لغة الكلاكسات

**Samah AbdAllah** · 12-05-2009 05:15 PM

هى الناس بتعلق بالاشارات كمان؟؟؟؟؟؟؟؟؟

**agwaa** · 13-05-2009 11:14 AM

المشاركة الأصلية كتبت بواسطة tabeb

الأصل في «كلاكس» السيارة أن يكون أداة تنبيه ومساعدة في القيادة، والإشارة أداة ضرورية للقيادة السليمة، وضمان عدم وقوع الحوادث، ولكن هذه العناصر تحولت للغة خاصة جدًا بين الشباب المصري، تبدأ بالتحذير من وجود الرادار علي الطريق السريع وتنتهي بإعلان الحب وأحياناً الغضب، تعلم اللغة أولي خطوات الفهم ونحن في هذا الدليل السريع نأخذ بيدك لتفهم قواعد اللغة الجديدة.

١- فلاشر صادر من سيارة خلفك مباشرة تعني أنه مسرع ويريد منك أن تأخذ جانبًا.

٢- انتظار مع فتح السائق للباب تعني أنه لم يجد من يقف أمامه وأنه قام بتخطي الطريق كله.

٣- إشارة يمين ثم إشارة شمال تعني أن هناك من «يشتمك».

٤- إشارة يمين ثم إشارة شمال ثم انتظار تعني أنه يتحداك بدخول سباق معه علي الطريق، فإذا كانت سيارتك قديمة فلا تعطه أي اعتبار.

٥- فلاشر صادر من السيارات في الجهة الأخري من الطريق تعني أن هناك لجنة مرور أمامك وهم يحذرونك، لذلك لابد من تخفيف السرعة وارتداء الحزام وعدم الحديث في الموبايل.

٦- إذا كان الفلاشر مصحوبًا بإخراج اليد وقفلها وفتحها فإن ذلك يعني أن رادار السرعة بانتظارك فلا تزد السرعة، ولو مشيت كثيرًا فهناك بعض الشباب يأخذهم الحماس ويحذرون الجهة المقابلة لمسافات كبيرة.

٧- استخدام الكلاكسات بطريقة ثلاث ضغطات متتالية يتتبعها ضغطة طويلة تعني «الشتيمة» أيضًا.

٨- ضغطتان بالكلاكس كل واحدة منفصلة عن الأخري، وتتبعهما ضغطة طويلة تعني في لغة السيارات الجديدة بحبك.
وأخيرًا نتمني لك قيادة آمنة وسعيدة.

منقول

9 - ضغطتان متتاليتان بالكلاكس كل واحدة منفصلة معناها شكراً وأنا بأستخدمها كتير لما أطلب من حد أنه يوسع لي علشان أعدي ويوسع لي فعلاً

**fakoussa** · 13-05-2009 11:29 AM

- لما تعدى عربية على الطريق السريع و وهو ضارب النور العالى اضرب اشارة واحدة شمال المفروض انه يطفى النور العالى و لو طفاه اديلوا اشارة تانية شمال برضه معناها شكرا و ها يرد عليك بواحدة عالى سريعة

**fakoussa** · 13-05-2009 11:37 AM

- لو جيت تعدى عربية نقل على الطريق و ادالك اشارة شمال و هو على الشمال معناها انك تعدى من اليمين لانه مش هايوسعلك .
- لو جيت تعدى عربية نقل على الطريق و ادالك اشارة يمين و هو على الشمال معناها انه هايخليك تعدى .
- لو جيت تعدى عربية نقل على الطريق و ادالك اشارة يمين و هو على الشمال و جيت تعدى ماوسعلكش دا معناه انه ادامه عربية و هو بيعديها و اول مايعدى هايوسعلك .
- لو جيت تعدى عربية نقل على الطريق و ادالك اشارة شمال و هو على الشمال و جيت انت تعدى من على اليمين و لاقيته برضه ادى اشارة يمين و بعدين انتظار معاناه انه فيه عربية على اليمين و الطريق مقفول فى اليمين و انتظر لما يعدى علشان تعرف تعدى.
- ساعات لما تعدى عربية اجرة او نقل على الطريق تلاقيه طفى النور العالى بتاعه و دا ذوق منه علشان النور مايضايقكش و بيفضل هو ماشى فى النور بتاعك لحد ما تبعد عنه و بعدين بيفتح نوره تانى .

**Samah AbdAllah** · 13-05-2009 03:19 PM

ايه الكلام الكبير ده
ده احنا لازم ناخد كورس لغة الاشارة
شكرا عالتوضيح

**tabeb** · 13-05-2009 03:34 PM

المشاركة الأصلية كتبت بواسطة محمد فريد

طيب عربية ماشية على طريق سفر ومشغلة الانتظار وعدتك
بس محدش يقولى عايز يشد معاك لان انا كنت راكب اتوبيس

ممكن عايز يقولك هدي شوية

**محمد فريد** · 13-05-2009 04:25 PM

او ممكن يكون كان ناسيه :)

**mazen86** · 13-05-2009 05:56 PM

كل الاشارات دي انا يستخدمها

وكل واحدمن اصحابي له الكلاكس بتاعه يعني لو انا هعدي عليه في البيت لو هوا مش موجود اخوه بيطلع يقولي مش هنا

من الاخر كل البيت عارف الكلاكس بتاعي

-

-

الموضوع: لغة الكلاكسات

LinkBack

أدوات الموضوع

عرض

-

-

-

-

-

-

المواضيع المتشابهه

لغة السواقه او لغه " الكلاكسات"

الكلاكسات

الكلمات الدلالية لهذا الموضوع

المفضلات

المفضلات

ضوابط المشاركة