تريقة على الكورى

**Drift_Lover** · 29-03-2009 12:11 AM

طبعآ الكوري بتساوي بالياباني والصيني والمصري والامريكي في حالة.
http://www.nilemotors.net/Nile/showthread.php?t=66901

يا راااااااااااااااجل.
كل حاجه وليها حاجه.
وعلشان تقارن صح قارن برده فرق السعر.

**KoDaK_Gti** · 29-03-2009 01:15 AM

المشاركة الأصلية كتبت بواسطة ahmedsrs

سيبك من الناس ومن كلامهم لو مشيت وراهم هتتعب

+1111111
عارف لو كنت جبت حاجة يابانى مستعملة زى ما بيقولوا
كنت هتسمع الآتى
ياراجل حرام عليك رايح تدفع 70 الف فى عربية مستعملة موديل قديم
ده انت كنت ممكن تجيب كورى زيرو بنفس السعر

بص كبر دماغك من كلام الناس لأنك مش هتخلص من كلامهم
اتعود انك لما تشترى حاجة تكون مقتنع بيها جدا جدا

**Michael_Lanos** · 29-03-2009 01:19 AM

انت كسبان يا باشا عربيه زيرو محترمه كل الناس بتشكر فيها

**pro_samir** · 29-03-2009 04:20 AM

فكك

مانت لو اشتريت يابانى مستعمل كانو هيقعدو يقولولك اية اللى خلاك تجيب مستعمل وانت اشعرفك اللى ركبها قبلك كان عامل فيها اية وطالما دخلت فى الرينج دة مكنت تجيب اى حاجة جديدة و الزيرو زيرو برضو

يمسيك بالخير يا جحا

**khaledazizeg** · 29-03-2009 07:39 AM

اولا الف مبروك على العربية الجديدة وربنا يعطيك خيرها ويكفيك شرها
ثانيا :هقولك نصيحة من واحد مجرب
مافيش احسن من الجديد حتى لو كانت نوعها اية فهيا أفضل من المستعمل على الاقل عارف أولها ايه وأخرها اية
فأبعد عن المستعمل وما تسمعش كلام صحابك علشان تتمتع بعربيتك الجديدة وربنا يباركلك فيها يارب
والف مبروك مرة تانية

**MMamdouh** · 29-03-2009 12:20 PM

بص يا زعيم... طالما الناس اللى بتقول عليها دى بتقارن زيرو بمستعمل يبقى اسمحلى الناس دى مبتفهمش

لو المقارنة بين الزيرو حيبقى اليابانى اغلى بكتير... و اعتقد فى المستعمل برضة يضاف على كدة سعر قطع الغيار الاغلى فى اليابانى

العربية الزيرو مبتحتاجش صيانات الا بعد 5 سنوات على الاقل (بخلاف الصيانات الدورية كالزيوت و الفلاتر الخ) بالتالى دى ميزة كبيرة جدا لاى عربية زيرو على اى عربية مستعملة

هل المبلغ اللى دفعتة دة يجيبلك عربية المانى مستعملة؟ طبعا
هل الصناعة الالمانى احسن و اقوى من اليابانى؟ طبعا

اذا بالمنطق دة تروح تجيب عربية BMW مستعملة احسن من الكورى الزيرو و اليابانى المستعمل... بس بالسعر دة حتجب عربية المانى قديمة (اقدم من اليابانى) و بالتالى حتعيش حياتك فى بحر من الصيانة و الاصلاح و غالبا حتغير محل اقامتك الى الحرفيين فى مقابل انك راكب عربية "المانى"

الزيرو زيرو يا باشا... و نفض للناس لان محدش حيعجبة حاجة... المهم انت اللى تبقى مبسوط و ربنا يبارك لك فى العربية

MMamdouh