الي خبراء الاوبل فيكترا الجديدة

**kaboriya** · 31-03-2009 01:02 PM

شكراُ ليكم كلكم وان شاء الله احجز قريب جداُ

**mimohs** · 31-03-2009 05:33 PM

السلام عليكم ورحمة الله وبركاته
انا اخيكم محمد عبدالفتاح من اسوان
الاخوه الاوبلاويه احب اعرفكم ان انا واحد منكم
وقصتى بدأت مع السيارات من اكثر من 12سنه جربت فيه الكورى واليابانى ود غير انى كنت راكب بيجووانا فى هولنده
والسنه الي فاتت كنت حاجز الوهم الكبير المسمى كومودو ولكن ساعة استلامى السياره رفضت استلمها ودخلت فى مشاكل مع توكيلها لغاية ما استرديت فلوسى كامله
والحمد لله فى شهر عشره الى فات اشتريت وبل فيكتر مع الايزى ترونك
ولله يا اخوانى الاعزاء انا ندمت على كل يوم لم اركب فيه اوبل فعلا عربيه ثبات جميل على الطريق وتسارعها فى منتهى الجمال
بس لازم تعرف انك بتسوق عربيه تقيله ولازم تدى العربيه فرصتها ووقتها فى التسارع يعنى لازم تحس بالموتور مع ضغطك على البنزين لانك مهما ضغط<دوست على البدال>العربيه مش حتطاوعك ودا حيجى فى الاخر على حساب الفتيس,يعنى انت لو سايق ميتسوبيشى او فيرنا ومتوقف فى اشارة مرور ممكن تدوس بنزين علشان تصل الى سرعة 100ك.م فى حوالى 10 ثونى
دا مايحصلش مع الاوبل لازم الموتور ياخد عدد لفاته المحسوبه بدقه وانا فى وجهة نظرى د احسن لانه يطيل عمر الموتور والفتيس
تمنى ن اكون اضفت معلومات صحيحه
مع اجمل تحياتى الى كل الاخوه الاعزاء

**Ahmad Allawy** · 31-03-2009 05:37 PM

المشاركة الأصلية كتبت بواسطة mimohs

السلام عليكم ورحمة الله وبركاته
انا اخيكم محمد عبدالفتاح من اسوان
الاخوه الاوبلاويه احب اعرفكم ان انا واحد منكم
وقصتى بدأت مع السيارات من اكثر من 12سنه جربت فيه الكورى واليابانى ود غير انى كنت راكب بيجووانا فى هولنده
والسنه الي فاتت كنت حاجز الوهم الكبير المسمى كومودو ولكن ساعة استلامى السياره رفضت استلمها ودخلت فى مشاكل مع توكيلها لغاية ما استرديت فلوسى كامله
والحمد لله فى شهر عشره الى فات اشتريت وبل فيكتر مع الايزى ترونك
ولله يا اخوانى الاعزاء انا ندمت على كل يوم لم اركب فيه اوبل فعلا عربيه ثبات جميل على الطريق وتسارعها فى منتهى الجمال
بس لازم تعرف انك بتسوق عربيه تقيله ولازم تدى العربيه فرصتها ووقتها فى التسارع يعنى لازم تحس بالموتور مع ضغطك على البنزين لانك مهما ضغط<دوست على البدال>العربيه مش حتطاوعك ودا حيجى فى الاخر على حساب الفتيس,يعنى انت لو سايق ميتسوبيشى او فيرنا ومتوقف فى اشارة مرور ممكن تدوس بنزين علشان تصل الى سرعة 100ك.م فى حوالى 10 ثونى
دا مايحصلش مع الاوبل لازم الموتور ياخد عدد لفاته المحسوبه بدقه وانا فى وجهة نظرى د احسن لانه يطيل عمر الموتور والفتيس
تمنى ن اكون اضفت معلومات صحيحه
مع اجمل تحياتى الى كل الاخوه الاعزاء

يا اهلا و سهلا بيك محمد بك..
منورنا و مشرفنا والله..
و ربنا يكرمك علي كلامك.. و نصيحتك الخالصة..
و ربنا يباركلك في عربيتك.. و يحفظهالك ان شاء الله..

