الموضوع: ّ### فى حد هنا من ملاك التيجو ؟؟ ###

اللينك به بعض المعلومات و لكن العربيه لسه جديده و مشاكلها مش واضحه



http://www.nilemotors.net/Nile/showthread.php?t=39481

شكرا يا باشا انا فعلا شوفت الموضوع ده .. بس مش عارف ليه اصحاب التيجو بيختفوا من الموقع كده .. عشان كان نفسى يقولوا هما وصلوا كام كيلو و تقييمهم ليها

أنا باحاول زي حضرتك و لقيت التالي

الايجابيات:

- السعرممتاز
-الكماليات: فتحه السقف-الكاسيت-الخ
-الشكل العام و المظهر

السلبيات:

-عزل الصوت سيء
-التقفيل وخصوصا الابواب وفرش الارضيات
-الخامات المستخدمه داخليا رخيصه

أما الباقي بالنسبه للاعطال و التعليق وخلافه فالسياره عاديه

اللينك المرفق ممكن يوضح أكتر

http://www.sgcarmart.com/new_cars/ne...?CarCode=10389

تحياتي

-عزل الصوت سيء

انا فاكر ان فى حد قال ان عزل الصوت بتاعها ممتاز .. معرفش بقى ايه الحقيقة


عارف انا وصلت لفكرة جامده هى انى أفضل مستنى لغاية ما صحابها يشتكوا منها أو لو لقيت محل لأيجار السيارات عنده العربية ممكن تأجيرها ليوم وأعرف كل حاجة بنفسى بقى أو لو فى عضو من اسكندرية مثلا نقابله فى كارفور ويسمحلنا نجربها هناك .


بلاش نعتمد على تيجو اللى متقفلة فى الصين عشان أكيد حتكون أحسن من هنا .. خلينا نعتمد على كلام المصريين

وبصراحة انا بفكر أبيع الانسر وأجيبها .. فا فكرة انك تنزل من يابانى لصينى ويطلع مقلب حتبقى صعبة أوى عليا .

أنا عارف ان أبو الفتوح بيعمل test drive (اللي أمام نادي سبورتنج)
ممكن تروح و تجرب

أنا عارف ان أبو الفتوح بيعمل test drive (اللي أمام نادي سبورتنج)
ممكن تروح و تجرب

انا ساكن قريب منه .. انا عند كوبرى الأبراهيمية .. بس انتا واثق من الموضوع ده ؟؟؟

لو الموضوع ده أكيد ممكن نروح نشوفها مع بعض

مافيش أي مانع..

أنا المعلومه عرفتها من معرض أبو الفتوح في المندرة لما كنت بأتفرج علي العربيه

ممكن نتصل و نعرف المواعيد.. هأبقي أبلغك

تعديل

أنا أتصلت بمعرض سبورتنج و أفاد بعدم وجود اختبار قيادة للاسف