احتلال معارض السيارات لارصفة الشوارع

**Mar80** · 29-03-2009 07:56 AM

المشكلة دي بنعاني منهافي الاسكندرية كل عمارة فاتح تحتها معرض عربيات راكنة ما بين 4 الى 8 سيارات احيانا و سكان العمارة يخبطوا رسهم في الحيط لدرجة انه قبل ما يصدر المحافظ قرار بعدم ركن اي سيارة على الرصيف كانت محتلة الرصيف هل هناك حل لهذه المشكلة و خصوصا احنا على ابواب الصيف و شوفوا المجازر اللى بتحصل علشان الناس تركن

**eslam_wega** · 29-03-2009 09:26 AM

مع بعض كدة واعملوا شكوى للمحافظ وانا اعرف ان مش بيتخر على طلبات الموطنين

**powerofhelll** · 29-03-2009 09:31 AM

ممكن تكلم الشرطه في الموضوع ده

**PoweRPassioN** · 29-03-2009 09:33 AM

أكيد عندكو مجلس أداره للعماره لو تمليك
أو صاحب البيت لو إيجار
يتكلم مع صاحب المعرض بالحسنى لو ملقاش استجابه خالص
ممكن شكوى للمحافظ او البلديه

**أبو إياد** · 29-03-2009 11:21 AM

مهما تعملوا الوضع مش هايتغير
ده مش احباط ولا حاجه بس ده الواقع والله
لانى اعرف اصحاب معارض كتير وعارف اسلوبهم فى التعامل مش مع المواطنين مع الجهات المسئوله
انت فى مصر يامعلم

**amir** · 29-03-2009 12:06 PM

المشاركة الأصلية كتبت بواسطة mohamedezat

اعرف اصحاب معارض كتير وعارف اسلوبهم فى التعامل مش مع المواطنين مع الجهات المسئوله
انت فى مصر يامعلم

فعلا كلامك صح
في شقه واحد صاحبي علي الكورنيش بعد كانتري كلوب
معرض عربيات هناك تحت العماره مش عايز اقولكم
عربيه نص نقل جايبه الابواب و الراجل واقف ينزل الابواب و اروح هناك الاقي الراجل بيشتكيلي من سوء معامله العاملين بالمعرض ليهم
رحت اكلمهم
في ثانيه واحده لقيتهم بيغلطو في الراجل و فيا كمان و قلبت خناقه
المهم انه محتل اسفل العماره بالكامل و صابب مطالع و منازل محتل بيها 3\4 المدخل للشارع و كل مخرج الشارع و المساحه الكامله لارض العماره
لولا ان الواحد بيستحرم كنت بوظتلو العربيات المرصوصه