى تقعدها معاك من سنتين الى 3 سنوات اقل من كدة هتبقى خسرت كتير اوى.
ثانيا : بالنسبة للموتور نصيحة بلاش الطموح الجامح دة .. هتندم .. متجيبش غير ماتور ال 128 1300 بالفتيس بتاعة .
ثالثا: مبدئيا تظبيط العربية يعتمد على حالتها ، و طبعا احنا مش عارفين عنها حاجة ، لكن على كل الاحوال المبلغ اللى معاك هيكفى و هيشدها شده تمام .
بس اهم حاجة خليك حريص جدا جدا فى اختيار الصنايعية اللى هيشتغلوا فيها الميكانيكى و السمكرى و الكهربائى و السروجى و بتاع الدوكو .. لازم يكونوا كفاءة

**ahmed2000** · 28-03-2009 10:03 AM

1111111111111111111+

**lancerevolution** · 28-03-2009 10:13 AM

فى موضوع الموتور دا متتهورش عشان ما تتعورش لأن الحكاية ممكن تفتح معاك جامد جدا عشان تظبط وضع الموتور كان فى عضو كاتب هنا إنها كلفت معا واحد صاحبه 25 ألف حجيبلك الرد بتاعه و أجيلك تانى

**lancerevolution** · 28-03-2009 10:17 AM

أنا جيبتلك الرد دا من موضوع تانى بعد إذن صاحب الرد يعنى

المشاركة الأصلية كتبت بواسطة el3awaam

عموما موضوع التعديل دة عاوز ميزانيات خااصة...
يعنى واحد غنى مش فارقة معاه الفلوس.يظبط العربية و يصرف مصاريف بالهبل..و فى الاخر ممكن بيعها برخص التراب ومتفرقش معاه حاجة...
و بعدين اللى انا عملته فى العربية دة مش يعتبر تعديل انا بعتبره انى ذوقت العربية...
انا كنت واقف مع واحد صاحبى بيعدل 128 بينزل عليها مكنة الفا روميو 2000cc غير معالم الحوض .شال الشاسية بتاع الحوض و عمل شاسيه جديد للمكنة الجديدة و المكنة اكبر من القديمة مرتين.و وسع الحوض حوالى 15 او 20 سم من الامام و تقويات و تدعيمات كلفتة تقريبا 4500 جنيه مصنعية و خامات غير ثمن الموتور حوالى 4000 جنيه تقريبا غير الدهان و طلبات الموتور يعنى مسمار .خرطوم .ريداتير كبيير غير الضفيرة بتاعت المكنة تخشلها فى 1000ج مثلا غير طلبات الكهربائى بالمصنعية.
يعنى هصرف فى حدود ال10 الاف جنية مستريح..على تعديل الموتووور بسسس...!!!! مش حرام كدة..
و فى الاخر 128 لو جيه يبيعها مش هتجيب تمن اللى صرفه .
و الاغرب من كده انها اصلا كانت لسه طالعة من الشدة مبقالهاش 4 شهور و كان معدلها برضة و منزل عليها مكنة لانشيا 1600 انجكشن و صارفله فوق ال18 الف عليها بس هو برضة مش مقتنع و نزل الموتور الاكبر و باع التانى ب1000 جنيه بحالته مع انة جايبه ب3500 ج تقريبا...
دة نموذج لواحد مش فارقة معاه فلوس يعنى صرف 28 الف تقريبا على تعديل 128 ...
و مين عارف يمكن يهد اللى عمله ده تانى بع 4 شهور كمان عشان ينزل عليها موتور طيارة .....!!!!!!!!!!!

**Terrible_DaRsH** · 28-03-2009 10:54 AM

بس 2000 Cc على 128 ده يبقي اسمه تهووور او ليها اسم تانى يعنى ..

لو عايز تسقط موتور يبقي حاجة خفيفة شوية على الشاسيه ويكون قوى فى نفس الوقت .

يعنى ممكن تسقط اونو 1300 Cc ده هيبقي تماااام ومش هيحتاج شغل زى ال 1600 و ال 2000 ..

و كمان لو عملتها عند حد فاهم شغله و مجرب قبل كده مش هيدفعك كتير لانه عارف هيعمل ايه ..

وبعدين لما يسقط موتور هيحتااج حاجات تانية كتير زى زى المساعدين والعفشة و طبعا فرامل و و و و و ..

الموضوع محتاج دماغ فاضية شوية و فلوس برده ..

**PoweRPassioN** · 29-03-2009 09:25 AM

المشاركة الأصلية كتبت بواسطة moody1q

عايز اعرف من المنتدى الرهيب ده واعضاءه اللى فعلا مميزين انا معايا 128 مو79مفيهاش اى حاجه وعايز اظبطها تظبيط جامد وياريت تقولوى الاسعار للكل حاجه ممكن تتعدل والماتور منين وبكام ومعلش هاتعبكم معايا

نصيحه يا أخي
عدّل ف الشكل زي ما انت عايز"غيّر الكصدامات قدام وورا ونفخ الرفارف وجنّط العربيه"
وركب فلتر هواء و تربو لو تقدر على موتور نفس العربيه..
كدا متهيألي تمام أوي لحد ما تغيّر العربيه بحاجه أحسن

الموضوع: تكلفة تظبيط 128من الاكسدام للكسدام

LinkBack

أدوات الموضوع

عرض

-

-

-

-

-

المواضيع المتشابهه

سعر الاكسدام الخلفي ل e46

الاكسدام الامامى اتكسر

الاكسدام حته منه اتقشرت

الاكسدام ممكن يترد و لكن هل التوكيل هايرغمنى على واحد جديد

الاكسدام

الكلمات الدلالية لهذا الموضوع

المفضلات

المفضلات

ضوابط المشاركة