صوت تزييق فى المطبات

**Ahmed Hamdy** · 29-03-2009 11:53 AM

عربيتى ماروتى .. كل شوية ألاقيها بتزيق فى المطبات والحتت المكسرة .. رحت أول مرة لعفشجى قالى دى علبة الدركسيون .. !!! وبعدين قالى مؤقتا حنغسلها ونشحمها بس ده حل مؤقت .. عمل كده مشيت شوية كويس ورجعت تانى ..
رحت لواحد تانى قالى دى المقصات عايزة تتغسل وتتشحم .. فكها لقى بيضة مكسورة .. رحت غيرت المقصات لان بيضة المقص فيه هو نفسه مش لوحدها .. وبرضه بعد التغيير لقيت التزييقة .. رحت لعفشجى حكيتله القصة قالى ده ميكانيكى قلتله أيوه .. قالى لأ حنظبطها .. وتقريبا شحمها أو كده اختفى الصوت .. برضه قعدت شهرين تلاتة ورجع تانى .. وهكذا ..
هو مفيش حل نهائى للموضوع ده ؟؟؟

كمان بسمع صوت طقة كده جاى من تحت رجلى وأنا بطلع بالعربية أو طالع مطب بالراحة .. مش عارف برضه سببه ..

**tmedhat** · 29-03-2009 02:49 PM

انت شحمها مرة كل 3 شهور فى البنزينة ودة بيزيل الاوساخ العالقة بالعفشة وبيمنع التزييقة دى

**x100** · 29-03-2009 04:32 PM

ثلاثة شهور بس دانتا كدة محافظ على العربية انا مكنتش بكمل شهر ونص بالبيجو 104 ولازم اربط العفشة واشحم وازييت انت فى مصر يا بية

**sobhysm** · 29-03-2009 05:45 PM

أنا عندى نفس الاعراض بس العربية 128 يا ريت تفيدونى علشان رحت أشحم العربية فى البنزينة قالى ال128 ما لهاش مشاحم ومشحمهاش يا ريت تفيدونى يا رجالة المنتدى وشكراً للأخ كاتب الموضوع علشان أنا كنت لسة هكتب عن المشكلة دية

**Honda_lover** · 29-03-2009 07:59 PM

المشاركة الأصلية كتبت بواسطة Ahmed Hamdy

كمان بسمع صوت طقة كده جاى من تحت رجلى وأنا بطلع بالعربية أو طالع مطب بالراحة .. مش عارف برضه سببه ..

ده المقص مش مربوط كويس او المسامير الي مثبتاه في جسم العربية من تحت (الشسيه) فيه منهم مسمار مفوت.

**Ahmed Hamdy** · 31-03-2009 02:38 PM

المشاركة الأصلية كتبت بواسطة ahmedromance

ده المقص مش مربوط كويس او المسامير الي مثبتاه في جسم العربية من تحت (الشسيه) فيه منهم مسمار مفوت.

أنا متشكر لحضرتك ..
أنا رحت امبارح لعفشجى قالى دى علبة الدركسيون محتاجة حشو .. مع إنى عاملها من كام شهر ..

مش عارف كلامه صح ولا ايه ؟؟؟

**Honda_lover** · 02-04-2009 02:09 AM

الكلام اللي انا قولتهولك ده صح 100% ومتجرب قبل كده في كذا عربية روح للعفشجي وقولو اعمل كده وجرب ومش هتخسر حاجة

**Ahmed Hamdy** · 18-04-2009 02:53 PM

طيب أنا لما كنت عند العفشجى قلتله على موضوع التزييق ده قالى مفيش حاجة بس اغسل العربية من تحت ..قلتله طيب أشحمها قالى لأ دى مش بتتشحم .. العربية ماروتى ..
لما غسلتها فعلا التزييق راح بس أسبوع ورجع تانى ..

نفسى فى حاجة تخلى التزييق ده يروح فترة على الأقل شهر .. !!!

**amarakl** · 18-04-2009 08:38 PM

لأى اعطال سوزكى انا واحد صاحبى بيصلح عربيته فى مركز صغير فى عابدين صاحبه مهندس وعنده قطع غيار جديده وأستيراد وراجل ممتاز والله معاملته ممتازه بس هو دايما مزحوم لو عايز تروحله أبعتلى على اليميل وانا اوصفلك مكانه amarakl@hotmail.com

**Ahmed Hamdy** · 19-04-2009 12:22 AM

أنا كنت بفكر أجيب Wd40 وأرشه من تحت العربية على المقصات والميزان وكده ... ينفع ولا غلط ؟؟

الموضوع: صوت تزييق فى المطبات - ماروتى

LinkBack

أدوات الموضوع

عرض

-

-

-

-

المواضيع المتشابهه

صوت تزييق m11 مع المطبات والطرق غير المستوية

صوت تزييق في المطبات

تزييق في المطبات

ماروتى سوزوكى توقف أنتاج ماروتى 800

الكلمات الدلالية لهذا الموضوع

المفضلات

المفضلات

ضوابط المشاركة