ايه رايكم نعمل استطلاع علي الحاجات اللي قابلناها في العربيه عشان نعرف كل مشكله موجوده عند كان واحد منا في المنتدي
ايه رايكم نعمل استطلاع علي الحاجات اللي قابلناها في العربيه عشان نعرف كل مشكله موجوده عند كان واحد منا في المنتدي
بما اني صاحب الاستطلاع
فانا عندي كل ما سبق ماعدا مؤشر الحراره
انا والحمد لله
عربيتى عامله 10000كم
العربيه بتعوووووووووووووووووووووو وم لما اى حد بيركب ورا
وصوت مزعج للهواء داخل العربيه
والله المستعان
اشكرك على الاستفتاء
وااكد انا معايا صنى 2008 اوتوماتيك استلمتها 30/8/2008
السياره فيها ما يلى
الحزام مبيجعش مكانه لازم انا الى ارجعه
استهلاك البنزين حدث ولا حرج
صوت الموتور مش طيب بعد 100 والغريب انه بيتحسن بعد الــ140 كم
الهان زى الزفت انا غسلت السياره فى احدى مشاحم التعاون ولون اتقشر على المرايات ( حاجه غريبه جدا )
اخيرا التوكيل زباله وبدون ذكر اسماء كفايه طلبت السياره فى مارس واستلمتها قبل الموديل الجديد بايام وقلت الحمد لله
تحياتي للجميع وان شاء الله هذه العيوب تختفي في موديل 2010
انا كانت عندي مشكله الحزام دي في الصني 2000 وال2001 واضح ان الصني عموما كده انا معايا تيدا بس الحمد لله مش بيحصل فيها الحجات دي
الحاجه اللي بجد بكرها في نيسان صني 2009 شكل قديم التي امتلكها هو اني بحب اجري اوي بالعربية
و الجري زي الزفت من السرعة 60 حتي 80 بيكون التجميع بطئ و يخنؤ
انا معايا صنى 2009 الشكل القديم بس عامل بيها 12000 كيلو ومفيش فيها ولا مشكله من الى فى الاستطلاع
انا هعلق على الجزء الخاص بعلو صوت الموتور عند 100 بس مش بنسبه للصنى لانى لسه مجبتش بيها سرعه 100 لانها لسه اول الف
بس ليه تجربه مع عربيه والدى بيجو 504 .
طول عمرنا انا ووالدى بنمشى بالعربيه من 80 الى 100 بحد اقصى فكنا ديما نسمع صوت الموتور بيعلى اوى اول متجيب العربيه سرعه 100 وكنا فكرين ان ده عيب فى الموديل ده . وسالنا ميكانيكيه كتير عن الموضوع ده معظمهم قال ان ده عيب اسطوانه
المهم شاءت الظروف اننا نعمل لاول مره عمره للعربيه وغيرنا الدسك و الاسطوانه وبعدين وطبعا بعد عذاب التلين سافرنا بها و لقينا نفس العيب ده.
المهم انا بالصدفه كنت مره مستعجل وجريت بالعربيه اكتر من 120 و 130 لاول مره
لاحظت ان صوت الموتور بينخفض بعد 110 كاننى ماشى على 70 وكررت الموضوع ده
كذا مره لقيت ان الموتور صوته بيعلا من 95 الى 110 وبيقل بعد كده.
الموضوع ده شغل بالى جدا وبدات افكر وابحث عن سبب الموضوع ده لقيت ان من احد الاسباب الرائيسيه هو
1- تصميم جسم السياره ووزنها قوه موتورها
2- قوه الموتور
3- مقاومه الهواء
والاسباب دى كلها مرتبطه ببعض بمعنى ان مقاومه الهواء للسياره بتزيد بزياده السرعه وخاصتا لو جسم السياره مش انسيابى بدرجه الى تقاوم الهواء - زي الاوتوبيس- بالاضافه لمقاومه الهواء وزن السياره , فالمقاومه + وزن السياره فى السرعه من 90 الى 110 ( طبعا بتختلف من عربيه لعربيه) بيبقو حمل زايد على الموتور فى المرحله دى , ولكن بعد سرعه معينه ( بتختلف من عربيه لعربيه) بيخف الوزن وبالتالى الحمل بيقل على الموتور فيرجع صوته يقل تانى بس مقاومه الهواء بتبقى زى ماهيه علشان كده بيزيد استهلاك البنزين فى السرعات العاليه مش علشان ان البكات او غيره بتفتح وبس لاء وعشان مقاومه الهواء.
دى كانت تجربتى فى الموضوع ده وحبيت انقلها ليكو علشان انا لقيت ناس كتير بتشتكى من الموضوع ده واحب اقلوهم ان ده طبيعى جدا فى اى سياره بس هيه بتختلف نسبيا من عربيه لعربيه للاسباب السابقه.
و اعتقد ان ده ينطبق على الصنى الان الصنى عظمها ناشف ووزنها تقيل مش زى المتسوبيشى او الكورى مع احترامى ليهم
انا اسف على الاطاله ولكم كل الشكر
اقتباس:
المشاركة الأصلية كتبت بواسطة amr2004ibm
اسمح لي اختلف مع حضرتك
علميا معامل احتكاك السيارة بالهواء يتضاعف عند 120 كم
التفسير المنطقي ان الصوت بيهدى تاني عند 110 هو
1-صوت الكاوتش بيعلى Tire Noise
2-صوت الهوا بيزيد داخل الكبينة wind noise
السببين دول بيغطوا على صوت المتور فيتهيألك ان صوته وطي لكنه موطيش ولا حاجة
pالسلام عليكم اولا صوت الديه الي في المساعد ده طبيعي جدا لان العربيه لسه جديده وده من نشوفيه العفشه كانك راكب جيب
ثاني حاجه صوت الماتور مش عالي ولا حاجه ماتنساش ان ماتور نيسان صني 2 كامه 16 صباب عزم من حديد يعني
ثالثا الكرسي الي بيزيق ان انته بتفك الكرسي علشان تعمل كسوه او غطاء حمايه ليه فالبيه السروجي مش بيركبه كويس فك الكرسي وحاول تزيت المفصلات وركبه كويس وشوف السوسنه الي بتضبط الكرسي خبيها مقابله لبعضها
وشكراااااااااااااااا
معظم المحركات صوتها ييعلا من 2500 الى 3500 لفة للدقيقة ويرجع يوطى بعد كدة تانى من 3500 لحد 5000 لفة فىالدقيقة وده بيكون مرتبط بشكل كبير جدا بما يسمى حالة الرنين وهى حدوث تناغم بين الترددات الصوتبة للمواد المختلفة المكونة لأجزاء المحرك عند تردد معين مما يدفعها لاحداث نغمة واحدة عالية الصوت(نفس السبب الذى قد يسبب تهدم جسر صغير تمشى عليه كتيبة من المشاة بخطوة منتظمة لو حدث وكان تردد(التكرار الزمنى) خطوه عساكر الكتيبة مطابقا لتردد نغمة الرنين بالنسبة للمواد المكونة للجسر، مما يدفع الضباط فى الدول التى تكثر بها الجسور الخشبية الصغيرة مثل اوروبا ان يطلبوا من جنودهم عدم السير بخطوة منتظمة على الجسور الخشيبة وما شابهها) ولذلك بمجرد ارتفاع سرع المحر عن تردد الرنين يعود للهدوء ثانيا، هذة الظاهرة انا لاحظتها فى 90% من السيارات التى ركبتها بدرجات مختلفة، لكنها تختفى الى حد كبير فقى السيارات الفاخرة نظرا لأن تصميم المحرك ينفق عليه بشدة لتلافى وجود تردد رنين تشترك فيه الكثير من اجزاء المحرك، يوجد فرع كامل من فروع العلوم التطبيقية المرتبطة بتصميم المحركات يسمى acoustics اى الصوتيات، يبحث فى كل الظواهر المرتبطة بالأداء الصوتى للمحركات وغيرها ، ويوجد متخصصون صوتيات فى الشركات الكبيرة المصممة للمحركات يهتمون بهذة المسائل
للمزيد
http://en.wikipedia.org/wiki/Acoustics
http://www.lmsintl.com/Cosworth-tech...-analysis-time
http://www.dlr.de/at/en/desktopdefault.aspx/tabid-1521/
http://www.sae.org/technical/papers/920411
http://www.lmsintl.com/simulation/ac...gine-acoustics
موضوع مهم جداً فعلا أشكر صاحبه على الفكرة دي وياريت لو العيوب دي توصل للتوكيل عشان يتلافاها ويشوفلها حل
أنا شاري عربيتي في ديسمبر 2008 ، طبعا العربية موديل 2009 سوبر صالون الشكل القديم عامل بيها لحد الآن حوالي 9000 كم
أهم المشاكل اللي قابلتني
1- حزام الأمان مبيرجعش مكانه وكأنه معمول بأستك !!!!!!!!
