خلي بالك الموضوع معمول قبل الثورة بسنتين
يعني اللي بيبقى رايح التحرير بيبقى رايح يخلص ورق م المجمع
عرض للطباعة
تمام
بس انا باكلمك فيما يخص دلوقتي
احنا كلنا مرينا بتجربة حطتنا كلنا قدام بعض و قدام نفسنا
بالنسبة لي انا مفهوم صالح دلوقت مختلف عن زمان , تخيل بقى ان مفهومي لصالح زمان كان انك بتزود على اللي قلته ده ان الواحد يحاول يصلح في اللي حواليه و كمان يواجه الظلم في كل صوره بما فيها النظام و لو بقلبه على الاقل ؟
المفهوم ده دلوقت بقى عندي انا اكثر تعقيدا كتير طبعا
و لو حتى مش بقلبه , في رأيي يبقى عنده خلل اما في العقل او في الضمير
ليه ؟
ايه سبب انه مش مقتنع ؟
- هل هو راضي عن الظلم ؟
- هل هو شايف ان اللي بيحصل ده مش ظلم ؟
- هل له مصلحة ما ؟ (خايف على نفسه و امنه , على فلوسه .... )
- شايف انها مش هاتفيد و خلينا زي ما كنا و خلاص
فيه اسباب تاني , و كل سبب منهم ليا رد عليه من واقع الكتاب و السنة , و ربما من قصص الانبياء كمان
فى ظل سياسة التخوين الموجوده الان بيننا فكلنا فاسدون
- الجيش وانصارة خائنون
- الشرطة وانصارها خائنون
- الاخوان وانصارهم خائنون
- الاعلام خائن
- القضاء خائن
- الخارجية خائنة
- البرادعى وانصارة خائنون
الخ
قلولى مين فاضل فى البلد ، طالما كل دول خونه يبقى احنا اللى نستاهل اللى بيجرى فينا .
:b4_095:
الناس عاوزة أمل ياحج أحمد
ماتفتكرش إن امين الشرطة الي مد إيده لــــ 20 ج من سواق
او الموظف الي بياخد رشوة
او الحرامي الي بيسرق...أو ....او
ماتفتكرش ان كل واحد فيهم مبسوط جدااا انه بياخد فلوس..وهو عارف انه قليل في عيون الناس
الناس مستنية تغيير.. لكن المشكلة ان الكل مستني التغيير ييجي يدق لحد باب بيته
وعلى كده
محدش هيتغير
وطالما محدش هيتغير... يبقا الي هيبقا رئيس عليهم ... هيكون زي الي قبله
إلا
لو الناس إتغيرت فعلا .. ساعتها الرئيس هيكون له نفس طباعهم
محدش يقول ان المصريين غلابة .. للأسف المصريين ( تأفلمو) مع الوضع السابق
زي أي كائن لما يروح بيئة جديدة عليه بتحصله عمليه إسمها accomodation أو adaptaion
يعني التكيف مع الوضع
والمصريين اتكيفو مع وضع السرقة .. وبقو هما كمان يسرقو
لكن لو تكيفو مع الوضع الجديد .. إن كفايا كده بقا .. ونفوق لنفسنا .. ساعتها الرئيس الجديد هييجي بالوضع الجديد
وللأسف
مصريين كتير مش قادرين يخرجو من حالة التكيف والتأقلم مع الوضع السابق .. ودول إلي إنتخبو أمثال شفيق . وإلي كانو هينتخبو سليمان
.
بالظبط زي دب قطبي ... عايش يطبيعته في التلج..لونه أبيض والفراء بتاعه تقيل
أخدت خطيته في صحرا
هيتأقلم مع الوضع الجديد.. الفراء بتاعه هيخف .. ولونه هيبقا غامق
ولما تاخده ترجعه بيئته الاصلية تاني.. المفروض يرجع لطبيعته
المصريين بقت لأ
عجبهم وضع السرقة ... وعاوزين يكملو عليه
المصريين كاشعب طيب وفيه الخير بجد ..
يمكن نكون مش شايفين ده في السنة ونص اللي فاتوا وشايفين بس خناقات والناس كلها متفرقة
بس الحقيقة ان الموضوع بقاله سنين كتير
قل فيهم قيم واخلاق ومبادئ ودين ....
بس ده لان الناس استغلت واستهلكت نفسيا وجسديا وفكريا
30 سنة ويمكن اكتر ..
