استفسار بسيط...

**okacha** · 30-03-2009 01:25 AM

عاوز اعرف لو سمحتوا معلومات عن الليبرتى موديل 2004-2005.؟ و كيفيه الكشف الصحيح للمستعمل منها؟ و سعرها حاليا فى حدود كام؟ و عيوبها و مميزاتها ؟و هل قطع غيارها او توكيلها فيه مشاكل؟
الرجاء سرعه الردود لأنى بجد تايه و محتار بينها و بين اى عربيه سيدان بس عجبانى جدا الليبرتى؟و شكرا سلفا .

**KHALED AYMAN** · 30-03-2009 01:31 AM

انا برده ان شاء الله هجيب ليبرتى ...
سعرها حاليا فى حدود 155 ل 165 او 170 بالكتير ...
بس انا فى ناس كتير نصحونى بلاش منها للاسباب دى :
1-ثباتها مش حلو بعد 120
2-ثباتها ضايع فى المطر
3-ضيقه من ورا
4-بتاكل بنزين
5-صوتها عالى
6-فاشله فى الصحراء و الجبال ....
انا بالنسبالى دى مش عيوب قوى يعنى ...
انا عن نفسى قلت اريح دماغى و اجيب حاجه زيرو بس اخويه مصمم عليها و مقتنع بيها و حكم القوى بقى ...

بس طبعا هى فيها مميزات كتيييييييييير
سحب حلو
ارتفاع
برستيج عالى
تحمل
حاجات كتير مش هتلاقيها غير فى 4*4 و مفيش 4*4 فى سعرها كويس........

**okacha** · 30-03-2009 05:39 PM

شكرا يا استاذ خالد على ردك و بالتوفيق ان شاء الله بس ياريت حد من الاعضاء يهتم بالرد على اسئلتى لانى محتار جدا و شكرا مره اخرى.

**h_hezzah** · 11-04-2009 01:01 PM

المشاركة الأصلية كتبت بواسطة KHALED AYMAN

انا برده ان شاء الله هجيب ليبرتى ...
سعرها حاليا فى حدود 155 ل 165 او 170 بالكتير ...
بس انا فى ناس كتير نصحونى بلاش منها للاسباب دى :
1-ثباتها مش حلو بعد 120
2-ثباتها ضايع فى المطر
3-ضيقه من ورا
4-بتاكل بنزين
5-صوتها عالى
6-فاشله فى الصحراء و الجبال ....
انا بالنسبالى دى مش عيوب قوى يعنى ...
انا عن نفسى قلت اريح دماغى و اجيب حاجه زيرو بس اخويه مصمم عليها و مقتنع بيها و حكم القوى بقى ...
..

تعليق بسيط بس على حكاية الثبات الضايع فى المطر. لأنى ملاحظ انها بتتكتب كتير هنا
مشكلة الليبرتى او العربيات ال 4*4 اللى موتورها كبير فى المطر ان لو زودت بنزين زياده العجل الخلفى بيبدأ يلف عالفاضى فيتزحلق بسبب ان معامل الإحتكاك مع الأرض بتبقى اقل بسبب المطر.
فلو عربية جر امامى مش هاتبقى مشكلة، اما لو دفع خلفى تلاقى العربية غيرت اتجاهها. والحالة دى بتكون زايدة فى المحركات الجامدة. وعلى فكرة نفس الحالة من الزحلقة دى بتكون لو ماشى على طريق اسفلت وعليه تراب كتير.
الخلاصة ان ده عيب سواق، لأنه مش عارف يتحكم فى القوة اللى تحت رجله (دواسة البنزين) من أول موديل 2006 الليبرتى بقى فيها ESP وهو بيقوم بالمهمة دى بدل السواق.
انما الحل البسيط اللى ممكن تتجنب بيه الزحلقة دى فى المطر او التراب انك تجيب ذراع فتيس الغرز على 4WD FULL Time وبكدة هتلاقى فرق شاسع
اللى بيشتكى من عدم ثبات الليبرتى فى المطر يعود نفسه انه لما يبقى سايق فى المطر يجيبها على وضع 4WD FT

**KHALED AYMAN** · 11-04-2009 01:07 PM

المشاركة الأصلية كتبت بواسطة h_hezzah

تعليق بسيط بس على حكاية الثبات الضايع فى المطر. لأنى ملاحظ انها بتتكتب كتير هنا
مشكلة الليبرتى او العربيات ال 4*4 اللى موتورها كبير فى المطر ان لو زودت بنزين زياده العجل الخلفى بيبدأ يلف عالفاضى فيتزحلق بسبب ان معامل الإحتكاك مع الأرض بتبقى اقل بسبب المطر.
فلو عربية جر امامى مش هاتبقى مشكلة، اما لو دفع خلفى تلاقى العربية غيرت اتجاهها. والحالة دى بتكون زايدة فى المحركات الجامدة. وعلى فكرة نفس الحالة من الزحلقة دى بتكون لو ماشى على طريق اسفلت وعليه تراب كتير.
الخلاصة ان ده عيب سواق، لأنه مش عارف يتحكم فى القوة اللى تحت رجله (دواسة البنزين) من أول موديل 2006 الليبرتى بقى فيها ESP وهو بيقوم بالمهمة دى بدل السواق.
انما الحل البسيط اللى ممكن تتجنب بيه الزحلقة دى فى المطر او التراب انك تجيب ذراع فتيس الغرز على 4WD FULL Time وبكدة هتلاقى فرق شاسع
اللى بيشتكى من عدم ثبات الليبرتى فى المطر يعود نفسه انه لما يبقى سايق فى المطر يجيبها على وضع 4WD FT

متشكر يا استاذ حازم ..
طيب هل العربيه دى فيها مشاكل تانيه ؟؟
اصل انا كل ما اسال حد عليها يقولى مشاكلها كتيييييير بس مش عارف ايه المشاكل دى ...؟؟
و يا ريت لو حضرتك تقولى ايه الفرق بين موديل 2007 عن 2006 !!!!
لانى احتمال اشترى واحده 2007 بتاع عمى ...