اسعار فولكس بيتلز يوم الجمعة 27/3 معقوله ام لا

**ihab** · 31-03-2009 01:32 PM

المشاركة الأصلية كتبت بواسطة asdsdfgdfgdfhfgjjhgh

ربنا يوفئك في شراء سيارةكويسة بس نصيحة وانت حر يعني حاول تشوف عربية نوع تاني حتي لو 128 سدئني هتكون احسن وخصوصا ان الصيف داخل والعربية دية موتورها خلفي يفضل انك تركب عربية يكون موتورها ادام احسن الراي الاول والاخير ليك

هو ايه علاقة الموتور خلفى بان الصيف داخل

**ihab** · 31-03-2009 01:38 PM

المشاركة الأصلية كتبت بواسطة M_O_B_I

السلام عليكم ورحمة الله وبركاته
انا كنت فى السوق امبارح27/3 وكنت بدور على فولكس بيتلز يا ريت لو حد عندة خبرة فى الفولكس البيتلز يقول هل الاسعار دى معقوله ولا كدة كتير مع العلم انى كنت بقدر حالة السيارة من بره بس وكنت باسال صاحبها عن الحالة العامه للدواخل والموتور

موديل 59 / 1300 / 1300سى سى 7000 ج رديئة
69 /1300 / 1600 سى سى 8000 ج رديئة
66 /1300 12000 ج معقولة
71 /1300 /1600 19000 ج جيدة
70 /1300/1300 12000 ج متوسطة رشة جوة وبرة نظافة
77 /1300/1300 15000ج متوسطة
84/1300/1300 17000 ج جيدة
73/1303 /1300 22000ج جيدة
73/1303/1600 20000 ج جيدة

ويا ريت ياجماعة لو فى حد قدامة عربية حالتها كويسة وفى حدود 11000 ج يقولى وجزاكم الله خيرا

عربية بيتلز ب 11000 و تكون حالتها كويسة صعبة طبعا
و اهم حاجة الدواخل و الشاسيه و الرقبة و الموتور، و سيبك من حالة الشكل الخارجى

**Ahmed Mubarak** · 31-03-2009 05:41 PM

شكرا لكم جميعا على النصائح
الحمد للة ان لقيت عربية موديل 70 /1300/1300 سي سي حالتها جيدة وصاحبها مش طالب كتير ادعوا لى بالتوفيق ان شاء الله
وعلى فكرة ياجماعه العربية دى (الفولكس- البيتلز ) افضل من 127 و128 ودا بشهادة ناس كتيره صحيح ان العربية دى فيها عيب انها 2 باب لكن اقوى واشد من 127و 128 بالنسبه لى خاصة ان امكنياتى متسمحش ان اجيب 128 حالتها كويسه لان 11 الف هيجيبوا عربيه 128 تعبانه اوى خاصة انه فى اكتر من واحد معايا (زميل)معه 128 ومطلعه عينه مع انهم حطين اديهم فيها باستمرار وكل واحد عايز يخلص من عربيته
معظم الناس اللى معاهم 28 او 27 نصحونى ابعد عنها
ادعو لى بالتوفيق والف شكر على النصائح.

**ahmed_esmail** · 31-03-2009 11:30 PM

انصحك بانك تفكر فى 127 حتلاقى بالسعر دا او ازيد او اقل شويه بس صدقنى حتلاقى
وباالنسبه لل 128 ممكن تكون 74 او حاجة بس حالتها كويسه الى حد ما بالتمن دا او اكتر قليلا

**abobadr2006** · 01-04-2009 05:53 AM

www.tvquran.com

اركب السياره الي بتحبها نصيحه مني

**ihab** · 01-04-2009 04:29 PM

المشاركة الأصلية كتبت بواسطة oka

انصحك بانك تفكر فى 127 حتلاقى بالسعر دا او ازيد او اقل شويه بس صدقنى حتلاقى
وباالنسبه لل 128 ممكن تكون 74 او حاجة بس حالتها كويسه الى حد ما بالتمن دا او اكتر قليلا

يعنى هو 128 موديل 74 تفتكر حاتبقى احسن من بيتلز موديل 70
العربية ال 128 دى لازم حتلاقيها راشة بره و جوة و الشاسية فيه شروخ الدنيا و برضه فى الاول او الاخر هى اذواق طبعا و مزاجات

**hic** · 04-04-2009 03:04 AM

انا مع الاخوه اللى بيقولوا بلاش البيتلز علشان عربيات قديمه جدا و ملعوب فيها كتير و للاسف مش اى ميكانيكى بيشتغل فيها الا لو كانت حاجه شاذه يبقى من حظك لان العربيه دى لو حالتها كويسه بتبقى جميله جدا انا رايى ممكن تشوف 127 بالمبلغ ده ح تكون كويسه و ربنا يوفقك ان شاء الله

**AhmedTareq** · 06-04-2009 02:25 AM

انا كان عندي واحدة بيتلز 1979 وكنت مركبلها ماتور استيراد من بورسعيد ولكنب بعتها وبندم اني بعتها لانها سيارة جامدة جدا ولا بتسخن وقطع غيارها كثيرة وكمان الميكانيكية المتخصصين فيها كتير وبالتوفيق ان شاء الله