الموضوع: تحذير: الهوا يتلاعب بالياريس

يا اخواني ده طبيعي في اي عربيه سواء ياريس او اي حاجه تانيه
يعني الموضوع مش محدد بعربيه معينه
اي عربيه هتمشي على طريق في رياح عاليه او قويه هتعمل كده
هتفرق في السرعات بتاعت العربيه ومدى ثقل العربيه وقربها من الأرض وعرض الكاوتشات

فبلاش نتكلم على عربيه وهيا الغلط او المشكلة مش فيها
يعني مثلا الياريس دي لو حطيت جتنوط 15 او 16 مع كاوتش عريض هتبقى كويسه جدا

زى ما قال معظم الاخوه ان اى عربيه على طريق سريع فى مثل هذه الايام التى تكثر فيها سرعة الرياح

طبيعى انها تتأثر حسب سرعة السياره ووزنها

انا سافرت بالعربيه فى الجو العادى المستقر مشيت 160 لفتره وكانت تمام

ومره سافرت كان فى رياح شديده على طريق اسيوط الصحراوى

فى حدود ال 100 كيلو الثبات تمام لو وصلت ل 120 كنت بحس ان العربيه بتحاول تطلع بره الطريق شمال وكانت الرياح قادمه من على يمينى

كان الدركسيون بيقى تقيل شويه شمال انما مكنتش العربيه بتموج للدرجه اللى تخوف يعنى كان ممكن امشى 120 وازيد شويه فى الرياح بس لازم تكون متابعتى للسياره باهتمام اكبر

لكن اصلا ايه اللى يخلينا نجرى فوق ال 120 فى السفر او فوق ال100 فى ظروف رياح قويه مهما كان نوع العربيه اللى راكبيينها

لان اى سياره مهما كانت قوتها ووزنا واتزانها لابد ان الرياح الشديده حتأثر عليها فى الطرق المفتوحه بشكل او يآخر

انا حاسس ان فى ناس كتير متحامله على اليارس معرفش ليه !!!

يكفينا صوتها الهادئ وارتفاعها عن الارض وتوفيرها للبنزين وكفى بها نعمه

المشاركة الأصلية كتبت بواسطة CryptonX

الموضوع مش عيب في الياريس تحديدا ولا حاجة

اي سيارة في هذه الفئة الصغيرة حجما و وزنا كدة خصوصا لو عالية شوية مثل الياريس .

و بتتحل زي مالاخوة قالولك ( جنوط مقاس اكبر - توطية السيارة - عتب و سبويلر مظبوط )

انما ده مش عيب شخصي في الياريس ولا حاجة مع اني مش من ملاكها و لا بحبها بس الواحد لازم يذكر الحق .

انا ركبت فرنا و اكسنت و كانت نفس الشيء تقريبا - الجيتز نفس الشيء البونتو و السيينا بالذات انا مسميها " عوامة " و عربيتي مسميها " مركب" و امال لو ركبت الانوس حتقول ايه :)

بس احنا عندنا اهم حاجة يقولك الاستابيليتي بتاعت مش عارف ايه رهيبة ! و هو كان حيعملها علي روحه و هو جايب اي سرعة اعى من 100 مع احترامي طبعا لجميع الناس انا بهرج :)

جميع سيارات هذه الفئة مصممة لداخل المدينة ( باستثناء النسخ الرياضية او المعدلة ) و بالتالي سرعات مثل 120 دي تعتبر مثلا اقصى سرعة صممت لها السيارة .

بس مفيش حد فاهم كدة .. الي راكب 128 و الي راكب ياريس و الي راكب فرنا اهم حاجة العربية تقفل العداد !

كلام زى الفل ...
الياريس عربية مدينة city car فبلاش تتوقع منها اداء خرافى هلى الطرق السريعة نهائى

مرة أخري أتوجه بالشكر العميق لكل الأخوة الذين شاركوا بهذا الموضوع و شكر خاص للنقد البناء و أود أن أوضح بعض النقاط بهذا الأمر:

1- أنا لا أتحامل علي الياريس و فعلا شكرت فيها في موضوع سابق و مازلت عند رأيي بها أنها سيارة جيدة جدا
2- ظروف السفر الكثير هي ماتضطرني للسير بسرعات عالية و لكن أقصي سرعة أقود بها قد تكون 140 كم/ساعة و عندما تكون الظروف كلها مهيئة لهذه السرعة (طقس - طريق - كثافة مرورية) فعندما أقود بسرعة أكون في غاية الحرص و غير متهور مثل البعض
3- الياريس فعلا حيرتني بدليل أني سافرت بها اليوم علي نفس الطريق ووصلت لنفس السرعة و أكثر و كان ثباتها جيد (طبعا لأختلاف حالة الجو عن الأمس)
4- عندما كتبت هذا الموضوع كان هدفي هو تحذير ملاك الياريس من السرعة العالية في حالة الجو العاصف أو تيارات الهواء الشديد
5- أما بالنسبة للسيارة اللانوس فقد سافرت بها علي نفس الطريق و بنفس السرعة و كان الجو أسوأ بكثير (ليل - امطار غزيرة - رياح) و كانت سرعتي المتوسطة 100 كم/ساعة و لم أشعر بأي خلل أو مشاكل مثلما حدث بالياريس , فبلاش تظلموا اللانوس

المشاركة الأصلية كتبت بواسطة SE_coralsea

مرة أخري أتوجه بالشكر العميق لكل الأخوة الذين شاركوا بهذا الموضوع و شكر خاص للنقد البناء و أود أن أوضح بعض النقاط بهذا الأمر:

1- أنا لا أتحامل علي الياريس و فعلا شكرت فيها في موضوع سابق و مازلت عند رأيي بها أنها سيارة جيدة جدا
2- ظروف السفر الكثير هي ماتضطرني للسير بسرعات عالية و لكن أقصي سرعة أقود بها قد تكون 140 كم/ساعة و عندما تكون الظروف كلها مهيئة لهذه السرعة (طقس - طريق - كثافة مرورية) فعندما أقود بسرعة أكون في غاية الحرص و غير متهور مثل البعض
3- الياريس فعلا حيرتني بدليل أني سافرت بها اليوم علي نفس الطريق ووصلت لنفس السرعة و أكثر و كان ثباتها جيد (طبعا لأختلاف حالة الجو عن الأمس)
4- عندما كتبت هذا الموضوع كان هدفي هو تحذير ملاك الياريس من السرعة العالية في حالة الجو العاصف أو تيارات الهواء الشديد
5- أما بالنسبة للسيارة اللانوس فقد سافرت بها علي نفس الطريق و بنفس السرعة و كان الجو أسوأ بكثير (ليل - امطار غزيرة - رياح) و كانت سرعتي المتوسطة 100 كم/ساعة و لم أشعر بأي خلل أو مشاكل مثلما حدث بالياريس , فبلاش تظلموا اللانوس

معنى كده انك مجربتش اللانوس فوق ال 100 كيلو فى وجود الرياح مثلما جربت مع الياريس

شوفت بقى انت ازاى ظلمت الياريس