2- استهلاك البنزين، حدث ولا حرج، 200 كم في الصفيحه لما يضربها الدم ، حتى جربت أمشي بيها مسافة سفر على سرعة 90 كم لأن دي السرعة الالمثلى لتقليل استهلاك البنزين ومفيش فايده، 120 مفيش فايده، 140 مفيش فايده، 160 مفيش فايده، فقلت إنا لله وإنا إليه راجعون
3- صوت الهوا جوه العربيه غريب، وكأني راكب ميكروباص ترامكو اللي بيجمعوه في المطريه، حاجة تكسف بجد، مفيش أي نوع من أنواع العزل
4- تنجيد الكراسي سيئ للغاية، وكأنه معمول عند الحاج فتحي بتاع باب الشعرية.
5- الدهان!!!! الناس دي بتهرج بجد، البوية بتقشر يا جدعان!! خصوصاً المرايات والعتب، ولوحدها والله من غير ما ألمسها. هوا أنا عامل سمكره و دوكو عند عم حنفي!! حسبي الله ونعم الوكيل
صحيح الدهان مش في الضمان ولا ايه؟؟؟؟؟
6- المفتاح فقير جداً، عامل زي مفتاح الشاهين (مع احترام الشاهين).
من ناحية أخرى، في حاجات عجبتني في العربية:
1- الثبات، يمكن في ناس تعارضني، لكن أنا عاجبني ثبات العربية الحقيقة
2- الفرامل وإن كان بعض الناس بتشتكي منها لكن أنا شايف انها جيده جدا وبتلقط بسرعة (مش عارف إذا كان الموديل بتاعي فيه معزز أداء الفرامل ولا لأ)
3- التقفيل الداخلي مش زي ما تخيلت من كتر شكاوي الناس منه، أنا شايف انه معقول جدا ومفيهوش مشاكل ظاهرة أو جوهرية
4- الكاسيت صوته ممتاز
5- ودي حاجة عجباني جداً، العربية تمشي شبابي ورياضي ، وتمشي كلاسيك و برستيج
6- العربية الحمد لله مبتسخنش، سافرت بيها شرم الشيخ في عز الشمس، ومشغل التكييف ، السرعة من 140-160، وبدون توقف إلا للتزود بالبنزين لمدة 6 ساعات متتالية (على رأي السادات)، وماقالتش بم.
دي أهم ملاحظاتي على العربية بعد 5 شهور و 9000 كم
انا اعرف اللون اللى بيقشر هو لون الابيض و السرفر . ممكن نعرف عربيتك ايه . علشان نعرف العيب ده موجود فى جميع الالوان . وشكرا للمساعده
لا يا باشا أنا عربيتي لونها أسود، ولما بتقشر الللون اللي تحتها بيكون رمادي فاتح كدهاقتباس:
المشاركة الأصلية كتبت بواسطة MOMOBARAK
يعني بتبقى واضحه جدا وشكلها يكسف
الحقيقه انا عندى نيسان صنى موديل 99 يابانى عامله 255 الف كم ولسه بحاله جيده للان ولله الحمداقتباس:
المشاركة الأصلية كتبت بواسطة mdsoultan
بالنسبه لموضوع الدبه اللى فى المساعد يمين ورا موجوده عندى برضه وغيرت المساعدين مرتين خلال عمر العربيه ولسه الدبه موجوده ده غالبا عيب تصميم فى العربيه لان فيه احد الاخوه قال انه كشف على صنى بتاعته فى مركز زوايا وقالوا له انها من الجهه اليمين اعلى من الشمال ب 2 سم
يمكن يكو ده السبب
عموما بالنسبه لقصه دب المساعد يمين ورا مالهاش حل حتى فى الموديل اليابانى القديم !!