**the_big_man** · 31-03-2009 08:30 PM

نظام الفرامل المانع للأنغلاق
ناقل حركة أيزى ترونيك
جنوط اسبور 16 بوصة
عجلة قيادة رياضية ، ثلاثية الأذرع
عجلة قيادة متعددة الوظائف
4 وسائد هوائية للسائق و الراكب الأمامى وعلى الأجناب
مصابيح ضباب أمامية وخلفية
مرايا خارجية قابلة للطى والضبط كهربائيا
المرآة الداخلية حساسة للضوء
صندوق معزول لحفظ المبردات
شاشة بيانات جرافيك
مساحات حساسة للرطوبة / بها حساس للمطر
زجاج كهرباء
مسند للذراع أمامى وخلفى
ضبط مقعد السائق والراكب الأمامى فى 8 أتجاهات مختلفة
حامل أكواب أمامى وخلفى
مخارج لهواء التكييف فى الخلف
درج تخزين لحفظ المبردات
شاشة بيانات جرافيك
كمبيوتر فى لوحة القيادة
مثبت سرعة
7 سماعات
مقاعد جلد
راديو + مشغل اسطوانات مدمجة + MP3 مدخل صوت خارجى
مقاعد أمامية كهربائية
ذاكرة لحفظ وضع المقعد حسب قائد السيارة
ضبط حرارة التكييف لكل جانب على حدى
ضبط التكييف رقميا

السلام عليكم :
يا ترى هي دي مواصفات العربية اللي ب 165000 (High line) ولا منصور شايل منها كماليات

**KHALED AYMAN** · 31-03-2009 08:33 PM

دى يا باشا كماليات الفئه الى قبل الاخيره ...
بس هى سعرها 165 ولا 170 ؟؟

**the_big_man** · 31-03-2009 08:36 PM

والله يا سيدي الأخ اللي في التوكيل قالي هي دي الهاي لاين ،، و ب 165000 والتوب لاين ب 180000 بفتحة سقف وزينون

**KHALED AYMAN** · 31-03-2009 08:42 PM

فعلا كلامه مظبوط بس التوب لاين تزيد الاتى:
1-برنامج اتزان اليكترونى Esb
2-بخاخات على الفوانيس
3-6 ايرباج
4-زينون (زى ما هو قال)
5-فتحه سقف(زى ما هو قال)
6-الرشاشات على الزجاج الامامى بها سخانات...

**the_big_man** · 31-03-2009 08:51 PM

طيب سؤال فني بقى للشباب ،، الواحد وهو بيشتري العربية يعرف ازاي انها هي فعلا الفئة اللي هو متكلم عليها ،، اصل انا معظم الكماليات دي بتبقى مش باينه للعين ،، نعرف ازاي ؟؟؟

وطبعا شكرا للمساعده

**KHALED AYMAN** · 31-03-2009 09:00 PM

المشاركة الأصلية كتبت بواسطة the_big_man

طيب سؤال فني بقى للشباب ،، الواحد وهو بيشتري العربية يعرف ازاي انها هي فعلا الفئة اللي هو متكلم عليها ،، اصل انا معظم الكماليات دي بتبقى مش باينه للعين ،، نعرف ازاي ؟؟؟

وطبعا شكرا للمساعده

سهله على فكره ...
الزينون مثلا هتنور النور ..
هتلاقى لونه اول ما يشتغل ازرق غااامق و بعد كده بيبقى قريب اوى من الابيض ..
فتحه السقف باينه طبعا
الشاشه فى الفيكترا حاجتين :
1-صغيره و هتلاقى فيها زرارين من تحت (بتوع الساعه)...
2-شاشه كبيره بدون زراير بتاع اخر فئتين ...
و الايرباج بيبقى مكتوب كلمه ايرباج فى كل حته فيها ايرباج...
ال ESB اول ما تفتح الكونتاكت هتلاقى لمبته منوره كام ثانيه و تطفى ..
البخاخات على الفوانيس هتلاقى زى مربع كده تحت الفانوس ...

و اساسا هم مش هيضحكو عليك فى دى لان كماليتها ثابته مش بتتغير ..
الكلام ده مثلا فى الجيتا او الاوكتافيا لان منهم خليجى و كمالياته مختلفه كتييييييييير
احنا مثلا بعد ما اشترينا الاوكتافيا اكتشفنا ان مفيش مثبت سرعه و مفيش سى دى 6 اسطوانات و مفيش مراقبه ضغط الهواء فى الاطارات مع ان العربيه كامله..
و مبرووووووووووك مقدما...
و اى استفسار انا تحت امرك

**the_big_man** · 31-03-2009 09:04 PM

ربنا يخليك ،، انا ان شاء لله حروح بكرة علشان اشوف الألوان الموجوده ،، واتفق على الشراء باذن الله .. دعواتكم وحوافيكم بالأنباء ان شاء الله

الموضوع: الي خبراء الاوبل فيكترا الجديدة

LinkBack

أدوات الموضوع

عرض

-

-

-

-

المواضيع المتشابهه

اسوأ ما فى الاوبل فيكترا

اسعار الاوبل فيكترا

معلومات من خبراء الاوبل و كل اللى عندوا فيكترا 97 ،،، افيدونا افادكم الله

اريال الاوبل فيكترا 95

العربية الاوبل دي تسوا كام نرجو الرد من خبراء الاوبل ولكم جزيل الشكر ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة