صوت تزييق فى المطبات

**ahit** · 23-04-2009 07:16 AM

المشاركة الأصلية كتبت بواسطة ahmedromance

ده المقص مش مربوط كويس او المسامير الي مثبتاه في جسم العربية من تحت (الشسيه) فيه منهم مسمار مفوت.

انا أوقات بسمع الطقطقة دى فى المطبات و خاصة و الدريكسيون ملفوف مع إن الميكانيكى فكلى المقص و شحمه و ركبه تانى بمسامير جديدة و لسه الصوت موجود ؟؟؟
يا ترى إيه سبب المشكلة ؟

**mohamed9999** · 14-10-2009 02:22 PM

انا كنت بدور فى البحث لقيت مشكلتكم ...........الظاهر ان التزيييق دا ملوش حل مع انه لسه ظاهر عندى من يومين

**thedeveloper87** · 16-10-2009 07:36 PM

معلش سؤال كده عالماشي:
يعني ايه تشحيم (أقصد في البنزينة) ومشاحم؟ ولو بيشحم أجزاء معينة في العفشة مش كده هيخلي الأجزاء دي عرضه لإن تلم تراب أكتر؟؟؟؟؟

**wanderer** · 04-11-2009 12:58 PM

المشاركة الأصلية كتبت بواسطة x100

ثلاثة شهور بس دانتا كدة محافظ على العربية انا مكنتش بكمل شهر ونص بالبيجو 104 ولازم اربط العفشة واشحم وازييت انت فى مصر يا بية

طيب تربيط العفشة انا عرفه ,اما التشحيم والتزييت دا ايه وبيتعمل فين

**sameh127** · 29-11-2009 05:43 AM

- اغسل العفشة في البنزينة بماء و صابون سائل "إبعد تماما عن الجاز"
- رش سبراي wd-40 على كل الوصلات والكاوتشات في العفشة و تحاشى تماما وضع اي نقطة شحم علي العفشة مرة اخري ودائما استخدم wd-40 عند الحاجة و اتفرج علي الفرق

**HOBANEW** · 06-12-2009 02:01 PM

المشاركة الأصلية كتبت بواسطة sobhysm

أنا عندى نفس الاعراض بس العربية 128 يا ريت تفيدونى علشان رحت أشحم العربية فى البنزينة قالى ال128 ما لهاش مشاحم ومشحمهاش يا ريت تفيدونى يا رجالة المنتدى وشكراً للأخ كاتب الموضوع علشان أنا كنت لسة هكتب عن المشكلة دية

عندي 128 بتعمل صوت تخبيط تحت من الامام و لما بطلع مطب او امشي في شارع متكسر --- ده طلع حماله الموتور ال تحت مكسوره - بيقولو عليها الركبه غيرتها عند سمكري و دلوقتي الحماله الثانبه اتكسرت و لسه معملتهاش كل ده بسبب المطباط العليه لو ختها بسرعه -- خدو بالكو من المطباط