الموضوع: اخر مقارنة هعملها : سيفيك احسن او كورولا ؟

المشاركة الأصلية كتبت بواسطة ahmed _abo samra

طيب ياباشا اتاكد انت ويبقى ليك الكلام انت
لان صاحبى اللى بتكلم عليه ده الانتيم يعنى بشد ة معاه علطول وزهنا شد مع بعض
انما عموما انا شديت مع سيفيك كتير وعارف النتيجه

اتاكد من ايه انا بقول شوفت بعينى ومادام حضرتك بتقول سبقت اكتر من سيفيك خلاص يبقى حضرتك الى محترف سواقه بقى مش بتريق والله بس هى تبقى كدا بقى وبرضه صاحبك بتقول عليه انتيم ايه الى دخل الانتيم فى السواقه مش مقياس خالص برضه زى ما قولتلك اقولك حاجه انزل بورسعيد ووقف اى حد معاه سيفيك جديده واغلبهم شباب هناك بالذات وشد معاه وان الكورولا سبقت خلى الاداره تسحب عضويتى فى المنتدى دا اقولك ايه بس
حضرتك شكلك متمسك بالكورولا فى كل حاجه لازم نكون عالحياد حتى لو عربيتك طرف فى مقارنه وفى حاجات بتبقى معروفه مش محتاجه نتكلم عنها زى الى بنتكلم فيه دا
ارجو انك متزعلش من كلامى ...
وشكرا لمشاركتك فى النقاش

المشاركة الأصلية كتبت بواسطة ahmed _abo samra

هو الفتيس بس اللى ناس اشتكت منه وده يرجع لطبيعته انه مش اوتوماتيك عادى
انما دلوقتى نزل سوفت وير جديد

لا ازاى الناس اشتكت من المارشيدير واستجابه العربيه والتقفيل والدراع الى بيفتح الشنطه والزينون والكلام دا ولا كلمه منه من عندى تقدر تشوفه فى مواضيع الكورولا وكان فى اخ هنا مجمع الشكاوى دى فى موضوع

طب محتي لو المشكلة في الفتيس بس السيفيك بردوا تكسب.. لا مفهاش عيب..

وانا بقي اقول الرأي الحيادى... كل واح ليه عربية بيحبها .. واد مالانسان هيحترم عربيته ويقدرها , اد مهيا هتديه .. يعني اهم حاجة الراحة النفسية والعناية بالعربية ..

المشاركة الأصلية كتبت بواسطة medo_2060

اتاكد من ايه انا بقول شوفت بعينى ومادام حضرتك بتقول سبقت اكتر من سيفيك خلاص يبقى حضرتك الى محترف سواقه بقى مش بتريق والله بس هى تبقى كدا بقى وبرضه صاحبك بتقول عليه انتيم ايه الى دخل الانتيم فى السواقه مش مقياس خالص برضه زى ما قولتلك اقولك حاجه انزل بورسعيد ووقف اى حد معاه سيفيك جديده واغلبهم شباب هناك بالذات وشد معاه وان الكورولا سبقت خلى الاداره تسحب عضويتى فى المنتدى دا اقولك ايه بس
حضرتك شكلك متمسك بالكورولا فى كل حاجه لازم نكون عالحياد حتى لو عربيتك طرف فى مقارنه وفى حاجات بتبقى معروفه مش محتاجه نتكلم عنها زى الى بنتكلم فيه دا
ارجو انك متزعلش من كلامى ...
وشكرا لمشاركتك فى النقاش

بص انا مش هتكلم فى الموضوع ده تانى لانى زهقت بصراحه من الكلام فيه
ولو جبت فيديو للشد هتقولوا اللى بسابقه مش بيعرف يسوق
على فكره اساسا انزل الحرفيين واسال انت بنفسك اى واحد هناك وهقوله مين يطلع من مين السيفيك ولا الكورولا الجديده
يعنى ايه اجى بورسعيد اشد مش فاهم ايه اللى حضرتك بتقوله ده
سلام

المشاركة الأصلية كتبت بواسطة medo_2060

لا ازاى الناس اشتكت من المارشيدير واستجابه العربيه والتقفيل والدراع الى بيفتح الشنطه والزينون والكلام دا ولا كلمه منه من عندى تقدر تشوفه فى مواضيع الكورولا وكان فى اخ هنا مجمع الشكاوى دى فى موضوع

طب هات اللينك لان الكلام اللى حضرتك بتقوله ده غريب جدا وعمره ما سمعته

يا جماعة هدوها .. ربنا يكرمكم .. مش هنزعل مع بعض عشان الشد.. العربيتين حلويين

معلش انى داخل فى النص كده
بس سؤال معلش

لو السيفيك بتطلع من الكورولا او العكس
الفرق بينهم فى مشوار مثلا 300 كيلو هيبقى كام ساعه؟
لو اعتبرنا ان الاتنين عايزين يجيبوا اخر العداد هم الاتنين

وطبعا الطريق مهما كان مش هيسمحلك انك تمشى على ال 200 لمده 5 دقايق على بعض
يعنى هنقول متوسط السرعه اللى هيمشوا عليها 170 مثلا

تفتكروا مين هيوصل قبل التانى؟

يا جماعه اللى بيختار عربيه عشان بتطلع من عربيه تانيه فى الشد يبقى مش فاهم يعنى ايه عربيه

والمشكله ان العربيتين بيشدوا حلو
والفرق بينهم غير ملاحظ ابدا
وممكن دى تطلع من دى والعكس

انتوا بتتكلموا فى ايه بس
قارنوا حاجات تانيه اهم وبطلوا كلام الناس اللى شايفه العربيه عباره عن موتور وبس
والا انا ارشح الفيرنا والالنترا انهم يدخلوا فى المقارنه