يمكن الفترة اللي فاتت الناس حصل عليها كمااان ضغط اكبر
فابقينا شايفين ان الناس وحشة اوي
لا هو بس نتيجة للضغط الناس كلها بقى شكلها كده
مفيش احساس بالامان ولا بالامل في اي حاجة ودول سببين كافين جدا
ان اي انسان يوصل للحالة ديه .. الوضع كان بيزيد مع الوقت بس الضغط الزيادة وضح الوضع اكتر
زي اي واحد لما يتعصب جامد ويزعق رغم ان طبيعته هادي ..
احنا محتاجين البلد يبقى الصح فيها صح
والغلط غلط مش المفاهيم المقلوبة اللي بقت قوانين مش مكتوبة
والناس لما تحس بامان وامل ..
وقتها هايبقى فيه طاقة عند كل واحد انه يبتدي بنفسه حتى
ويتغير .. وشكل الحياة وقتها كله هايتغير
بسم الله الرحمن الرحيم
أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللّهِ أَلا إِنَّ نَصْرَ اللّهِ قَرِيبٌ
صدق الله العظيم
الحجاج بن يوسف الثقفى ﻓﻰ ﻭﺻﻴﺘﻪ ﻟﻄﺎﺭﻕ ﺑﻦ ﻋﻤﺮﻭ ﺣﻴﻦ ﺻﻨﻒ ﺍﻟﻌﺮﺏ قاﻝ ﻋﻦ ﺍﻟﻤﺼﺮﻳﻴﻦ ..........
ﻟﻮ ﻭﻻﻙ أﻣﻴﺮ ﺍﻟﻤﺆﻣﻨﻴﻦ أﻣﺮ ﻣﺼﺮ ﻓﻌﻠﻴﻚ ﺑﺎﻟﻌﺪﻝ ﻓﻬﻢ ﻗﺘلة ﺍﻟﻈﻠﻤﺔ، ﻭﻣﺎ أﺗﻰ ﻋﻠﻴﻬﻢ ﻗﺎﺩﻡ ﺑﺨﻴﺮ ﺇﻻ ﺍﻟﺘﻘﻤﻮﻩ، ﻛﻤﺎ ﺗﻠﺘﻘﻢ ﺍلأﻡ ﺭﺿﻴﻌﻬﺎ، ﻭﻣﺎ أﺗﻰ ﻋﻠﻴﻬﻢ ﻗﺎﺩﻡ ﺑﺸﺮ ﺇﻻ ﺃﻛﻠﻮه، ﻛﻤﺎ ﺗﺄﻛﻞ ﺍﻟﻨﺎﺭ أﺟﻒ ﺍﻟﺤﻄﺐ، ﻭﻫﻢ أﻫﻞ ﻗﻮﺓ ﻭﺻﺒﺮ ﻭﺟﻠﺪﺓ ﻭﺣﻤﻞ وﻻ ﻳﻐﺮﻧﻚ ﺻﺒﺮﻫﻢ ﻭﻻ ﺗﺴﺘﻀﻌﻒ ﻗﻮﺗﻬﻢ ﻓﻬﻢ ﺇﻥ ﻗﺎﻣﻮﺍ ﻟﻨﺼﺮﺓ ﺭﺟﻞ ﻣﺎ ﺗﺮﻛﻮﻩ ﺇﻻ ﻭﺍﻟﺘﺎﺝ ﻋﻠﻰ ﺭﺃﺳﻪ ﻭﺇﻥ ﻗﺎﻣﻮﺍ ﻋﻠﻰ ﺭﺟﻞ ﻣﺎ ﺗﺮﻛﻮﻩ ﺇﻻ ﻭﻗﺪ ﻗﻄﻌﻮﺍ ﺭﺃﺳﻪ ﻓاﺗق ﻏﻀﺒﻬﻢ ﻭﻻ ﺗﺸﻌﻞ ﻧﺎﺭﺍً ﻻ ﻳﻄﻔﺌﻬﺎ ﺇﻻ ﺧﺎﻟﻘﻬﻢ ﻓاﻧﺘﺼﺮ ﺑﻬﻢ ﻓﻬﻢ ﺧﻴﺮ أﺟﻨﺎﺩ الأﺭﺽ
سحقا لشفيق ولمرســــى وتحيا مصر بيضة الدين وحامية الأنبياء
الآن بعد كل السنوات دي
ما رأيكم ونحن ٢٠١٨
ياااه الدنيا اتغيرت كتير للأسوأ
ربنا يرأف بينا ويعاملنا برحمته وليس بعدله.
ايه رأي حضرتك في ايللي احنا فيه؟